El Apocalipsis 4:7 - Xochapa Mixteco

⁷ Ta síin ni íin iin iin kumi saa ya táku ikán, ya núnu̱ú tá káa kiti lion saa káa ya. Ya uvi tá káa iin sindiki che̱e loꞌo saa káa ya. Ya uni tá káa nuu iin ra taa ivi yóꞌó saa káa ya. Ya kumi tá káa tasun ri ndáchi, saa káa ya.

El Apocalipsis 4:7 ပူးပေါင်းရင်းမြစ်များ

1 Corintios 14:20

Ñani yo, vaꞌa ndikani ini ndo tá kuꞌva ndíkani ini naꞌa, na xa xuxa ini, ta ndïkani ini ndo tá kuꞌva ndíkani ini na vali xaꞌa ñaꞌa ya káꞌan i xiꞌin ndo. Ndisaa nuu ya väꞌa ná koo naá ni ini ndo tá kuꞌva naá ni nuu na vali nuu ya väꞌa, saa ná koo ndo.

El Apocalipsis 4:6

Ta suvi maꞌñu nuu ndíchi tai toꞌo ikán, xi̱ni i ndíkaa nduta ñûꞌu kuíi̱ ka vi rá, tá káa iin yuyu yéꞌe̱ nda inka ñaꞌñu ya, saa kuíi rá. Ta suvi maꞌñu nuu ndíchi mií tai toꞌo ikán ndi̱kava nduu kumi ya táku, ta kumi saa ya kúu mií ya nina nduchi nuu kándika ya tin sata ya.

El Apocalipsis 6:3

Tá xa̱ꞌnda Levo loꞌo ikán sello ya uvi, saa ndi̱kaꞌan ya uvi taꞌan ya kumi ya táku ikán xiꞌin i, káchi ya saa: ―¡Naꞌa yóꞌó, koto un! ―káchi ya xiꞌin i.

El Apocalipsis 6:5

Saa xa̱ꞌnda tuku Levo loꞌo ikán sello ya uni, ta ndi̱kaꞌan ya uni taꞌan ya kumi táku ikán xiꞌin i, káchi ya saa: ―¡Naꞌa yóꞌó, koto un! ―káchi ya xiꞌin i. Saa ndi̱xaa i ndi̱koto i, ta xi̱ni i iin kuai ndáá, ta ra yóso ri níꞌi ra iin kàà nuu káta na ñaꞌa.

El Apocalipsis 6:7

Saa xa̱ꞌnda tuku Levo inka sello ya kumi, ñaa xi̱ni soꞌo i ndi̱kaꞌan inka ya kumi taꞌan ya kumi ikán, káchi ya saa: ―¡Naꞌa yóꞌó, koto un! ―káchi ya xiꞌin i.