El Apocalipsis 9:5 - Xochapa Mixteco

⁵ Saa ta̱xi Ndioxi ichí ndaꞌa ri ya ná tiin ni ri naꞌa tixin ya uꞌun yo̱ó ná ndoꞌo ni na ikán ta ná käꞌni ri na. Ta yáꞌa ni úꞌvi tíin ri, tá kuꞌva tíin kiti tisoꞌma saa uꞌvi ni tíin ri.

El Apocalipsis 9:5 ပူးပေါင်းရင်းမြစ်များ

San Juan 19:11

Saa ndi̱kuiin Jesús káꞌan ra: ―Tá tu süvi Ndioxi ku ra ndi̱taxi ichí ndaꞌa un ya kaꞌnda chiñu un xaꞌa i, ta nda iin ichí köo kúu mií un, ndi̱kuu. Sundi taa, ra ndi̱taxi yeꞌe ndaꞌa un ta chee ni ka kuachi ndíso ra ikán nuu yóꞌo̱ ―káchi Jesús xiꞌin ra Pilato.

El Apocalipsis 11:7

Tá sindiꞌi uvi saa nda taa ikán ndi̱kaꞌan ndoso nda tuꞌun Ndioxi, saa keta kiti kaꞌnu ni, kiti ìyo ni káa, keta ri ini yavi nǎꞌa, ya chee ni, ya kunu ni. Ndaa ri nuu ñuꞌú, kani taꞌan ni ri xiꞌin uvi saa nda ikán. Saa kuchiñu ri nuu nda, kaꞌni ri uvi saa nda.

El Apocalipsis 13:5

Ta suvi mií kiti chee kini ni káa ikán, ndi̱niꞌi ri ichí ya chinuu vaꞌa ni ri mií ri, ta saa káꞌan kini ni ri xaꞌa Ndioxi, ya chínuu väꞌa ri ya toꞌo Ndioxi. Ta uvi xiko uvi yoo ku̱u mií ri ichí ya ndi̱kaꞌan kini ri, saa ku̱u mií ri ichí ya xa̱ꞌnda chiñu ri nuu na ñuu ivi yóꞌó.

El Apocalipsis 13:7

Ta kúu mií ri ichí ya kani taꞌan ri xiꞌin naꞌa na i̱í ndíkun ichí Ndioxi, ndakua kuchiñu ri nuu na. Saa kúu mií ri ichí ya kaꞌnda chiñu ri nuu ndiꞌi na ñuu vali tin na ñuu naꞌnu xiꞌin na káꞌan ndiꞌi ni kúu nuu tuꞌun ndóo ñuu ivi yóꞌó.

El Apocalipsis 9:10

Ta ndoꞌma ri, tá íin ndoꞌma kiti tisoꞌma saa íin ya, ta yáꞌa ni xatu kue̱ꞌe̱ íyo nuu ya. Ndee ni sítixuꞌvi ya naꞌa tixin uꞌun yo̱ó.

El Apocalipsis 9:3

Ta tañu iꞌma ikán ka̱na koo kiti tika ndee ni naꞌnu, ñaa ndi̱xita yava ndiꞌi ri kuaꞌan ri nuu ñuꞌú. Saa ta̱xi Ndioxi ichí ndaꞌa ri, ya ndee ni kue̱ꞌe̱ rí, tá kuꞌva kue̱ꞌe̱ ni kiti tisoꞌma, saa kue̱ꞌe̱ ri.