El Apocalipsis 6:1 - Xochapa Mixteco

¹ Saa xi̱ni i xa̱ꞌnda Levo loꞌo ikán iin sello ya núnu̱ú, ya ndási tutu ikán. Saa ndi̱kaꞌan iin taꞌan kumi ya táku ikán xiꞌin i, ta ndee ni ndi̱kaꞌan ya xiꞌin i tá kúu ndáꞌi savi saa kúu ndi̱kaꞌan ya xiꞌin i, káchi ya saa: ―¡Naꞌa yóꞌó, koto un! ―káchi ya xiꞌin i.

El Apocalipsis 6:1 ပူးပေါင်းရင်းမြစ်များ

San Juan 1:29

Ta ndi̱tuvi inka kivi saa xi̱ni ra Juan Jesús vaxi ra nuu ra, saa ndi̱kaꞌan ra xiꞌin naꞌa, káchi ra saa: ―¡Koto ndo vii! Ra káa ku ra síniꞌi Ndioxi kuvi ra xaꞌa kuachi yo ñuu ivi. Tá íyo levo síniꞌi naꞌa nuu Ndioxi ya síndiꞌi xaꞌa ra kuachi na, ta saa íyo ra káa.

Los Hechos 4:20

Sundi ndeꞌe ta küvi kutaxin yuꞌu nde kaꞌan nde xaꞌa ya xi̱ni nde xiꞌin ya xi̱ni soꞌo nde xaꞌa Jesús ―káchi nda xiꞌin na.

El Apocalipsis 11:19

Saa ndi̱xuna yeꞌe veꞌe ñuꞌu ya íyo nuu ndivi, ta ini veꞌe ñuꞌu ikán túvi ndíchi itun xatun i̱í nuu ñúꞌu tutu ya i̱í, ya kúu ley Ndioxi nuu ki̱ndoo ra ya xaa súvi ra ya ndi̱kaꞌan ra xiꞌin na. Saa xa̱á ndee ni ndíyeꞌe taxan, ta iin ndá síso kúu káꞌan na, ndáꞌi ka vi savi, ñaa xa̱á ndee ni táan, ta kóyo ka vi íꞌín, naꞌnu ka vi ya kóyo.

El Apocalipsis 13:8

Saa xáa kaꞌnu ndiꞌi naꞌa, na ndóo ñuu ivi kiti ikán. Na ikán, ta köo kivi na ndóso nuu tutu i̱í kúu mií kiti Levo loꞌo nuu ndivi. Chi Levo loꞌo ikán ku ri ndi̱soko xiꞌin mií, ya ndi̱xiꞌi ri. Saa chi̱tuni Ndioxi ikan ra tá täꞌan sikuaꞌa ra ñuu ivi.

El Apocalipsis 14:2

Sindiꞌi saa xi̱ni soꞌo i ya ndee ni níꞌi, tá kuꞌva ndee ni níꞌi kóyo kuaꞌa ni tikuii nuu sukun ni, saa kúu. Án tá kuꞌva ndáꞌi savi saa kúu. Saa síso ni, tá kuꞌva síso kuaꞌa ni naꞌa, na síkaꞌa itun arpa saa kúu.

El Apocalipsis 19:6

Saa xi̱ni soꞌo i síso ni káꞌan kuaꞌa ni naꞌa, tá kuꞌva kái kóyo kuaꞌa ni tikuii nami saa kúu, ta saa kúu tu tá ndee ni ndáꞌi savi, saa kúu xi̱ni soꞌo i, ta káꞌan na, káchi na saa: ¡Ná xaa kaꞌnu ndiꞌi yo Ndioxi ra ndee ni ndee kúu mií nuu yo! Chi vitin xa̱á ra xáꞌnda chiñu ra.

