El Apocalipsis 9:18 - Xochapa Mixteco

¹⁸ Ta uni taꞌvi na ñuu ivi yóꞌó ndi̱xiꞌi xiꞌin kue̱ꞌe̱ ya kúu mií ñu̱ꞌu̱ ya xíxi ni, tin iꞌma ikán xiꞌin ñuꞌú káꞌndi ya kána koo yuꞌu kiti kuai ikán.

El Apocalipsis 9:18 ပူးပေါင်းရင်းမြစ်များ

El Apocalipsis 8:10

Saa ti̱vi tatun Ndioxi, ya uni, itun trompeta ya, ñaa ke̱ta iin kimi chee ni nuu ndivi ndi̱kava ri ini nduta i̱tà, ta nina mií ñu̱ꞌu̱ mií ku ri. Ta ndi̱kava tu ri ini uni taꞌvi nuu kána tikuii va.

El Apocalipsis 8:11

Ta kiti kimi ikán náni ri Ajenjo, ta ajenjo kúni kachi ya “Ya uva”. Ñaa si̱tivi ri uni taꞌvi i̱tà, ta kuaꞌa ni naꞌa ndi̱xiꞌi xaꞌa ya xi̱ꞌi na tikuii uva ikán.

El Apocalipsis 8:12

Saa ti̱vi tatun Ndioxi, ya kumi, itun trompeta ya, ta si̱tivi ya uni taꞌvi ñu̱ꞌù, köo ndi̱yeꞌe uni taꞌvi ya nduvi, iin ku̱naa. Ta ndi̱tivi tu uni taꞌvi kiti yo̱ó va, ku̱naa uni taꞌvi ri, köo ndíyeꞌe vaꞌa ri ñǔu, saa ku̱naa. Ta saa ndi̱tivi tu uni taꞌvi kiti kimi köo vaꞌa ndíyeꞌe ri, ku̱naa nuu ri. Ta saa ku̱naa iin taꞌvi nduvi, ta ku̱naa tu iin taꞌvi ñǔu va.

El Apocalipsis 8:7

Saa xa̱á tatun ya núnu̱ú tívi ya itun trompeta ya, ñaa xa̱á kóyo íꞌín xiꞌin ñu̱ꞌu̱, sáka nií xiꞌin ya, ndi̱koyo ya kuaꞌan ya nuu ñuꞌú ñuu ivi yóꞌó. Saa ndi̱xixi uni taꞌvi itun kuií xiꞌin iku kuií.

El Apocalipsis 8:8

Saa ti̱vi tatun Ndioxi, ya uvi, itun trompeta ya. Ñaa xi̱ni i ke̱ta iin ñaꞌa tá káa iin xiki chee ni saa káa ya xi̱ni i, ndi̱kava ya ini nduta ñûꞌu, ta ndee ni xíxi ya, ta uni taꞌvi nduta ñûꞌu ikán ndu̱u rá nií.

El Apocalipsis 8:9

Ñaa ndi̱ꞌi xaꞌa uni taꞌvi nuu ndiꞌi kúu kiti ñúꞌu ini nduta ñûꞌu. Ta saa ndi̱ꞌi xaꞌa tu uni taꞌvi itun barco va.

El Apocalipsis 9:15

Saa nda̱xin tatun Ndioxi ikán kumi saa tatun ya núꞌni. Saa chi xa saa chi̱tuni Ndioxi ya koo tuꞌva tatun ra mií hora ikán, ta mi kivi ikán xiꞌin mií yo̱ó ikán tin mií kuiya ikán. Chi̱tuni Ndioxi i̱kan ra saa xiꞌin tatun ra nuu ndi̱saña ya xa̱ꞌni ya uni taꞌvi na ñuu ivi.

El Apocalipsis 9:17

Saa xi̱ni i nda yóso kiti kuai ikán, ndási kandika nda, ta saa ndási tu kándika mií va ri. Ndási kándika nda xiꞌin kàà ya ndi̱kaꞌi xiꞌin uni nuu color, ya kúaꞌa ñu̱ꞌu̱, nda tá káa ñu̱ꞌu̱ xíxi saa káa ya. Inka ya kúu color ya ndíꞌí tuún. Inka ya kuáa̱n, ndakua tá kuꞌva kuáa̱n ñuꞌú káꞌndi ya náni azufre saa kuáa̱n ya. Ta xi̱ní kiti kuai yóso nda lapa ikán tá íin xi̱ní kiti lión saa íin xi̱ní ri. Saa kána koo iꞌma yuꞌu ri, ta kána koo tu ñu̱ꞌu̱ va xiꞌin ñuꞌú káꞌndi ya náni azufre yuꞌu ri.

El Apocalipsis 9:19

Ta kiti kuai ikán kúu mií ri ndee xiꞌin yuꞌu ri tin ndoꞌma ri. Tá íin kiti ko̱ó kue̱ꞌe̱ saa íin ndoꞌma ri, ta íyo xi̱ní ri, xiꞌin ya ikán sítikueꞌe ri naꞌa.