El Apocalipsis 8:12 - Xochapa Mixteco

¹² Saa ti̱vi tatun Ndioxi, ya kumi, itun trompeta ya, ta si̱tivi ya uni taꞌvi ñu̱ꞌù, köo ndi̱yeꞌe uni taꞌvi ya nduvi, iin ku̱naa. Ta ndi̱tivi tu uni taꞌvi kiti yo̱ó va, ku̱naa uni taꞌvi ri, köo ndíyeꞌe vaꞌa ri ñǔu, saa ku̱naa. Ta saa ndi̱tivi tu uni taꞌvi kiti kimi köo vaꞌa ndíyeꞌe ri, ku̱naa nuu ri. Ta saa ku̱naa iin taꞌvi nduvi, ta ku̱naa tu iin taꞌvi ñǔu va.

El Apocalipsis 8:12 ပူးပေါင်းရင်းမြစ်များ

San Mateo 24:29

Saa ndi̱kaꞌan tuku Jesús, káchi ra saa: ―Tá ndi̱ꞌi ya ndo̱ꞌo ni naꞌa, ta saa ndikun kunaa nuu ñu̱ꞌù, ni yoó ta ndïyeꞌe ka ri, ta koyo kiti kimi, ta ndiꞌi ya kúu mií ndee íyo nuu ndivi ta ndee ni kanda ndiꞌi ya.

San Mateo 27:45

Saa iin ku̱naa nuu ñuꞌú tá ti̱ndaa kàà uxi uvi nduvi, iin saa nda kàà uni xikuáa.

San Marcos 13:24

Saa ndi̱kaꞌan ka ra xiꞌin nda, káchi ra saa: ―Kivi tá ná yaꞌa ndiꞌi tindoꞌo ya ndee ni kuu, ta saa ndunaá nuu ñu̱ꞌu, ta ni kiti yoo ndüyeꞌe ka ri.

San Marcos 15:33

Tá káꞌñu sava nduvi ta iin ku̱naá ndiꞌi ñuu ivi, ku̱naá nda kàà uni xikuáa.

San Lucas 21:25

Ñaa ndi̱kaꞌan ka Jesús, káchi ra saa: ―Tá xa ku̱yati ndiꞌi xaꞌa ñuu ivi, ta koo seña nuu ñu̱ꞌù tin yoó xiꞌin kimi. Ndiꞌi na ivi ta ku iꞌvi ni na xaꞌa ndiꞌi ya kuu. Iin saka soꞌva ini na, ni kündaa ini na unkua ikan na chi kini ni ìyo ndaꞌi nduta ñûꞌu tin kandeta ni nuu rá.

Los Hechos 2:20

Kunaa nuu ñu̱ꞌù, ta ndukuaꞌa yoo, tá káa ni̱í saa nduu ri. Xiꞌna ya yóꞌó kuu, ta saa tindaa kivi chee ni ya ndiko koo Tata yo, ta ndee ni kuu ikan ra kivi ikán.

2 Corintios 4:4

Saa ndóꞌo na chi kiti nǎꞌa kúu ndioxi ñuu ivi yóꞌó ku ri ndi̱kasi ya xínituni na ya ná kändixa na tuꞌun vaꞌa xaꞌa Jesucristo ya káꞌan nde xiꞌin na, ta na ikán, tá íin na kuáa̱ saa íin na. Chi köo táxi ri kuni na ya yéꞌe̱ luvi ni kúu mií tuꞌun vaꞌa xaꞌa Jesucristo. Chi mií Jesucristo, tá káa níí mií Ndioxi saa káa ra.

El Apocalipsis 12:4

Ta xiꞌin ndoꞌma ri si̱koyo ri uni taꞌvi kiti kimi, kiti íyo nuu ndivi, si̱koyo ñaꞌa ri nuu ñuꞌú. Ta kiti ko̱ó kini ni káa ikán, ndi̱xaa ri ndi̱kundichi ri nuu mií yá ñaꞌa ikán, ya kúni ri kaxi ri seꞌe yá tá sikan ka̱ku soꞌva ya.

El Apocalipsis 16:10

Saa tu tatun ya uꞌun, ndi̱so ndee ya copa níꞌi ya nuu tai chee nuu xáꞌnda chiñu kiti ìyo ni káa ikán. Ta ndiꞌi ñaꞌñu nuu xáꞌnda chiñu ri xa̱á kúnaa, nda loꞌo köo túvi. Ta na íyo nuu xáꞌnda chiñu ri ndee ni ndóꞌo na nda yaá na xa̱á na ndíkaxi nuꞌu na.

El Apocalipsis 6:12

Saa xa̱ꞌnda Levo loꞌo ikán sello ya i̱ñu. Ta xi̱ni i ndee ka vi táan, ta xi̱ni i ku̱naa nuu ñu̱ꞌù köo ndíyeꞌe ka ya, tá kuꞌva ndáa toto ndíxi naꞌa, na kuaꞌan xáku nuu ndi̱xiꞌi ndìì, saa ndáa ndu̱u nuu ñu̱ꞌù ikán. Ta kiti yoo ndu̱u ri tá káa nduta nií.

El Apocalipsis 9:15

Saa nda̱xin tatun Ndioxi ikán kumi saa tatun ya núꞌni. Saa chi xa saa chi̱tuni Ndioxi ya koo tuꞌva tatun ra mií hora ikán, ta mi kivi ikán xiꞌin mií yo̱ó ikán tin mií kuiya ikán. Chi̱tuni Ndioxi i̱kan ra saa xiꞌin tatun ra nuu ndi̱saña ya xa̱ꞌni ya uni taꞌvi na ñuu ivi.

El Apocalipsis 9:18

Ta uni taꞌvi na ñuu ivi yóꞌó ndi̱xiꞌi xiꞌin kue̱ꞌe̱ ya kúu mií ñu̱ꞌu̱ ya xíxi ni, tin iꞌma ikán xiꞌin ñuꞌú káꞌndi ya kána koo yuꞌu kiti kuai ikán.