HEBREOS 2:4 - Xochapa Mixteco

⁴ Ta si̱naꞌa teꞌe Ndioxi yoo, ya ndaa ku tuꞌun ra, chi kuaꞌa ni nuu seña ya täꞌan kuni yo si̱naꞌa ra nuu yo, xiꞌin ndee vaꞌa ni xiꞌin yatuꞌun si̱naꞌa ra nuu yo, ta tixin Tachi I̱í ra kua ta̱xi ndiꞌi ra ya yóꞌó ndaꞌa yo tá kuꞌva chi̱tuni mií ra, saa i̱kan ra xiꞌin yo.

HEBREOS 2:4 ပူးပေါင်းရင်းမြစ်များ

San Marcos 16:20

Saa ka̱na koo nda xi̱taꞌan xiꞌin Jesús xa̱á nda káꞌan ndoso nda tuꞌun vaꞌa ndá kuꞌva sikaku Ndioxi naꞌa. Ndiꞌi ni kúu ñaꞌñu xíka nda káꞌan ndoso nda tuꞌun ra. Ta íyo Tata yo chíndee ra nda, táxi ra íkan nda yatuꞌun nuu naꞌa. Tixin ya yóꞌó sínaꞌa Ndioxi naꞌa ya ndixa ku tuꞌun ra ya ndíkani nda. Saa ná koo.

San Marcos 6:14

Saa xi̱ni soꞌo ra rey Herodes tuꞌun xaꞌa Jesús, saa chi xa ndiꞌi ni kúu ñaꞌñu ndi̱xita tuꞌun xaꞌa ra. Saa xa̱á ra káꞌan ra, káchi ra saa: ―Ra Juan, ra síkuchi naꞌa ku ra ndi̱taku yakan vaꞌa kúu mií ra yatuꞌun Ndioxi ―káchi ra.

San Juan 15:26

Saa ndi̱kaꞌan ka Jesús xiꞌin nda, káchi ra saa: ―Tá ná kixi Tachi Ndioxi ya Sindiko ini ndo ndikuiin ya xaꞌa i kaꞌan ya xiꞌin ndo. Ta ya tiꞌvi i kixi ta ya ndaa ni kua chi nuu Iva i vaxi ya.

San Juan 4:48

Ta saa ndi̱kaꞌan Jesús xiꞌin ra, káchi ra saa: ―Ndóꞌo̱, ta xïin ndo kandixa ndo yeꞌe. Nda kuni ndo yatuꞌun Ndioxi íkan i án iin seña kuni ndo ta saa vi kandixa ndo yeꞌe ―káchi Jesús.

Los Hechos 14:3

Xaꞌa ya ikán kua ndi̱ndoo naꞌá ka ra Pablo xiꞌin ra Bernabé xiꞌin na, ta ndi̱nuni loꞌo káꞌan ndoso nda tuꞌun Tata yo. Xaꞌa ya kúꞌvi ini ra xíni ra yoo, yakan ta̱xi ra ndee ra ndaꞌa nda íkan nda yatuꞌun ra.

Los Hechos 4:10

ta vaꞌa kundaa va ini ndo, vitin kaꞌan nde xiꞌin ndo ya ná kundaa ini ndiꞌi na ñuu yo na Israel ya ndee ni ndee kúu mií Jesucristo, ra ñuu Nazaret, chi ndóꞌo̱ ta chi̱nuu ndo ra nuu cruzin ndi̱xiꞌi ra, sundi Ndioxi ta si̱taku ñaꞌa ra, ta ra ikán ku ra sindaꞌa ra yóꞌó ndu̱vaꞌa ra ndíchi ra nuu ndo vitin.

Los Hechos 5:32

Ta ndeꞌe ku testigo xaꞌa ya yóꞌó, saa tu Tachi I̱í Ndioxi ya táxi ra ndaꞌa ndiꞌi na xíni soꞌo ya káꞌan ra ―káchi ra Pedro xiꞌin na chiñu ikán.

Efesios 1:5

Xaꞌa ya kúꞌvi ni ini ra xíni ra yoo kua ndi̱kaxin ra yoo, saa ndi̱kuiso ndaꞌvi ra yoo ndu̱u yo seꞌe ra tixin Jesucristo. Chi saa chi̱tuni mií ra i̱kan ra xiꞌin yo, ta kúsini ni ra xaꞌa ya i̱kan ra saa xiꞌin yo.

Efesios 1:9

Ta si̱naꞌa ra ñaꞌa nuu yo ya chi̱tuni mií ra ndi̱xiyo sěꞌe nuu ra. Ta ndee ni kúsini ra si̱naꞌa ra ya yóꞌó nuu yo tixin seꞌe ra Jesucristo, chi saa chi̱kaa ini ra ikan ra xiꞌin yo.

Efesios 4:7

Xaꞌa ya vaꞌa ni Tata yo Jesucristo kua si̱niꞌi ra ndee vaꞌa ni nuu iin iin yo.

HEBREOS 6:4

Sundi naꞌa, na xa ndi̱yeꞌe tuꞌun Ndioxi nima tá yachi ta si̱ndoo na ya, na ikán ta küchiñu ka ndiko koo tuku ini na chi xa ku̱ndaa vaꞌa ini xaꞌa ya ndaa ya síndiyeꞌe nima na, ta saa ndi̱niꞌi na ya vaꞌa nuu Ndioxi, ndi̱kiꞌin na Tachi I̱í ra ndi̱xiyo ya xiꞌin na.