El Apocalipsis 8:7 - Xochapa Mixteco

⁷ Saa xa̱á tatun ya núnu̱ú tívi ya itun trompeta ya, ñaa xa̱á kóyo íꞌín xiꞌin ñu̱ꞌu̱, sáka nií xiꞌin ya, ndi̱koyo ya kuaꞌan ya nuu ñuꞌú ñuu ivi yóꞌó. Saa ndi̱xixi uni taꞌvi itun kuií xiꞌin iku kuií.

El Apocalipsis 8:7 ပူးပေါင်းရင်းမြစ်များ

Santiago 1:11

Chi tá kétá ñu̱ꞌù saa ndísaa ni, ñaa xáa íchi mií i̱ku ya, saa xáa ya kóyo ita ya, ta ndíꞌi xaꞌa ya ndee ni luvi kúu mií ya. Ta saa kundoꞌo naꞌa, na kuika. Uvi ndaa va kivi ndee ni xáa chiñu na nuu ya kuika kúu mií na, saa ndiꞌi xaꞌa na kundoꞌo na tá ndóꞌo ita.

1 Pedro 1:24

Tá káchi tuꞌun ra ya ta̱a na xinaꞌa, káchi ya saa: Tá íin i̱ku̱ kuií saa íin ndiꞌi na ñuu ivi yóꞌó. Ta ndiꞌi ya saví án ya vaꞌa ni náꞌa kúu mií na, ta tá íin ita ikú va saa íyo ya.

El Apocalipsis 12:4

Ta xiꞌin ndoꞌma ri si̱koyo ri uni taꞌvi kiti kimi, kiti íyo nuu ndivi, si̱koyo ñaꞌa ri nuu ñuꞌú. Ta kiti ko̱ó kini ni káa ikán, ndi̱xaa ri ndi̱kundichi ri nuu mií yá ñaꞌa ikán, ya kúni ri kaxi ri seꞌe yá tá sikan ka̱ku soꞌva ya.

El Apocalipsis 16:2

Saa ke̱e tatun núnu̱ú ndi̱xaꞌan ya ndi̱so ndee ya copa ya nuu ñuꞌú. Ta ndiꞌi na ikán kúu mií sello kiti ìyo ni káa ikán, ta xa̱a kaꞌnu na naꞌna ri ya ndíchi. Ta ka̱na ni ndi̱ꞌì nǎꞌa ikin kuñu na ta ndee ni kúꞌvi ya saa kini ni káa ya.

El Apocalipsis 16:21

Saa ndi̱koyo ñíꞌi nuu ndivi, naꞌnu ni ya, ta vee ni ya, ta iin iin ya ikán vee ya iin kuꞌva uvi xiko kilo án yáꞌa ka. Saa ndi̱koyo ya sata naꞌa, ta naꞌa na ndi̱kaku nuu ya ikán xa̱á na távi chiꞌña na Ndioxi chi ndee ni tíxuꞌvi na xiꞌin tindoꞌo ikán.

El Apocalipsis 6:8

Saa ndi̱xaa i ndi̱koto i, ta xi̱ni i ke̱ta inka kuai kiti yáꞌa vaxi ri. Ta ya yóso ri náni ya “Ndee ya xáꞌni naꞌa”. Ta satá ya ikán ke̱ta inka ya náni “Hades” ya káꞌan xaꞌa nuu xáꞌnda chiñu ndee ya xáꞌni naꞌa. Saa ndi̱kiꞌvi ichí ndaꞌa ya ikán ya sindiꞌi xaꞌa ya iin kumi taꞌvi ñaꞌñu ñuu ivi nuu ndóo na ñuu ivi, yáꞌa ni kuaꞌa ku na. Uvi saa ya kúu mií ichí ya kaꞌni ya naꞌa xiꞌin i̱chi nuu kuachi, án xiꞌin soko, án xiꞌin ndiꞌi nuu kueꞌe, án ya kuvi na kaꞌni kiti iku na.

El Apocalipsis 7:1

Sindiꞌi tá ndi̱yaꞌa ndiꞌi ya ikán, saa xi̱ni i kumi na tatun Ndioxi, ndíta na kumi tutun ñuu ivi yóꞌó: Iin tatun ndíchi chí nuu kétá ñu̱ꞌù, inka ya ndíchi chi nuu kêta ñu̱ꞌù, ta inka ya ndíchi chi sur inka ya ndíchi chí norte. Ta sási na tatun ikán tachi ya ná käka ka ya nuu ñuꞌú, ni nuu nduta ñûꞌu, ni ndaꞌa itun ná käni ka ya.

El Apocalipsis 9:15

Saa nda̱xin tatun Ndioxi ikán kumi saa tatun ya núꞌni. Saa chi xa saa chi̱tuni Ndioxi ya koo tuꞌva tatun ra mií hora ikán, ta mi kivi ikán xiꞌin mií yo̱ó ikán tin mií kuiya ikán. Chi̱tuni Ndioxi i̱kan ra saa xiꞌin tatun ra nuu ndi̱saña ya xa̱ꞌni ya uni taꞌvi na ñuu ivi.

El Apocalipsis 9:18

Ta uni taꞌvi na ñuu ivi yóꞌó ndi̱xiꞌi xiꞌin kue̱ꞌe̱ ya kúu mií ñu̱ꞌu̱ ya xíxi ni, tin iꞌma ikán xiꞌin ñuꞌú káꞌndi ya kána koo yuꞌu kiti kuai ikán.

El Apocalipsis 9:4

Ñaa ndi̱kaꞌan Ndioxi xiꞌin ri ya ná käxi ri iku kuii, ni nda iin ñaꞌa kuii ni itun kuii ná käxi ri, ndisaa naꞌa, na köo tuni Ndioxi íyo taan, ndisaa na ikán ku na ná tiin ri, káchi Ndioxi xiꞌin ri.