El Apocalipsis 6:8 - Xochapa Mixteco

⁸ Saa ndi̱xaa i ndi̱koto i, ta xi̱ni i ke̱ta inka kuai kiti yáꞌa vaxi ri. Ta ya yóso ri náni ya “Ndee ya xáꞌni naꞌa”. Ta satá ya ikán ke̱ta inka ya náni “Hades” ya káꞌan xaꞌa nuu xáꞌnda chiñu ndee ya xáꞌni naꞌa. Saa ndi̱kiꞌvi ichí ndaꞌa ya ikán ya sindiꞌi xaꞌa ya iin kumi taꞌvi ñaꞌñu ñuu ivi nuu ndóo na ñuu ivi, yáꞌa ni kuaꞌa ku na. Uvi saa ya kúu mií ichí ya kaꞌni ya naꞌa xiꞌin i̱chi nuu kuachi, án xiꞌin soko, án xiꞌin ndiꞌi nuu kueꞌe, án ya kuvi na kaꞌni kiti iku na.

El Apocalipsis 6:8 ပူးပေါင်းရင်းမြစ်များ

San Mateo 11:23

Ta ndóꞌo̱ na ñuu Capernaum, ¿Án ndíkani ini ndo ínuu vaꞌa ni tuꞌun ndo nda nuu ndivi, túvi ndo? Ndaꞌvi ni ndo chi nda kaꞌa ndaya nuu kunu ni̱nu̱ tiꞌvi Ndioxi ndóꞌo̱ kuꞌun ndo. Chi taꞌan yatuꞌun íkan i xiꞌin ndóꞌo̱ vitin, tá ndi̱xini na ñuu Sodoma ya ta xa ndi̱ko koo ini na xaꞌa ya väꞌa íkan na, ta ndïꞌi xaꞌa na táku na nda vitin, ndikuu.

San Mateo 24:7

Kivi ya vaxi ta ndikuita na ñuu naꞌnu kani taꞌan na xiꞌin inka na ñuu naꞌnu, kani taꞌan rey iin ñuu xiꞌin inka rey ra inka ñuu, saa koo tama tin kuaꞌa ni nuu kueꞌe koo, ta kuaꞌa ni ñuu taan.

1 Corintios 15:55

Yóꞌo̱, ndìì ya xáꞌni naꞌa, ¿míí chí kuaꞌan ndee un ya xáꞌni un naꞌa? Köo ka ndee kúu míí un ya kaꞌni ka un naꞌa”, káchi tuꞌun Ndioxi.

El Apocalipsis 1:18

Yeꞌe ra táku, ra ndi̱xiꞌi ta ndi̱taku i, saa kutaku i ndiꞌi ni kúu kivi ya vaxi. Ta yeꞌe ku i xáꞌnda chiñu nuu ya xáꞌni ndìì án ya náni Hades nuu xáꞌnda chiñu ndee yóꞌó.

El Apocalipsis 12:4

Ta xiꞌin ndoꞌma ri si̱koyo ri uni taꞌvi kiti kimi, kiti íyo nuu ndivi, si̱koyo ñaꞌa ri nuu ñuꞌú. Ta kiti ko̱ó kini ni káa ikán, ndi̱xaa ri ndi̱kundichi ri nuu mií yá ñaꞌa ikán, ya kúni ri kaxi ri seꞌe yá tá sikan ka̱ku soꞌva ya.

El Apocalipsis 9:15

Saa nda̱xin tatun Ndioxi ikán kumi saa tatun ya núꞌni. Saa chi xa saa chi̱tuni Ndioxi ya koo tuꞌva tatun ra mií hora ikán, ta mi kivi ikán xiꞌin mií yo̱ó ikán tin mií kuiya ikán. Chi̱tuni Ndioxi i̱kan ra saa xiꞌin tatun ra nuu ndi̱saña ya xa̱ꞌni ya uni taꞌvi na ñuu ivi.

El Apocalipsis 9:18

Ta uni taꞌvi na ñuu ivi yóꞌó ndi̱xiꞌi xiꞌin kue̱ꞌe̱ ya kúu mií ñu̱ꞌu̱ ya xíxi ni, tin iꞌma ikán xiꞌin ñuꞌú káꞌndi ya kána koo yuꞌu kiti kuai ikán.