El Apocalipsis 5:8 - Xochapa Mixteco

⁸ Tá ti̱in soꞌva ri tutu ikán, ta ndikun si̱kusiti kumi saa ya táku ikán xiꞌin oko kumi saa na xikuaꞌa, si̱kusiti na nuu kiti Levo loꞌo ikán. Ta níꞌi iin iin na xikuaꞌa ikán itun arpa xiꞌin iin koꞌo chôꞌma ya oro nuu xíxi xuxa vaꞌa ya támi ni xáꞌan, ta iꞌma kána koo ini ya ikán kua káꞌan xaꞌa tuꞌun ya káꞌan naꞌa, na i̱í xiꞌin Ndioxi.

El Apocalipsis 5:8 ပူးပေါင်းရင်းမြစ်များ

San Juan 1:29

Ta ndi̱tuvi inka kivi saa xi̱ni ra Juan Jesús vaxi ra nuu ra, saa ndi̱kaꞌan ra xiꞌin naꞌa, káchi ra saa: ―¡Koto ndo vii! Ra káa ku ra síniꞌi Ndioxi kuvi ra xaꞌa kuachi yo ñuu ivi. Tá íyo levo síniꞌi naꞌa nuu Ndioxi ya síndiꞌi xaꞌa ra kuachi na, ta saa íyo ra káa.

San Juan 5:23

chi kúni Ndioxi ya ná xaa toꞌo ndiꞌi na Seꞌe ra, tá kuꞌva xáa toꞌo na mií ra, saa ná xaa toꞌo na Seꞌe ra. Saa chi ndiꞌi na köo xíin xaa toꞌo Seꞌe ra, ta kúni kachi ya köo xáa toꞌo na Iva ra, ra ti̱ꞌvi ra vaxi.

HEBREOS 1:6

Tá kivi ti̱ꞌvi Ndioxi Seꞌe ra, ra núnu̱ú ki̱xi ra ñuu ivi yóꞌó ta ndi̱kaꞌan ra xaꞌa ra, káchi ra saa: Ndiꞌi tatun xáa chiñu nuu i ta ná xaa kaꞌnu na Seꞌe i, káchi ra.

El Apocalipsis 13:8

Saa xáa kaꞌnu ndiꞌi naꞌa, na ndóo ñuu ivi kiti ikán. Na ikán, ta köo kivi na ndóso nuu tutu i̱í kúu mií kiti Levo loꞌo nuu ndivi. Chi Levo loꞌo ikán ku ri ndi̱soko xiꞌin mií, ya ndi̱xiꞌi ri. Saa chi̱tuni Ndioxi ikan ra tá täꞌan sikuaꞌa ra ñuu ivi.

El Apocalipsis 15:2

Saa xi̱ni i inka ñaꞌa tá káa yuyu yéꞌe̱ ni saa káa nduta ñûꞌu xi̱ni i, ta sáka ñu̱ꞌu̱ xiꞌin rá. Ta yuꞌu nduta ñûꞌu ikán ndíta kuaꞌa ni naꞌa na xa ku̱chiñu nuu kiti ìyo ni káa ikán, ta ni köo ndi̱xaa kaꞌnu na naꞌna ri ya ndíchi, saa ni köo ndi̱taxi na ndikunuu sello ri taan na án ndaꞌa na ya kúu mií número ya ndítuꞌun xaꞌa unkua náni ri. Saa ndíta na nuu nduta ñûꞌu yéꞌe̱ ni tá káa yuyu ya yeꞌe ni ikán, ñaa ta̱xi Ndioxi itun arpa ndaꞌa iin iin na.

El Apocalipsis 15:7

Ta iin taꞌan ya kumi ya táku ikán, ta̱xi ya iin copa ya oro ndaꞌa iin iin tatun ikán. Ta chútu ndaa ya sáa ni ini Ndioxi ini iin iin copa ya oro ikán chi mií ra ku ra táku ndiꞌi saa kúu kivi.

El Apocalipsis 19:4

Saa si̱kusiti ndiꞌi oko kumi na xikuaꞌa xiꞌin kumi ya táku, ndi̱kuita ndee na si̱kusiti na nda nuu ñuꞌú ya xáa kaꞌnu na Ndioxi, ra íyo nuu tai toꞌo chee ni. Saa ndi̱kaꞌan na, káchi na saa: “Saa ná koo. Ná xaa kaꞌnu ni yo Ndioxi”, káchi na.

