El Apocalipsis 6:12 - Xochapa Mixteco

¹² Saa xa̱ꞌnda Levo loꞌo ikán sello ya i̱ñu. Ta xi̱ni i ndee ka vi táan, ta xi̱ni i ku̱naa nuu ñu̱ꞌù köo ndíyeꞌe ka ya, tá kuꞌva ndáa toto ndíxi naꞌa, na kuaꞌan xáku nuu ndi̱xiꞌi ndìì, saa ndáa ndu̱u nuu ñu̱ꞌù ikán. Ta kiti yoo ndu̱u ri tá káa nduta nií.

El Apocalipsis 6:12 ပူးပေါင်းရင်းမြစ်များ

San Mateo 11:21

―¡Ndaꞌvi ni ndóꞌo̱ na ñuu Corazín! ¡Ndaꞌvi ni ndóꞌo̱ na ñuu Betsaida! Chi vaxi kivi tixuꞌvi ni ndo. Xinaꞌa tá ndi̱xini na ñuu Tiro xiꞌin na ñuu Sidón taꞌan yatuꞌun xíto ndo vitin, ta ndá tiempo vi ndi̱ko koo ini na ikán xaꞌa kuachi na, xa ndi̱kundixi na toto ndai ni nuu, ta xa chi̱kaa na yaa ñu̱ꞌu̱ xiní na xaꞌa ya sínaꞌa na mií na ya ndi̱ko koo ini na xaꞌa kuachi na ndikuu.

San Mateo 24:29

Saa ndi̱kaꞌan tuku Jesús, káchi ra saa: ―Tá ndi̱ꞌi ya ndo̱ꞌo ni naꞌa, ta saa ndikun kunaa nuu ñu̱ꞌù, ni yoó ta ndïyeꞌe ka ri, ta koyo kiti kimi, ta ndiꞌi ya kúu mií ndee íyo nuu ndivi ta ndee ni kanda ndiꞌi ya.

San Mateo 24:7

Kivi ya vaxi ta ndikuita na ñuu naꞌnu kani taꞌan na xiꞌin inka na ñuu naꞌnu, kani taꞌan rey iin ñuu xiꞌin inka rey ra inka ñuu, saa koo tama tin kuaꞌa ni nuu kueꞌe koo, ta kuaꞌa ni ñuu taan.

San Mateo 27:45

Saa iin ku̱naa nuu ñuꞌú tá ti̱ndaa kàà uxi uvi nduvi, iin saa nda kàà uni xikuáa.

San Mateo 27:54

Ta ra ndíso chiñu xiꞌin nda lapa, íyo ra xiꞌin nda ndáa nda Jesús. Tá xi̱ni nda ya ndee ni ndi̱taan tin ìyo ni ku̱u, saa ndi̱ndiꞌvi ka vi nda, ta ndi̱kaꞌan nda, káchi nda saa: ―Ya ndixa ni va kua kúu ra yóꞌó Seꞌe Ndioxi ―káchi nda xiꞌin taꞌan nda.

San Mateo 28:2

Iin ku̱u soꞌva ta xa̱á ndee ni táan, chi nu̱u iin tatun Ndioxi ke̱e nuu ndivi si̱kutaꞌa ya yu̱ú kaꞌnu ni ndási yuꞌu kava ikán, saa ndi̱kunduꞌu koo ya sata mií yu̱ú ikán.

San Marcos 15:33

Tá káꞌñu sava nduvi ta iin ku̱naá ndiꞌi ñuu ivi, ku̱naá nda kàà uni xikuáa.

El Apocalipsis 11:13

Tá nda̱a soꞌva nda kuaꞌan nda, ta xa̱á ndixa ni ndee táan. Ñaa ndi̱ꞌi xaꞌa ñuu ikán, uxi taꞌvi kua ndi̱ꞌi xaꞌa. Saa ndi̱xiꞌi uxa mil na ñuu kaꞌnu ikán, ta na ndi̱kaku ikán ta ndi̱ndiꞌvi ni na, ñaa xa̱á na xáa kaꞌnu na Ndioxi, ra íyo nuu ndivi.

El Apocalipsis 16:18

Saa ndikun xa̱á ndíyeꞌe taxan ni, ta níꞌi ka vi, ta ndee ni ndáꞌi savi. Saa ndee ni kini ìyo táan ñuu ivi, ta nda kivi xi̱koo xaꞌa ñuu ivi yóꞌó täꞌan taan tá kúꞌva táan kivi ikán.

El Apocalipsis 16:8

Saa inka tatun ya kumi ndi̱so ndee ya copa ya sata ñu̱ꞌù. Ta̱xi Ndioxi ndee ndaꞌa ya kaꞌmi ya naꞌa xiꞌin ñu̱ꞌu̱.

El Apocalipsis 8:12

Saa ti̱vi tatun Ndioxi, ya kumi, itun trompeta ya, ta si̱tivi ya uni taꞌvi ñu̱ꞌù, köo ndi̱yeꞌe uni taꞌvi ya nduvi, iin ku̱naa. Ta ndi̱tivi tu uni taꞌvi kiti yo̱ó va, ku̱naa uni taꞌvi ri, köo ndíyeꞌe vaꞌa ri ñǔu, saa ku̱naa. Ta saa ndi̱tivi tu uni taꞌvi kiti kimi köo vaꞌa ndíyeꞌe ri, ku̱naa nuu ri. Ta saa ku̱naa iin taꞌvi nduvi, ta ku̱naa tu iin taꞌvi ñǔu va.

El Apocalipsis 8:5

Saa ti̱in tatun ikán koꞌo choꞌma ta si̱kutu ndaa ya koꞌo ikán xiꞌin ñu̱ꞌu̱ yêꞌé ya íyo nuu íin nama i̱í ikán. Ñaa ki̱ꞌin ya ñu̱ꞌu̱ yêꞌé ikán xa̱ta ya nuu ñuꞌú ñuu ivi yóꞌó. Saa ndikun xa̱á nde ni ndee ndáꞌi savi, iin ndá níꞌi kúu, káni ka vi taxan, ñaa xa̱á ndee ni táan.