El Apocalipsis 8:10 - Xochapa Mixteco

¹⁰ Saa ti̱vi tatun Ndioxi, ya uni, itun trompeta ya, ñaa ke̱ta iin kimi chee ni nuu ndivi ndi̱kava ri ini nduta i̱tà, ta nina mií ñu̱ꞌu̱ mií ku ri. Ta ndi̱kava tu ri ini uni taꞌvi nuu kána tikuii va.

El Apocalipsis 8:10 ပူးပေါင်းရင်းမြစ်များ

San Mateo 25:1

Saa ndi̱kaꞌan Jesús, káchi ra saa: ―Ná ndituꞌun i xiꞌin ndo ndá kuꞌva koo tá ná kaꞌnda chiñu Ndioxi ñuu ivi yóꞌó. Saa ndo̱ꞌo uxi ná kuâán vali ná kuaꞌan nuu viko tíndaꞌa. Uxi saa ná níꞌi ñu̱ꞌu̱ túun ná kuaꞌan ná ndikiꞌin ná ra tíndaꞌa.

San Lucas 10:18

Saa ndi̱kaꞌan ra xiꞌin nda, káchi ra saa: ―Yeꞌe ta xi̱ni va i kiti nǎꞌa, kiti Satanás, ke̱ta ri nuu ndivi. Tá káa iin taxan, saa káa ri ndi̱kava ri nuu ñuꞌú.

Judas 1:13

Tá kuꞌva xíto yo ndee ni ndíkanda nuu nduta ñûꞌu ta iin kána koo ndiꞌi chiñu nuu ra ya kána koo ñaꞌa yakua ñúꞌu ini rá maá, ta kuꞌva saa íkan nda ikán ndínaꞌa nda ya yakua íyo nima nda. Tá ndo̱ꞌo kiti kimi, kiti nda̱ñuꞌu, ta ke̱e ri kuaꞌan ri ndi̱koyo ri nuu naá ni va, saa íin nda ikán. Ta saa kundoꞌo nda ndiꞌi saa kúu kivi.

El Apocalipsis 1:20

Ta vitin ndikani i nuu un ya kundaa ini un, unkua kúni kaꞌan uxa ti kimi xi̱ni un ndóso nuu ndaꞌa kuáꞌá i xiꞌin uxa candelero kàà ya oro, nuu xíxi uxa ñu̱ꞌu̱. Uxa kiti kimi xi̱ni un ndóso nuu ndaꞌa kuáꞌá i kúni kachi ya, íyo uxa na tatun Ndioxi, na ndáa veꞌe ñuꞌu, na kándixa yeꞌe, na ndóo uxa ñuu. Ta uxa candelero kàà ya oro nuu xíxi ñu̱ꞌu̱, káꞌan ya xaꞌa uxa veꞌe ñuꞌu nuu ndóo naꞌa, na kándixa yeꞌe ―káchi ra xiꞌin i.

El Apocalipsis 12:4

Ta xiꞌin ndoꞌma ri si̱koyo ri uni taꞌvi kiti kimi, kiti íyo nuu ndivi, si̱koyo ñaꞌa ri nuu ñuꞌú. Ta kiti ko̱ó kini ni káa ikán, ndi̱xaa ri ndi̱kundichi ri nuu mií yá ñaꞌa ikán, ya kúni ri kaxi ri seꞌe yá tá sikan ka̱ku soꞌva ya.

El Apocalipsis 14:7

Ta ndee ka vi káꞌan tatun ikán, káchi ya saa: ―Ku iꞌvi ndo nuu Ndioxi ta xaa toꞌo ni ndo ra, ta saa xaa kaꞌnu ndo ra, chi xa ti̱ndaa kivi ya xaa nani ra kuachi xiꞌin ndiꞌi naꞌa. Xaa kaꞌnu ndo ra chi mií ra si̱kuaꞌa ñuu ivi yóꞌó, xiꞌin ndivi tin ñuꞌú xiꞌin nduta ñûꞌu xiꞌin ndiꞌi ka ñaꞌñu nuu kána tikuii.

El Apocalipsis 16:4

Saa tatun ya uni ndi̱so ndee ya copa ya nuu tikuii i̱tà xiꞌin ndiꞌi ñaꞌñu nuu kána tikuii, ta iin ndu̱u kuáꞌa ndiꞌi tikuii ikán, ndu̱u rá tá káa nií.

El Apocalipsis 6:13

Ta xa̱á kóyo ni kiti kimi íyo nuu ndivi nda nuu ñuꞌú, tá kúu kóyo ni kuiꞌi ndaꞌa itun higo tá xíka ni tachi saa kúu.

El Apocalipsis 8:7

Saa xa̱á tatun ya núnu̱ú tívi ya itun trompeta ya, ñaa xa̱á kóyo íꞌín xiꞌin ñu̱ꞌu̱, sáka nií xiꞌin ya, ndi̱koyo ya kuaꞌan ya nuu ñuꞌú ñuu ivi yóꞌó. Saa ndi̱xixi uni taꞌvi itun kuií xiꞌin iku kuií.

El Apocalipsis 9:1

Tá ti̱vi tatun Ndioxi ya uꞌun itun trompeta ya, ta saa xi̱ni i iin kiti kimi ke̱ta ri nuu ndivi, ta ndi̱kava ri nuu ñuꞌú. Saa ta̱xi Ndioxi llave ndaꞌa ri ya kuna ri yavi nǎꞌa, ya kúnu ni ini.

El Apocalipsis 9:15

Saa nda̱xin tatun Ndioxi ikán kumi saa tatun ya núꞌni. Saa chi xa saa chi̱tuni Ndioxi ya koo tuꞌva tatun ra mií hora ikán, ta mi kivi ikán xiꞌin mií yo̱ó ikán tin mií kuiya ikán. Chi̱tuni Ndioxi i̱kan ra saa xiꞌin tatun ra nuu ndi̱saña ya xa̱ꞌni ya uni taꞌvi na ñuu ivi.

El Apocalipsis 9:18

Ta uni taꞌvi na ñuu ivi yóꞌó ndi̱xiꞌi xiꞌin kue̱ꞌe̱ ya kúu mií ñu̱ꞌu̱ ya xíxi ni, tin iꞌma ikán xiꞌin ñuꞌú káꞌndi ya kána koo yuꞌu kiti kuai ikán.