El Apocalipsis 4:10

Ta iin káchi káꞌan kumi saa ya táku ikán xáa kaꞌnu ya Ndioxi, ta saa tu oko kumi saa na xikuaꞌa, na ndi̱kava nduu ndóo sata tai ra, síkusiti na nuu ra xáa kaꞌnu ñaꞌa na, ta ki̱ndaa na corona ya oro ínuu xiní na, ki̱ꞌin na ya chi̱ndoo na nuu ra, ya xáa kaꞌnu ñaꞌa na, saa káꞌan na xiꞌin ra káchi na saa:

El Apocalipsis 4:4

Ta nuu ndíchi tai toꞌo chee ikán ndíta ka oko kumi tai toꞌo, ndi̱kava nduu ndiꞌi nu sata itun tai toꞌo chee ikán, ta ndóo oko kumi na xikuaꞌa nuu nu, yaa ka vi toto ndíxi iin iin na xikuaꞌa ikán, saa ínuu iin corona ya oro xiní iin iin na.

El Apocalipsis 4:6

Ta suvi maꞌñu nuu ndíchi tai toꞌo ikán, xi̱ni i ndíkaa nduta ñûꞌu kuíi̱ ka vi rá, tá káa iin yuyu yéꞌe̱ nda inka ñaꞌñu ya, saa kuíi rá. Ta suvi maꞌñu nuu ndíchi mií tai toꞌo ikán ndi̱kava nduu kumi ya táku, ta kumi saa ya kúu mií ya nina nduchi nuu kándika ya tin sata ya.

El Apocalipsis 4:8

Ta iin iin mií ya táku ikán íyo iñu ndixin iin iin ya. Ta ndiꞌi ni kúu ñaꞌñu ya íyo nina nduchi nuu, sata ya tin ini ya kúu mií ya nduchi nuu. Ta köo xíkuiin ya káꞌan ya, nduvi niuun káꞌan ya, káchi ya saa: ―¡Ra i̱í, ra i̱í, ra i̱í ni ku Ndioxi! ¡Taa ra ndixa ni ndee ku Ndioxi! Ndioxi ku ra táku nda kivi núnu̱ú, ta saa táku ra nda kivi vitin, saa kutaku ra ndiꞌi kivi ya vaxi, ―káchi kumi saa ya táku ikán, káꞌan ya xaꞌa Ndioxi.

El Apocalipsis 5:11

Tá ndi̱ꞌi saa ndi̱koto i, ta xi̱ni soꞌo i káꞌan kuaꞌa ni na tatun Ndioxi, na ikán ta yaꞌa ni kuaꞌa millón ku na. Saa chu̱tu ndaa na nuu índuꞌu ra kaꞌnu, ra índuꞌu nuu tai toꞌo, xiꞌin kumi saa ya táku tin oko kumi saa na xikuaꞌa ikán.

El Apocalipsis 5:12

Saa káꞌan ni na tatun Ndioxi ikán, káchi na saa: Levo loꞌo kiti ndi̱soko xiꞌin mií nuu Ndioxi, kiti ti̱kueꞌe ni, ri ikán ku ri ndee ni ndee kúu mií, saa kúu mií ri ndiꞌi ya kuika xiꞌin ya ndichi ni. Ta ndee ni ri, ná ndikunuu vaꞌa ni ya toꞌo ri. Ná kaꞌan vaꞌa ni yo xaꞌa ri chi ya ndixa kua ndi̱kiꞌin ndiꞌi ri ya vaꞌa, káchi na tatun Ndioxi ikán ya xáa kaꞌnu na kiti Levo loꞌo ikán.

El Apocalipsis 5:14

Saa ndi̱kuiin kumi saa ya táku káchi ya saa: ―Saa ná koo ―káchi ya. Saa si̱kusiti ndiꞌi na xikuaꞌa nuu ra ndi̱kuita ndee ndiꞌi na nuu ra nda nuu ñuꞌú xáa kaꞌnu na ra táku ndiꞌi saa kúu kivi.

El Apocalipsis 5:6

Saa xi̱ni i iin Levo loꞌo ndíchi ri yati nuu íin tai toꞌo ikán. Ta ndíchi tai toꞌo ikán maꞌñu kumi saa ya táku xiꞌin oko kumi saa na xikuaꞌa. Ta Levo loꞌo ikán tá náꞌa kiti ndi̱xiꞌi ndi̱soko naꞌa nuu Ndioxi, saa náꞌa ri. Ta íyo uxa ndikin ri tin íyo uxa nduchi nuu ri. Ta uxa nduchi nuu ri tin uxa ndikin ri ku ya káꞌan xaꞌa uxa tachi Ndioxi, ya ti̱ꞌvi ra kuaꞌan ndiꞌi ni kúu xaꞌa ñuu ivi yóꞌó.

El Apocalipsis 6:1

Saa xi̱ni i xa̱ꞌnda Levo loꞌo ikán iin sello ya núnu̱ú, ya ndási tutu ikán. Saa ndi̱kaꞌan iin taꞌan kumi ya táku ikán xiꞌin i, ta ndee ni ndi̱kaꞌan ya xiꞌin i tá kúu ndáꞌi savi saa kúu ndi̱kaꞌan ya xiꞌin i, káchi ya saa: ―¡Naꞌa yóꞌó, koto un! ―káchi ya xiꞌin i.