El Apocalipsis 4:8

Ta iin iin mií ya táku ikán íyo iñu ndixin iin iin ya. Ta ndiꞌi ni kúu ñaꞌñu ya íyo nina nduchi nuu, sata ya tin ini ya kúu mií ya nduchi nuu. Ta köo xíkuiin ya káꞌan ya, nduvi niuun káꞌan ya, káchi ya saa: ―¡Ra i̱í, ra i̱í, ra i̱í ni ku Ndioxi! ¡Taa ra ndixa ni ndee ku Ndioxi! Ndioxi ku ra táku nda kivi núnu̱ú, ta saa táku ra nda kivi vitin, saa kutaku ra ndiꞌi kivi ya vaxi, ―káchi kumi saa ya táku ikán, káꞌan ya xaꞌa Ndioxi.

El Apocalipsis 5:1

Saa xi̱ni i iin tutu ya ndi̱suvi, íyo ya ndaꞌa kuáꞌá ra índuꞌu nuu tai toꞌo ikán. Ta ndiꞌi nuu tutu ikán xiꞌin sata ya, íyo tuꞌun ya ta̱a na. Ta ndási tuun ya xiꞌin ya kixín ya kúu sello ya.

El Apocalipsis 5:12

Saa káꞌan ni na tatun Ndioxi ikán, káchi na saa: Levo loꞌo kiti ndi̱soko xiꞌin mií nuu Ndioxi, kiti ti̱kueꞌe ni, ri ikán ku ri ndee ni ndee kúu mií, saa kúu mií ri ndiꞌi ya kuika xiꞌin ya ndichi ni. Ta ndee ni ri, ná ndikunuu vaꞌa ni ya toꞌo ri. Ná kaꞌan vaꞌa ni yo xaꞌa ri chi ya ndixa kua ndi̱kiꞌin ndiꞌi ri ya vaꞌa, káchi na tatun Ndioxi ikán ya xáa kaꞌnu na kiti Levo loꞌo ikán.

El Apocalipsis 5:8

Tá ti̱in soꞌva ri tutu ikán, ta ndikun si̱kusiti kumi saa ya táku ikán xiꞌin oko kumi saa na xikuaꞌa, si̱kusiti na nuu kiti Levo loꞌo ikán. Ta níꞌi iin iin na xikuaꞌa ikán itun arpa xiꞌin iin koꞌo chôꞌma ya oro nuu xíxi xuxa vaꞌa ya támi ni xáꞌan, ta iꞌma kána koo ini ya ikán kua káꞌan xaꞌa tuꞌun ya káꞌan naꞌa, na i̱í xiꞌin Ndioxi.

El Apocalipsis 6:3

Tá xa̱ꞌnda Levo loꞌo ikán sello ya uvi, saa ndi̱kaꞌan ya uvi taꞌan ya kumi ya táku ikán xiꞌin i, káchi ya saa: ―¡Naꞌa yóꞌó, koto un! ―káchi ya xiꞌin i.

El Apocalipsis 6:5

Saa xa̱ꞌnda tuku Levo loꞌo ikán sello ya uni, ta ndi̱kaꞌan ya uni taꞌan ya kumi táku ikán xiꞌin i, káchi ya saa: ―¡Naꞌa yóꞌó, koto un! ―káchi ya xiꞌin i. Saa ndi̱xaa i ndi̱koto i, ta xi̱ni i iin kuai ndáá, ta ra yóso ri níꞌi ra iin kàà nuu káta na ñaꞌa.

El Apocalipsis 6:7

Saa xa̱ꞌnda tuku Levo inka sello ya kumi, ñaa xi̱ni soꞌo i ndi̱kaꞌan inka ya kumi taꞌan ya kumi ikán, káchi ya saa: ―¡Naꞌa yóꞌó, koto un! ―káchi ya xiꞌin i.

El Apocalipsis 8:1

Tá xa̱ꞌnda kiti Levo loꞌo ikán sello ya kixin ya uxa, ta iin táxiin ku̱u nuu ndivi iin kuꞌva sava hora.