Filipenses 4:4 - Xochapa Mixteco

⁴ Ndiꞌi saa kivi ná kusini ni ndo xaꞌa Tata yo Jesucristo. Saa káꞌan tuku i xiꞌin ndo: Kusini ni ndo.

Filipenses 4:4 ပူးပေါင်းရင်းမြစ်များ

San Mateo 5:12

’Tá ndóꞌo̱ ndo saa, tíxuꞌvi ndo, ta ná koo vaꞌa ni ini ndo, kusini ni ndo, saa chi chee ni koo ya vaꞌa taxi Ndioxi ndaꞌa ndo nuu ndivi. Saa ndo̱ꞌo nda ndi̱kaꞌan ndoso tuꞌun yuꞌu Ndioxi xi̱ndoo xi̱naꞌa, ndi̱xuꞌvi ni nda ―káchi Jesús xiꞌin na.

Los Hechos 16:25

Ta sava ñǔu xa̱á ra Pablo xiꞌin ra Silas káꞌan nda xiꞌin Ndioxi ta xíta nda yaa nuu ra. Saa xíni soꞌo inka nda ñúꞌu veꞌe kàà ikán ndóo nda.

Los Hechos 5:41

Tá ka̱na koo nda kuaꞌan nda ta kúsini ni nda kuaꞌan nda, chi ta̱xi Ndioxi ichí ndo̱ꞌo nda xaꞌa ya ndítuꞌun nda xiꞌin naꞌa xaꞌa kivi Jesús.

ROMANOS 12:12

Ta kusini ni ndo chi ndátun ndo taxi Ndioxi ya vaꞌa ndaꞌa ndo, tá vaxi tindoꞌo nuu ndo tíxuꞌvi ndo, ta kuaꞌa ndee ni ini ndo xiꞌin ya, ta xïkuiin ndo, kaꞌan ni ndo xiꞌin Ndioxi.

2 Corintios 6:10

Tá íin nde kúsuchi ni ini saa íin nde túvi na, ta süvi ya ndaa kua chi ndiꞌi saa va ichí kúsini ni nde. Tá íin ndeꞌe ndáꞌvi ni saa íin nde túvi na, ta süvi ya ndaa kua, chi ndiꞌi saa va ichí táxi nde ya kuika, ya vaꞌa vaxi nuu ndivi ndaꞌa kuaꞌa ni naꞌa. Tá íin ndeꞌe köo nda loꞌo ñaꞌa nuu, saa íin nde túvi na, ta süvi saa íyo ya chi íyo ndiꞌi va ñaꞌa táxi Ndioxi ndaꞌa nde.

Gálatas 1:8

Ta xaꞌa ya ñaa kua káꞌan i xiꞌin ndo, kuenta ni koo ndo. Ni ndeꞌe ku nde, án ndá ka naꞌa ku na, án iin tatun Ndioxi ke̱e nuu ndivi ku na ndítuꞌun inka nuu tuꞌun vaꞌa xaꞌa Jesucristo xiꞌin ndo, ta ¡vaꞌa ná kuiso na ñaa chiꞌña, xaꞌa ya íkan na saa!

Filipenses 2:18

Ta saa tu ndóꞌo̱ va kusini ndo xiꞌin i tá kuꞌva kúsini i.

Filipenses 3:1

Ñani yo xiꞌin kuꞌva yo, vitin káꞌan i xiꞌin ndo kusini ni ndo xiꞌin ya i̱kan Tata yo Jesucristo xaꞌa ndo. Chi yeꞌe, ta köo kúxuxan i taa tuku i ya xa ta̱a i xaa nuu ndo, chi ya yóꞌó kua chindee ni ndóꞌo̱.

1 Pedro 4:13

Tá ndóꞌo ndo saa ta kusini ni ndo, chi iin káchi ndóꞌo ndo tá kuꞌva ndo̱ꞌo mií Tata yo Jesucristo. Saa tá ná ndiko koo tuku ra kixi ra ta kuni ndo ndee ya chee luvi ni kúu mií ra, ta kusini ni ndo.