Filipenses 4:9 - Xochapa Mixteco

⁹ Xaa súvi ndo ya xa si̱naꞌa i ndóꞌo̱, ya xa ta̱xi i ichí ndaꞌa ndo xaꞌa, ya xi̱ni soꞌo ndo ndi̱kaꞌan i xiꞌin ndo xiꞌin ya xi̱ni ndo i̱kan i. Ikan ndo ya yóꞌó ta koo Ndioxi xiꞌin ndo chi mií ra ku ra táxi ya koo vaꞌa ini ndo.

Filipenses 4:9 ပူးပေါင်းရင်းမြစ်များ

San Mateo 1:23

“Kee seꞌe iin yá kuâán loꞌo, taa loꞌo koo seꞌe yá kaku. Ta ra loꞌo seꞌe yá ta kunani ra Emanuel”. Chi kivi ra yóꞌó ta kúni kachi ya: “Ndioxi íyo xiꞌin yo” ―káchi ra ndi̱kaꞌan ndoso tuꞌun Ndioxi xinaꞌa.

San Mateo 28:20

Saa sinaꞌa ndo na ya ná xaa súvi ndiꞌi na ya ndi̱kaꞌan i xiꞌin ndo. Ta ná kundaa ini ndo, chi yeꞌe, ta ndiꞌi saa kivi koo i xiꞌin ndo, iin saa nda ná ndiꞌi xaꞌa ñuu ivi ―káchi Jesús xiꞌin nda xi̱taꞌan xiꞌin ra. Saa ná koo.

San Mateo 7:21

Saa káꞌan tuku Jesús, káchi ra saa: ―Íyo naꞌa káꞌan xiꞌin i: “Yóꞌo̱ ku ra chee, ra xáꞌnda chiñu nuu nde”, káchi na xiꞌin i. Sundi süvi ndiꞌi na ikán ku na kiꞌvi koo nuu xáꞌnda chiñu Ndioxi. Ndisaa na xáa súvi ya káꞌan Iva i Ndioxi ra íyo nuu ndivi ku na kiꞌvi koo xiꞌin ra.

San Lucas 6:46

Ta saa ndi̱kaꞌan ka ra xiꞌin na, káchi ra saa: ―Ta ndóꞌo̱, ¿ndachu kua káꞌan ndo ku i ra chee, ra ndee nuu ndo, ta köo íkan ndo ya káꞌan i xiꞌin ndo?

San Lucas 8:21

Ta saa ndi̱kuiin Jesús, káchi ra saa: ―Siꞌí i xiꞌin ñani i ku ndiꞌi na xíni soꞌo tuꞌun Ndioxi ta xáa súvi na ya káꞌan ya ―káchi ra xiꞌin ra ikán.

San Juan 13:17

Tá tu kúndaa ini ndo tuꞌun yóꞌó ta xáa súvi ndo ya, ta vaꞌa ni kée ndo tá tu íkan ndo saa.

San Juan 15:14

Ta ndóꞌo̱ ku ndo ítaꞌan vaꞌa ni xiꞌin i tá tu xáa súvi ndo ya káꞌan i xiꞌin ndo.

San Juan 2:5

Saa ndi̱kaꞌan siꞌí ra xiꞌin na xíka ndítaꞌvi koꞌo nuu mesa ikán, káchi yá saa: ―Xaa súvi ndiꞌi ndo ya káꞌan ra xiꞌin ndo ―káchi yá xiꞌin na.

Los Hechos 9:6

Ñaa xa̱á kísi ya ra íꞌvi ka vi ra, saa ndi̱kuiin ra káꞌan ra: ―¿Unkua ikan i kúni un, Tata? ―káchi ra. Ta saa ndi̱kuiin Tata yo Jesús ndi̱kaꞌan ra xiꞌin ra, káchi ra saa: ―Kuandikoo, ta ná xaa un ñuu Damasco, ta ñaa kaꞌan na xiꞌin un unkua xíniñuꞌu un ikan un ―káchi Jesús xiꞌin ra.

ROMANOS 15:33

Ta Iva yo Ndioxi ra táxi ya koo vaꞌa ni ini yo, ná koo ra xiꞌin ndo ndiꞌi saa kivi. Saa ná koo.

ROMANOS 16:20

Ta Iva yo Ndioxi, ra táxi íyo ya vaꞌa ini yo, kama ni sindiꞌi xaꞌa ra kiti nǎꞌa náni Satanás, kuaxin xaꞌa ra ri, saa chi̱nduꞌu ra ri tixin xaꞌa ndo. Ta ná chikaa ni Tata yo Jesucristo ya vaꞌa ndóꞌo̱.

1 Corintios 10:31

Sundi yeꞌe, ta ya káꞌan i xiꞌin ndo ku ya yóꞌó: Tá íkan ndo ndá ka mií ñaꞌa án ya xíxi ndo ku ya án ya xíꞌi ndo ku ya, ta xaa kaꞌnu ndo ra xaꞌa ndiꞌi va ya.

