El Apocalipsis 7:10 - Xochapa Mixteco

¹⁰ Ta ndee ni ndi̱kaꞌan ndiꞌi na ikán, káchi na saa: Ndisaa Iva yo Ndioxi ra índuꞌu nuu tai toꞌo, xiꞌin kiti Levo loꞌo índuꞌu xiꞌin ra ku ri kuchiñu sikaku yoo, köo ka inka naꞌa kuchiñu sikaku yoo ―káchi ndiꞌi na káꞌan na.

El Apocalipsis 7:10 ပူးပေါင်းရင်းမြစ်များ

San Lucas 3:6

Ta saa kuni ndiꞌi na ñuu ivi unkua kuu sikaku Ndioxi na”, káchi ya ta̱a ra Isaías.

San Juan 1:29

Ta ndi̱tuvi inka kivi saa xi̱ni ra Juan Jesús vaxi ra nuu ra, saa ndi̱kaꞌan ra xiꞌin naꞌa, káchi ra saa: ―¡Koto ndo vii! Ra káa ku ra síniꞌi Ndioxi kuvi ra xaꞌa kuachi yo ñuu ivi. Tá íyo levo síniꞌi naꞌa nuu Ndioxi ya síndiꞌi xaꞌa ra kuachi na, ta saa íyo ra káa.

San Juan 1:36

Ta xi̱ni ra ndi̱yaꞌa Jesús kuaꞌan ra, saa ndi̱kaꞌan ra xiꞌin nda ítaꞌan xiꞌin ra, káchi ra saa: ―Koto ndo ra kuaꞌan káa, tá káa levo loꞌo saa káa ra, chi ra kaá ku ra si̱niꞌi Ndioxi xaꞌa kuachi yo ivi yóꞌó ―káchi ra Juan xiꞌin nda.

San Juan 4:22

Ndóꞌo̱ na Samaria ta ni köo xíni ndo unku na káñuꞌu ndo. Sundi ndeꞌe ta xíni nde Ndioxi ra káñuꞌu nde. Saa chi taa, ra sikaku na ñuu ivi, ta tixin ndeꞌe judío kua keta ra kixi ra.

Efesios 2:8

Xaꞌa ya vaꞌa ni Ndioxi xiꞌin ndo kua ta̱xi ra ndi̱kaku ndo. Ta köo ndi̱kuchiñu ndo sikaku ndo mií ndo, xaꞌa ya vaꞌa ni ra xiꞌin ndo kua si̱niꞌi ra ya vaꞌa nuu ndo, si̱kaku ra ndóꞌo̱ chi ndáa ni ini ndo xíni ñaꞌa ndo.

El Apocalipsis 12:10

Saa xi̱ni soꞌo i tachi na nuu ndivi, ndee ka vi ndi̱kaꞌan ya káchi ya saa: Vitin ti̱ndaa kivi ya sikaku Ndioxi naꞌa, na ndíkun sata ra. Saa ti̱ndaa tu kivi ya sinaꞌa ra, ya iin mituꞌun mií ra kúu mií ndee ya chee ni. Ta vitin xáa ra kaꞌnda chiñu ra nuu ndiꞌi ni kúu na ñuu ivi. Saa tu Jesucristo, ra ti̱ꞌvi Ndioxi sikaku naꞌa, ndi̱kiꞌin ra ichí, íyo ya ndaꞌa ra, ya kaꞌnda chiñu ra nuu ndiꞌi ni kúu na ñuu ivi. Saa chi kiti nǎꞌa, ta xa ta̱va na ri nuu ndivi. Chi ri ikán ku ri táxi ni kuachi xaꞌa nda ñani yo xiꞌin kuꞌva yo, na ndíkun Tata yo Jesucristo. Nduvi niuun táxi ri kuachi xaꞌa na nuu Ndioxi.

El Apocalipsis 19:1

Tá ndi̱ꞌi ndi̱yaꞌa ya ikán saa xi̱ni soꞌo i tachi kuaꞌa ni naꞌa nuu ndivi, ndee ni káꞌan na, káchi na saa: ―¡Ná xaa kaꞌnu yo Ndioxi! ¡Chi Ndioxi ku ra ndee ni ndee, si̱kaku ra mií yo! Ndiꞌi ya vaꞌa ya ndee ni ndee xiꞌin ya toꞌo tin ya luvi ni yéꞌe̱ íyo ya xiꞌin Ndioxi.

El Apocalipsis 21:5

Saa ndi̱kaꞌan ra índuꞌu nuu tai toꞌo, káchi ra saa: ―Ndasa xa̱á ndiꞌi i ñaꞌa ya si̱kuaꞌa i yachi. Saa ndi̱kaꞌan tuku ra xiꞌin i, káchi ra saa: ―Taa tuꞌun ya káꞌan i xiꞌin un, chi ya ndaa ni ndixa ku ya káꞌan i xiꞌin un ―káchi ra xiꞌin i.

El Apocalipsis 22:3

Ta köo ka nda iin ya väꞌa, ya íyo chiꞌña ñuu i̱í ikán. Saa chi mií Ndioxi ku ra kaꞌnda chiñu xiꞌin Levo loꞌo xiꞌin ndiꞌi na xáa chiñu nuu ra ku na koo ya xaa toꞌo na ra.

El Apocalipsis 4:6

Ta suvi maꞌñu nuu ndíchi tai toꞌo ikán, xi̱ni i ndíkaa nduta ñûꞌu kuíi̱ ka vi rá, tá káa iin yuyu yéꞌe̱ nda inka ñaꞌñu ya, saa kuíi rá. Ta suvi maꞌñu nuu ndíchi mií tai toꞌo ikán ndi̱kava nduu kumi ya táku, ta kumi saa ya kúu mií ya nina nduchi nuu kándika ya tin sata ya.

El Apocalipsis 5:7

Saa ndi̱xaa levo ikán nuu índuꞌu ra chee, ra índuꞌu nuu tai toꞌo ikán, ta ndi̱kiꞌin ri tutu ya íyo ndaꞌa kuáꞌá ra.