El Apocalipsis 7:16 - Xochapa Mixteco

¹⁶ Küvi ka na soko, ni tikuii ïchi ka na. Ni käꞌmi ka ñu̱ꞌù sata na, ni ndöꞌo ka ini na xiꞌin ya iꞌni ni ñu̱ꞌù.

El Apocalipsis 7:16 ပူးပေါင်းရင်းမြစ်များ

San Mateo 13:21

Sundi täꞌan tiin vaꞌa ya nima na, ni täꞌan kundaa vaꞌa ini na xiꞌin ya, ta ñaa vaxi tindoꞌo nuu na, án sítixuꞌvi ñaꞌa naꞌa xaꞌa ya kándixa na Jesucristo, ñaa ndikun síndikoo na tuꞌun Ndioxi.

San Mateo 13:6

Tá ke̱ta ñu̱ꞌu̱ ta ndi̱ndichi ya, xaꞌa ya köo kunu ñúꞌu tioꞌo ya.

San Mateo 5:6

’Vaꞌa ni kée ndóꞌo̱ íin tá íin naꞌa, na káꞌun ini án ndóꞌo̱ íin tá íin naꞌa, na íchi tikuii. Xaꞌa ya kúni ndo ikan ndo ya vaꞌa nuu Ndioxi, chi vaxi kivi ta taxi Ndioxi ya koo vaꞌa ni ini ndo xiꞌin ra.

San Marcos 4:17

sundi xaꞌa ya täꞌan tiin vaꞌa ya nima na loꞌo ni kúndaa ini na xiꞌin ya, saa vaxi tindoꞌo nuu na, tíxuꞌvi ni na xaꞌa tuꞌun Ndioxi. Ñaa xa̱á na ndíko koo ini na ta köo xíin ka na kandixa na ya.

San Marcos 4:6

sundi tá ke̱ta ñu̱ꞌù ta si̱ichi ñaꞌa ya, xaꞌa ya köo tioꞌo ya yakan ndi̱ndichi ya.

San Lucas 1:53

Na ndaꞌvi, na xíꞌi soko ta ta̱xi ra kuaꞌa ni ya xíxi ndaꞌa na, ta na kuika si̱ndiko koo yuchi ra na kuaꞌan na.

San Lucas 6:21

’Vaꞌa ni kée ndo tá tu vitin xíꞌi ni ndo soko saa chi vaxi kivi ta ndoo ndoso ñaꞌa yuꞌu ndo. ’Vaꞌa ni kée ndo tá tu xáku ni ndo vitin, ta kusini ni ndo, saa chi vaxi kivi ta küaku ka ndo, vaꞌa ni kua̱ku̱ ndo.

San Juan 4:14

Sundi na koꞌo tikuii nduta táxi i ndaꞌa na ta nda iin kivi ïchi ka na. Saa chi tikuii rá táxi i koꞌo na ta nduu rá tá káa iin ita chee ini na, ta nda iin kivi ïchi rá ini na. Ta na koꞌo tikuii rá taxi i ta küvi na, chi kúu mií rá ndee ya taxi rá kutaku na, ta nda iin kivi ya vaxi ndïꞌi xaꞌa na ―káchi Jesús xiꞌin yá.

Santiago 1:11

Chi tá kétá ñu̱ꞌù saa ndísaa ni, ñaa xáa íchi mií i̱ku ya, saa xáa ya kóyo ita ya, ta ndíꞌi xaꞌa ya ndee ni luvi kúu mií ya. Ta saa kundoꞌo naꞌa, na kuika. Uvi ndaa va kivi ndee ni xáa chiñu na nuu ya kuika kúu mií na, saa ndiꞌi xaꞌa na kundoꞌo na tá ndóꞌo ita.

El Apocalipsis 21:4

Ta mií ra ku ra ndiyakun ndiꞌi tikuii nuu na xaꞌa ya xáku na. Nda iin ichí küvi ka na, ni köo ka na kuaku, ni köo ka na kusuchi ini, ni na kúꞌvi köo ka na koo, chi ya ndo̱ꞌo na yachi ta xa ndi̱ꞌi xaꞌa ndiꞌi ya.