El Apocalipsis 5:5 - Xochapa Mixteco

⁵ Saa ndi̱kaꞌan iin ra xikuaꞌa taꞌan na oko kumi ikán xiꞌin i, káchi ra saa: ―Küaku ni un, saa chi xa íyo iin ra náni “Kiti Lión ta xáꞌnda chiñu ra nuu na ñuu Judá”, ta náni tu ra “Seꞌe sikua ra rey David”. Ra ikán ku ra xa ku̱chiñu nuu kiti nǎꞌa, yakan kúu mií ra ichí kaꞌnda ra uxa saa sello kixin kúu mií ya ta ndikani ra ya ―káchi ra xikuaꞌa ikán xiꞌin i.

El Apocalipsis 5:5 ပူးပေါင်းရင်းမြစ်များ

San Lucas 23:28

Saa ndi̱koto ra nuu ná, ta ndi̱kaꞌan ra xiꞌin ná, káchi ra saa: ―Ndóꞌo̱ nana ñuu Jerusalén, kuäku ndo xaꞌa i, kuaku ndo xaꞌa mií ndo tin xaꞌa seꞌe ndo.

San Lucas 7:13

Ta saa ndi̱taꞌvi ni ini ra xi̱ni ra yá. Ñaa ndi̱kaꞌan ra xiꞌin yá káchi ra saa: ―Nana, kuäku un xaꞌa seꞌe un ―káchi ra xiꞌin yá.

San Lucas 8:52

Ta ndóo inka naꞌa xáku ka vi na xaꞌa yá. Saa ndi̱kaꞌan Jesús xiꞌin na, káchi ra saa: ―Kuäku ndo chi köo ndi̱xiꞌi vi yá, yá kíxi va ku yá ―káchi ra xiꞌin na.

San Juan 20:13

Saa ndi̱ndakan tuꞌun na yá, káchi na saa xiꞌin yá: ―Nana, ¿ndachu xáku un? ―káchi na xiꞌin yá. Saa ndi̱kuiin yá káꞌan yá: ―Xaꞌa ya ndi̱kiꞌin na ikin kuñu Tata i, yakan xáku i, chi köo xíni i míí chí ndi̱xaꞌan na chi̱nduꞌu na ya ―káchi yá.

ROMANOS 1:3

Ta xaꞌa Tata yo Jesucristo ra kúu Seꞌe Ndioxi, ra chee nuu yo kua ndíkani tuꞌun vaꞌa ikán. Ta kúu Jesucristo Seꞌe sikua ra rey David, xaꞌa ya ka̱ku ra tá kuꞌva káku ndiꞌi yo ñuu ivi yóꞌó.

ROMANOS 15:12

Saa ndi̱kaꞌan tu ra Isaías va xaꞌa ya yóꞌó, káchi ra saa: Tixin iin na veꞌe ra kúu seꞌe ñani sikua ra Isaí kua keta iin taa ra kaꞌnda chiñu nuu ndiꞌi ni kúu na ñuu ivi. Ta ndiꞌi ni kúu na ñuu ivi kundaa ni ini na kuni na ra ikán.

HEBREOS 7:14

Ta yoo xíni yo ya ki̱xi Jesucristo ti̱xin veꞌe ra Judá, ta köo ndi̱kaꞌan ra Moisés xaꞌa nda iin na veꞌe ra Judá ya koo na sutu.

El Apocalipsis 1:1

Ya yóꞌó kua si̱naꞌa Ndioxi nuu Jesucristo ya ná sinaꞌa ra ya nuu nda xi̱taꞌan xiꞌin ra xaꞌa ñaꞌa ya kama ni kuu, ya kundaa ini naꞌa xaꞌa ndiꞌi ñaꞌa ya ikan Ndioxi, chi kama ni ikan ra ya, sixinu ndiꞌi ra ya yóꞌó. Yakan ti̱ꞌvi Tata yo Jesucristo iin ra tatun Ndioxi ki̱xi ra si̱naꞌa ndiꞌi ra ya nuu yeꞌe Juan, ra xi̱taꞌan xiꞌin ra.

El Apocalipsis 22:16

Saa ndi̱kaꞌan tuku Tata yo Jesucristo, káchi ra saa: ―Yeꞌe ku Jesús, ta xa ti̱ꞌvi i tatun i ya xáa chiñu nuu i xa̱a ya kaꞌan ya ndiꞌi tuꞌun yóꞌó xiꞌin un. Saa chi kúni i ndituꞌun un xiꞌin ndiꞌi na veꞌe ñuꞌu, xaꞌa ya káa yeꞌe tá káa “Tioꞌo itun”, chi kúu i seꞌe ñani sikua ra rey David, ta káa tu i tá káa “Kimi kiti ndíyeꞌe ni tá xa túvi naꞌa” ―káchi Tata yo Jesucristo.

El Apocalipsis 3:21

Ndiꞌi naꞌa, na kúchiñu nuu ya väꞌa, xaꞌa ya köo síndoo na ichí i, ta yeꞌe taxi i koo na xiꞌin i nuu ndivi ya kaꞌnda chiñu na xiꞌin i. Saa chi yeꞌe ta xa ku̱chiñu i nuu ya väꞌa, yakan ta̱xi Iva i Ndioxi ichí ndaꞌa i ndi̱kunduꞌu i xiꞌin ra ñaꞌñu kuáꞌá ra, íyo i xáꞌnda chiñu i xiꞌin ra.

El Apocalipsis 4:10

Ta iin káchi káꞌan kumi saa ya táku ikán xáa kaꞌnu ya Ndioxi, ta saa tu oko kumi saa na xikuaꞌa, na ndi̱kava nduu ndóo sata tai ra, síkusiti na nuu ra xáa kaꞌnu ñaꞌa na, ta ki̱ndaa na corona ya oro ínuu xiní na, ki̱ꞌin na ya chi̱ndoo na nuu ra, ya xáa kaꞌnu ñaꞌa na, saa káꞌan na xiꞌin ra káchi na saa:

El Apocalipsis 4:4

Ta nuu ndíchi tai toꞌo chee ikán ndíta ka oko kumi tai toꞌo, ndi̱kava nduu ndiꞌi nu sata itun tai toꞌo chee ikán, ta ndóo oko kumi na xikuaꞌa nuu nu, yaa ka vi toto ndíxi iin iin na xikuaꞌa ikán, saa ínuu iin corona ya oro xiní iin iin na.

El Apocalipsis 5:4

Saa xa̱á i xáku ka vi i, chi nda iin naꞌa köo kúu mií ichí ya kaꞌnda na sello kúu mií ya, ta koto na nuu ya kaꞌvi na ya.

El Apocalipsis 6:1

Saa xi̱ni i xa̱ꞌnda Levo loꞌo ikán iin sello ya núnu̱ú, ya ndási tutu ikán. Saa ndi̱kaꞌan iin taꞌan kumi ya táku ikán xiꞌin i, ta ndee ni ndi̱kaꞌan ya xiꞌin i tá kúu ndáꞌi savi saa kúu ndi̱kaꞌan ya xiꞌin i, káchi ya saa: ―¡Naꞌa yóꞌó, koto un! ―káchi ya xiꞌin i.

El Apocalipsis 7:13

Saa ndi̱ndakan tuꞌun iin ra taꞌan na xikuaꞌa ikán yeꞌe, káchi ra saa xiꞌin i: ―¿Unku na ndíxi tikoto yaa ni ndíta yóꞌó? ¿Ta míi chí ke̱e na? ―káchi ra xiꞌin i.