1 Corintios 14:33

Saa chi Ndioxi ta köo kútoo ra ya iin ndá síso kaꞌan ndiꞌi yo, chi ya kúni ra kua vívií ná koo ndiꞌi yo, tá kuꞌva íyo ndiꞌi na ñani yo, na veꞌe ñuꞌu, saa ná koo yo.

1 Corintios 4:16

Xaꞌa ya ñaa kua xíkan ni i ya mani nuu ndo, ikan ndo tá kuꞌva íkan yeꞌe.

2 Corintios 13:11

Ñani yo, ya yóꞌó ku ndiꞌi ya káꞌan nde xiꞌin ndo ta vaꞌa ná kusini ni ndo, saa chikaa ni ndo ndee ya kuaꞌnu ka ndo xiꞌin tuꞌun Ndioxi, ta ná ndu xaa ka ndo, ná nduu ndo tá kuꞌva kúni Ndioxi, ta iin yuꞌu koo ndo xiꞌin taꞌan ndo. Ta saa kua vaꞌa koo Ndioxi xiꞌin ndo, ra táxi ya vaꞌa koo ini ndo, xiꞌin ya kúꞌvi ni ini ra xíni ra ndóꞌo̱.

Filipenses 3:17

Ñani yo xiꞌin kuꞌva yo, ikan ndo tá kuꞌva íkan yeꞌe án tá kuꞌva íkan na taꞌan yo na xáa súvi ya xa si̱naꞌa nde na.

Filipenses 4:7

Ta saa taxi Ndioxi ya koo vaꞌa ini ndo, chi iindaa ya vaꞌa táxi Ndioxi kua ndee ni vaꞌa, ta nda iin yo küchiñu xinu kundaa ini xiꞌin ya, ta ya ikán kua kundaa nima ndo xiꞌin ya xínituni ndo, xaꞌa ya kúu ndo kuenta Tata yo Jesucristo.

1 Tesalonicenses 1:6

Saa ta ndi̱nama ini ndo xa̱á ndo íkan ndo tá kuꞌva i̱kan nde, chi ndeꞌe ta i̱kan nde tá kuꞌva íkan mií Tata yo Jesucristo kivi xi̱ndoo nde xiꞌin ndo. Vani ndee ni ndi̱xiyo tindoꞌo nuu ndo xaꞌa tuꞌun ra, ta saa ni ndi̱kiꞌin ndo tuꞌun ra ya ndi̱kaꞌan nde xiꞌin ndo, saa ndu̱u sií ni ini ndo i̱kan mií Tachi I̱í ra.

1 Tesalonicenses 2:14

Ñani yo, ndóꞌo̱ ta ndee ni ndóꞌo ndo íkan na ñuu mií ndo, tá ndóꞌo na ñani yo na veꞌe ñuꞌu Iva yo Ndioxi, na ndíkun Jesucristo ndóo estado Judea, saa ndóꞌo tu ndóꞌo̱ va, chi na ikán ta ka̱nitaꞌan ni na judío taꞌan mií na xiꞌin na.

1 Tesalonicenses 5:23

Ta mií Ndioxi, ra táxi koo vaꞌa ni ini yo ná xaa i̱í ni ra ndiꞌi ni kúu ya vaꞌa ndo xiꞌin ya xínituni ndo xiꞌin ikin kuñu ndo. Saa ná chivaꞌa ra ndóꞌo̱, nda iin kuachi ná küu mií ndo tá kivi ná ndiko koo tuku Tata yo Jesucristo kixi ra ñuu ivi yóꞌó.

2 Tesalonicenses 3:4

Ta ndáa ni ini nde xíni nde Tata yo Jesucristo ya chindee ra ndóꞌo̱ xaa súvi ndo ndiꞌi ya ndi̱kaꞌan nde xiꞌin ndo, ta ndiꞌi saa ichí ná ikan ndo saa.

2 Timoteo 4:22

Ta mií Tata yo Jesucristo ná koo xiꞌin un. Saa ná chikaa ni Iva yo Ndioxi ya vaꞌa ndiꞌi ndo.

Santiago 1:22

Ta süvi ndisaa xíniñuꞌu ndo kuni soꞌo ndo tuꞌun Ndioxi. Ndóꞌo̱ ta xíniñuꞌu ndo xaa súvi ndo ya káꞌan ya. Chi tá ndisaa xíni soꞌo ndo ya, ta köo xáa súvi ndo ya káꞌan ya, ta síndaꞌvi ndo mií va ndo.

2 Pedro 1:10

Yakan ndóꞌo̱, ta xíniñuꞌu ndo tuun ni kundikun ndo ichí Tata yo Jesucristo nuu ndínaꞌa ndo mií ndo, ya ka̱na ra ndóꞌo̱ saa ndi̱kaxin ra ndóꞌo̱ ya kundikun ndo ra. Tá ná ikan ndo saa ta nda iin kivi köyo ndo nuu kuachi ya ikan ndo ya väꞌa.

1 Juan 3:22

Ta saa ndá ñaꞌa ndúku yo nuu ra ta taxi ra ya ndaꞌa yo, saa chi xáa súvi yo ya káꞌan ra xiꞌin yo. Ta íkan yo ya vaꞌa nuu ra tá kuꞌva kúni mií ra.