El Apocalipsis 9:20 - Xochapa Mixteco

²⁰ Naꞌa, na ndi̱ndoo, na köo ndi̱xiꞌi xiꞌin ndiꞌi kue̱ꞌe̱, ya uꞌvi ni ikán, ta ni köo ndi̱xiin na ndiko koo ini na xaꞌa ya väꞌa íkan na, ni ya xáa kaꞌnu na tachi nduvaꞌa, köo ndi̱xiin na sindoo na ichí ikán. Ni ya kándixa na ndioxi ndíi án ya kándixa na naꞌna ndioxi ndíi köo ndi̱xiin na sindoo na ya. Ta ndee ni ka kándixa na kàà ya oro xiꞌin ya plata tin kàà yáꞌa ya bronce tin yu̱ú xiꞌin itun. Köo ndi̱xiin na sindoo na ya kándixa na ndioxi siki, ya küvi koto, ni köo xíni soꞌo ya, ta ni küvi kaka ya.

El Apocalipsis 9:20 ပူးပေါင်းရင်းမြစ်များ

San Mateo 21:32

Saa chi ki̱xi ra Juan, ra síkuchi naꞌa ta si̱naꞌa ra ndóꞌo̱ ichí ndaku xaꞌa ichí Ndioxi ndá kuꞌva kutaku ndo tá kuꞌva kúni Ndioxi, ta köo ndi̱xiin ndo kandixa ndo ra. Vaꞌa ka nda ndíkaya xuꞌun nuu gobierno xiꞌin ná ñaꞌa, ná xíko mií, vaꞌa ka na ikán ku na ndi̱ko koo ini tá xi̱ni soꞌo na ya ndi̱kaꞌan ra Juan. Ta ndóꞌo̱, vani xi̱ni soꞌo ndo ya ndi̱kaꞌan ra, ta köo ndi̱ndiko koo ini ndo kandixa ndo ya ndi̱kaꞌan ra ―káchi Jesús xiꞌin nda.

Los Hechos 17:29

Tá tu seꞌe Ndioxi ku ndiꞌi yo ta köo xíniñuꞌu yo ndikani ini yo ya káa Ndioxi tá káa iin ñaꞌa ya síkuaꞌa na xiꞌin kàà án xiꞌin yu̱ú án xiꞌin itun, köo xíniñuꞌu yo nduku xiní yo ndá kuꞌva káa Ndioxi.

Los Hechos 19:26

Ta xi̱ni soꞌo mií ndo saa xíto ndo unkua íkan ra káꞌan na xiꞌin Pablo. Xíka ra síndaꞌvi ra naꞌa, káꞌan ra xiꞌin na süvi ndioxi ku naꞌna ya síkuaꞌa ndaꞌa yo, káchi ra. Ta xa kuaꞌa ni na sáka ra xiní xaꞌa ya káꞌan ra. Süvi iindaa ñuu Éfeso yóꞌó ndi̱kan ra saa ndiꞌi ni kúu ñuu estado Asia yóꞌó xíka ra íkan ra saa.

Los Hechos 7:41

Ta saa si̱kuaꞌa ra ndioxi na, tá káa sindiki saa káa ri si̱kuaꞌa ra. Ñaa xa̱ꞌni na kiti ndi̱soko na nuu ndioxi na, ya síki, ta kúsini ni na xiꞌin ya si̱kuaꞌa na xiꞌin ndaꞌa na.

2 Corintios 12:21

Yakan ndíꞌi ka vi ini i tá ná xaa i koto i ndóꞌo̱, chi ndee ni ìyo si̱kaꞌán Ndioxi nuu i chi sana täꞌan ndiko koo ini ndo xaꞌa kuachi ndo ya íkan ndo yachi. Ta xaꞌa ya íkan ndo saa, ta án sana nda kuaku suchi ni ini i xaꞌa sava ndo, chi täꞌan sindoo ndo ñaꞌa väꞌa íkan ndo, xíka sií yaa va ndo xiꞌin taꞌan ndo, ta saa íkan ndo ñaꞌa ya kaꞌa̱n ni nuu.

1 Timoteo 4:1

Ta ndee ni va téꞌe ndi̱kaꞌan Tachi I̱í Ndioxi xaꞌa naꞌa, na koo tá xa kuaꞌan kúyati ndiꞌi xaꞌa ñuu ivi, chi sava na ikán ta sindikoo na ya kándixa na Tata yo Jesucristo, ta saa xáa na kuni soꞌo na ya káꞌan tachi nduvaꞌa xiꞌin na, án ya vata sínaꞌa tachi nǎꞌa na.

El Apocalipsis 15:1

Saa xi̱ni i iin seña chee ni nuu ndivi, ta ndi̱kanda ka vi ini i xaꞌa ya xi̱ni i. Ñaa xi̱ni i uxa tatun Ndioxi kúu mií ichí taxi ya uxa nuu tindoꞌo ya ndee ni tixuꞌvi naꞌa, tá xa yati ni tindaa kivi ya ndiꞌi xaꞌa ñuu ivi. Ta ndakua xinu uxa ya ndee ni ndoꞌo na ikán, nda saa yaa ya sáa ni ini Ndioxi xíni ra ya väꞌa íkan na ñuu ivi yóꞌó.

El Apocalipsis 16:8

Saa inka tatun ya kumi ndi̱so ndee ya copa ya sata ñu̱ꞌù. Ta̱xi Ndioxi ndee ndaꞌa ya kaꞌmi ya naꞌa xiꞌin ñu̱ꞌu̱.

El Apocalipsis 9:19

Ta kiti kuai ikán kúu mií ri ndee xiꞌin yuꞌu ri tin ndoꞌma ri. Tá íin kiti ko̱ó kue̱ꞌe̱ saa íin ndoꞌma ri, ta íyo xi̱ní ri, xiꞌin ya ikán sítikueꞌe ri naꞌa.

El Apocalipsis 9:21

Na ndi̱ndoo ikán ta ni köo ndi̱xikuiin na xáꞌni na ndìì, ni ya xáa tási na xiꞌin taꞌan na köo ndi̱xiin na sindoo na, ni ya kuiꞌna, ni ya kuakiꞌvi na xiꞌin inka ñaꞌa án inka taa köo ndïxiin na sindoo na ya.