El Apocalipsis 8:2 - Xochapa Mixteco

² Saa xi̱ni i uxa nda tatun Ndioxi ndíta nda yati nuu Ndioxi, saa ta̱xi ra iin itun trompeta ndaꞌa iin iin nda ikán.

El Apocalipsis 8:2 ပူးပေါင်းရင်းမြစ်များ

San Mateo 18:10

Saa ndi̱tuꞌun tuku ra iin tuꞌun ndíchi xiꞌin na sínaꞌa ra na, káchi ra saa: ―Koto ndo ndïkani ini ndo ya köo ndáa yaꞌvi na vali yóꞌó. Saa chi na tatun ndáa na vali yóꞌó, ta ndiꞌi saa kivi íyo na xiꞌin Iva i Ndioxi nuu ndivi.

San Mateo 24:31

Saa tiꞌvi i na tatun Ndioxi ta ndee ni ndaꞌi na xiꞌin trompeta tivi na kuꞌun na ndikaya na ndiꞌi na ndi̱kaxin i ya kundikun na ichí i. Ta ndiꞌi ni kúu xaꞌa ñuu ivi kana koo na, xaa na nuu i.

San Lucas 1:19

Saa ndi̱kuiin tatun Ndioxi káchi ya saa: ―Yeꞌe Gabriel ku yeꞌe, ta ndiꞌi saa kivi ndíchi i nuu Ndioxi, íyo tuꞌva i kaka i chiñu nuu ra. Suvi ra ti̱ꞌvi yeꞌe vaxi i kaꞌan i tuꞌun vaꞌa yóꞌó xiꞌin un.

San Lucas 21:36

Xíniñuꞌu ndo koo nduvi ndo, ndinuni kaꞌan ndo xiꞌin Ndioxi ndiꞌi saa tiempo ya ná ndöꞌo ndo saa, ta kuchiñu ndo kaku ndo nuu ndiꞌi tindoꞌo ya vaxi ñuu ivi. Ta saa kuchiñu ndo kundita ndo ndikuiso ndo yeꞌe, Ra xa̱a ñuu ivi yóꞌó ―káchi Jesús xiꞌin na.

1 Corintios 15:52

Iin kuu soꞌva tá ná kuu saa, tá íkan yo tá ndíkuani yo saa kuu nuu nduxaa yo. Ta saa kua kuni soꞌo yo ndaꞌi itun trompeta, itun ndaꞌi sindiꞌi, ta ndee ni ndee ndaꞌi nu ikán, saa nditaku ndiꞌi naꞌa, na xa ndi̱xiꞌi, ta küvi ka na, chi küu ka mií na ikin kuñu na táꞌan ya táꞌi, ta iin nduxaa ikin kuñu ndiꞌi yo.

1 Tesalonicenses 4:16

Saa chi kivi tá ná ndiko koo ra kixi ra nuu ndivi, ta yáꞌa ni ndee kaꞌan ra xaꞌa ya kúu mií ra ichí xáꞌnda chiñu ra. Saa ndee ni tu kaꞌan iin mií tatun Ndioxi ya ínuu nuu ndiꞌi na tatun ra, ndee ni tivi ya itun trompeta Ndioxi tá ná ndiko koo Tata yo Jesucristo. Ta xiꞌna naꞌa, na ka̱ndixa ra ku na nditaku.

El Apocalipsis 1:4

Yeꞌe Juan táa i tutu yóꞌó kuaꞌan ya nuu uxa veꞌe ñuꞌu ya ñúꞌu estado Asia. Ndikiꞌin ni ndo tuꞌun mani, saa ná koo vaꞌa ni ini ndiꞌi ndóꞌo̱ na ndíkitaꞌan káñuꞌu Ndioxi. Ndioxi ra xa táku nda kivi núnu̱ú, ta táku ra kivi vitin, saa kutaku ra ndiꞌi saa kivi ya vaxi. Ta mií ra xiꞌin uxa nuu Tachi ra ya íyo xiꞌin ra nuu xáꞌnda chiñu ra ná chikaa ni ya vaꞌa ndóꞌo̱, ta ná taxi ra ya koo vaꞌa ni ini ndo.

El Apocalipsis 11:15

Saa ti̱vi tatun Ndioxi, ya uxa itun trompeta ya, ta xi̱ni soꞌo i tachi kuaꞌa ni na káꞌan nuu ndivi, ndee ka vi ndi̱kaꞌan na, káchi na saa: ―Iva yo Ndioxi ku ra xáꞌnda chiñu xiꞌin Tata yo Jesucristo. Ra yóꞌó ku ra ti̱ꞌvi Ndioxi vaxi sikaku na ñuu ivi yóꞌó. Ta ndiꞌi saa tiempo kaꞌnda chiñu ra ―káchi tachi na káꞌan ni na.

El Apocalipsis 15:1

Saa xi̱ni i iin seña chee ni nuu ndivi, ta ndi̱kanda ka vi ini i xaꞌa ya xi̱ni i. Ñaa xi̱ni i uxa tatun Ndioxi kúu mií ichí taxi ya uxa nuu tindoꞌo ya ndee ni tixuꞌvi naꞌa, tá xa yati ni tindaa kivi ya ndiꞌi xaꞌa ñuu ivi. Ta ndakua xinu uxa ya ndee ni ndoꞌo na ikán, nda saa yaa ya sáa ni ini Ndioxi xíni ra ya väꞌa íkan na ñuu ivi yóꞌó.

El Apocalipsis 16:1

Saa xi̱ni soꞌo i ndee ni ndi̱kaꞌan tachi iin na. Tachi na ikán ke̱ta ya ini veꞌe ñuꞌu kaꞌnu íyo nuu ndivi, ta ndi̱kaꞌan ya xiꞌin uxa saa tatun ikán, káchi ya saa: ―Kuáꞌan ndo ñuu ivi, ta ndi̱koyo ndee ndiꞌi ndo uxa saa copa ya sáa ni ini Ndioxi.

El Apocalipsis 8:13

Ta saa ndi̱koto i, ta xi̱ni soꞌo i ndáchi iin tatun Ndioxi maꞌñu ndivi, ta ndee ni káꞌan ya, káchi ya saa: ―¡Vai! ¡Vai! ¡Vai! Ndaꞌvi ni na ndóo ñuu ivi, chi kúmani ka soo uni tatun tivi itun trompeta ya. Ta xa íyo tuꞌva ya tivi ya nu, tá ná tivi ya ikán ta ndee ni ndoꞌo na ―káchi tatun Ndioxi ndáchi ikán.

El Apocalipsis 8:6

Saa níꞌi uxa saa tatun Ndioxi ikán itun trompeta ya, ta xa íyo tuꞌva iin iin ya tivi ya nu.

El Apocalipsis 9:1

Tá ti̱vi tatun Ndioxi ya uꞌun itun trompeta ya, ta saa xi̱ni i iin kiti kimi ke̱ta ri nuu ndivi, ta ndi̱kava ri nuu ñuꞌú. Saa ta̱xi Ndioxi llave ndaꞌa ri ya kuna ri yavi nǎꞌa, ya kúnu ni ini.