El Apocalipsis 9:8 - Xochapa Mixteco

⁸ Ta ixi xi̱ní kiti tika ikán, tá íin ixi xi̱ní ná ñaꞌa, saa íin ya. Ta nuꞌu ri, tá íin nuꞌu kiti lion, saa íin nuꞌu ri.

El Apocalipsis 9:8 ပူးပေါင်းရင်းမြစ်များ

ROMANOS 9:29

Ta xa yachi ndi̱kaꞌan ra Isaías xaꞌa ya yóꞌó, káchi ra soꞌva: Tá tu köo ndi̱sikaku Tata yo Ndioxi ra Chee ni sava na taꞌan yo, ta nda ni mií yo ta köo yo táku ka vitin. Xa ndi̱xiꞌi ndiꞌi yo, ta xa ndo̱ꞌo yo tá ndo̱ꞌo na ñuu Sodoma, xiꞌin na ñuu Gomorra, ndikuu, káchi ya ta̱a ra Isaías.

1 Timoteo 2:9

Saa káꞌan i xiꞌin un xaꞌa ná síꞌi, ya ná kundixi vií ná, ta ná kündixi kini ni ná, toꞌo ná kundixi ná. Ta saa toꞌo ná katun ná xi̱ní ná, ná küñuꞌu ni ná kàà ya oro án yu̱ú ya ndee ni saví náꞌa, ni ná kündixi ná toto yaꞌvi ni.

1 Pedro 3:3

Ta ndäsa savi ni ndo mií ndo. Saa chi ya ndixa ni ndása savi ná ñaꞌa, ta süvi ya luvi ni núꞌni ixi xi̱ní ná kua, ni süvi ya ñúꞌu ni kàà ya oro ndaꞌa ná kua, ni süvi xaꞌa ya ndíxi ná toto vaꞌa yaꞌvi ni kua.