San Juan 12:35 - Xochapa Mixteco

³⁵ Saa ndi̱kuiin Jesús káꞌan ra xiꞌin na, káchi ra saa: ―Siloꞌo ni kivi íyo yeꞌe kúu ñu̱ꞌu̱ xiꞌin ndo. Yakan xíniñuꞌu ndo ndikundikun ndo ichí nuu yéꞌe̱, süvi ka vi ya iin kama soꞌva ku̱u ta xaa ya naá tiin ya ndóꞌo̱. Chi ndiꞌi na xíka nuu naá, ta ni köo xíni na nuu kuꞌun na.

San Juan 12:35 ပူးပေါင်းရင်းမြစ်များ

San Lucas 18:37

Saa ndi̱kaꞌan na xiꞌin ra: ―Ra Jesús, ra ke̱e ñuu Nazaret ku ra yáꞌa kuaꞌan ―káchi na xiꞌin ra.

San Juan 11:10

Sundi na xíka ñǔu ta kákiꞌi xaꞌa na chi köo ñu̱ꞌu̱ túun kúu mií na nuu xíka na ―káchi Jesús.

San Juan 11:9

Saa ndi̱kuiin Jesús, káꞌan ra: ―Uxi uvi hora kúu mií iin kivi. Ta iin na xíka nduvi ta käkiꞌi xaꞌa na nduva na, chi nduvi kua xíka na ta túvi nuu na xiꞌin ya yéꞌe̱ ñuu ivi yóꞌó.

San Juan 12:36

Tá íyo ñu̱ꞌu̱ yóꞌó tañu ndo ta xíniñuꞌu ndo kandixa ndo ya, ta saa kuchiñu ndo nduu ndo na xíka nuu túun ñu̱ꞌu̱ ―káchi Jesús xiꞌin na. Tá sindiꞌi ndi̱kaꞌan ra tuꞌun ikán ta saa ke̱ta ra kuaꞌan ra tiseꞌe ra.

San Juan 12:46

Yeꞌe ku ñu̱ꞌu̱ ya xa̱a i ñuu ivi yóꞌó, ta ndiꞌi na kándixa yeꞌe, ta ndöo na koo na nuu naá.

San Juan 16:16

Chi tixin soo uvi ndaa kivi ta küni ka ndo yeꞌe. Tá ndi̱yaꞌa uvi ndaa kivi, saa kuni tuku ndo yeꞌe, saa chi yeꞌe ta kuꞌun i nuu Iva i ―káchi Jesús xiꞌin nda.

San Juan 7:33

Saa ndi̱kaꞌan Jesús xiꞌin na, káchi ra saa: ―Siloꞌo ni va tiempo íyo i xiꞌin ndo, ta saa ndiko koo i kuꞌun i nuu ra ti̱ꞌvi yeꞌe vaxi i.

San Juan 8:12

Saa xa̱á tuku ra káꞌan ra xiꞌin naꞌa, káchi ra saa: ―Yeꞌe ku ñu̱ꞌu̱ ya síndiyeꞌe nuu na ñuu ivi yóꞌó. Ta ndiꞌi na ndíkun yeꞌe ta käka na ichí ya naá, chi kúu mií na ñu̱ꞌu̱ ya táxi kutaku na ―káchi ra xiꞌin na.

2 Corintios 3:14

Tá íin toto ya xi̱ndasi nuu ra Moisés, saa ndo̱ꞌo na Israel chi ndi̱kundasi ya xínituni na. Yakan nda vitin tá káꞌvi na ley yata íyo ndaꞌa na ta köo kúndaa ini na xiꞌin ya. Nda vitin ta ndási yaa nuu na, iindaa Jesucristo ku ra kuchiñu kindaa ya ndási nuu na.

Gálatas 6:10

Ndiꞌi saa ichí ya kúchiñu yo chindee taꞌan yo xiꞌin naꞌa, ta vaꞌa ná ikan yo ya vaꞌa xiꞌin ndiꞌi na. Ta ndisaa ka vi na taꞌan yo, na ndáa ni ini xíni Jesucristo, ná chindee taꞌan ni yo xiꞌin na.

Efesios 5:8

Saa chi yachi ta nuu naá va ndi̱xiyo ndo, sundi vitin ta xaꞌa ya ndíkun ndo Tata yo Cristo kua xíka ndo nuu yéꞌe̱. Xaꞌa ya ñaa kua xíniñuꞌu ndo koo ndo tá íin naꞌa, na xíka nuu ñu̱ꞌu̱ yéꞌe̱, nuu túvi.