El Apocalipsis 8:5 - Xochapa Mixteco

⁵ Saa ti̱in tatun ikán koꞌo choꞌma ta si̱kutu ndaa ya koꞌo ikán xiꞌin ñu̱ꞌu̱ yêꞌé ya íyo nuu íin nama i̱í ikán. Ñaa ki̱ꞌin ya ñu̱ꞌu̱ yêꞌé ikán xa̱ta ya nuu ñuꞌú ñuu ivi yóꞌó. Saa ndikun xa̱á nde ni ndee ndáꞌi savi, iin ndá níꞌi kúu, káni ka vi taxan, ñaa xa̱á ndee ni táan.

El Apocalipsis 8:5 ပူးပေါင်းရင်းမြစ်များ

San Mateo 24:7

Kivi ya vaxi ta ndikuita na ñuu naꞌnu kani taꞌan na xiꞌin inka na ñuu naꞌnu, kani taꞌan rey iin ñuu xiꞌin inka rey ra inka ñuu, saa koo tama tin kuaꞌa ni nuu kueꞌe koo, ta kuaꞌa ni ñuu taan.

San Lucas 12:49

Saa ndi̱kaꞌan ka Jesús, káchi ra saa: ―Yeꞌe, tá káa iin taa ra ndíkaꞌmi ñu̱ꞌu̱ saa káa ya íkan i xa̱a i ñuu ivi yóꞌó. ¡Ta kúni ni i ná ndikoko kii ya!

Los Hechos 16:26

Ta iin ku̱u soꞌva xaá táan, yáꞌa ni ndee táan. Ñaa iin ndi̱ndata ndiꞌi xaꞌa veꞌe kàà. Saa ndi̱xuna ndiꞌi yeꞌe, ta ndi̱ndaxin ndiꞌi kàà ya núꞌni xaꞌa nda ñúꞌu veꞌe kàà ikán.

Los Hechos 4:31

Ñaa tá si̱ndiꞌi na ndi̱kaꞌan na xiꞌin Ndioxi ta xa̱á táan nuu ndi̱kitaꞌan na ndóo na. Saa ta̱xi Ndioxi Tachi ra ndaꞌa na, ndee ni íyo Tachi I̱í Ndioxi xiꞌin na. Ñaa xa̱á ndu̱ndee ini na ndi̱nuni loꞌo xíka na ndíkani na tuꞌun Ndioxi.

El Apocalipsis 11:13

Tá nda̱a soꞌva nda kuaꞌan nda, ta xa̱á ndixa ni ndee táan. Ñaa ndi̱ꞌi xaꞌa ñuu ikán, uxi taꞌvi kua ndi̱ꞌi xaꞌa. Saa ndi̱xiꞌi uxa mil na ñuu kaꞌnu ikán, ta na ndi̱kaku ikán ta ndi̱ndiꞌvi ni na, ñaa xa̱á na xáa kaꞌnu na Ndioxi, ra íyo nuu ndivi.

El Apocalipsis 11:19

Saa ndi̱xuna yeꞌe veꞌe ñuꞌu ya íyo nuu ndivi, ta ini veꞌe ñuꞌu ikán túvi ndíchi itun xatun i̱í nuu ñúꞌu tutu ya i̱í, ya kúu ley Ndioxi nuu ki̱ndoo ra ya xaa súvi ra ya ndi̱kaꞌan ra xiꞌin na. Saa xa̱á ndee ni ndíyeꞌe taxan, ta iin ndá síso kúu káꞌan na, ndáꞌi ka vi savi, ñaa xa̱á ndee ni táan, ta kóyo ka vi íꞌín, naꞌnu ka vi ya kóyo.

El Apocalipsis 4:5

Ta iin ndíyeꞌe taxan maꞌñu nuu ndíchi tai toꞌo chee ikán, ndee ka vi níꞌi ta ndáꞌi ka vi savi. Ta suvi mií nuu ndíchi tai ikán ndíta uxa ñu̱ꞌu̱ xíxi ya, ta uxa ñu̱ꞌu̱ ikán ku uxa Tachi Ndioxi.

El Apocalipsis 6:12

Saa xa̱ꞌnda Levo loꞌo ikán sello ya i̱ñu. Ta xi̱ni i ndee ka vi táan, ta xi̱ni i ku̱naa nuu ñu̱ꞌù köo ndíyeꞌe ka ya, tá kuꞌva ndáa toto ndíxi naꞌa, na kuaꞌan xáku nuu ndi̱xiꞌi ndìì, saa ndáa ndu̱u nuu ñu̱ꞌù ikán. Ta kiti yoo ndu̱u ri tá káa nduta nií.

El Apocalipsis 8:3

Sindiꞌi xi̱ni i inka tatun Ndioxi ndi̱xaa ya ndi̱kundichi ya yati nuu íin nama i̱í nuu sóko na ñaꞌa nuu Ndioxi. Ta níꞌi tatun ikán koꞌo choꞌma, ya oro. Saa ndi̱niꞌi kuaꞌa ka ya xuxa vaꞌa choꞌma ya nuu Ndioxi ya ná ndaa xiko ikán kuꞌun ya nuu Ndioxi xiꞌin ndiꞌi tuꞌun ya káꞌan na i̱í, na kúu ñuu Ndioxi xiꞌin ra.