El Apocalipsis 4:10 - Xochapa Mixteco

¹⁰ Ta iin káchi káꞌan kumi saa ya táku ikán xáa kaꞌnu ya Ndioxi, ta saa tu oko kumi saa na xikuaꞌa, na ndi̱kava nduu ndóo sata tai ra, síkusiti na nuu ra xáa kaꞌnu ñaꞌa na, ta ki̱ndaa na corona ya oro ínuu xiní na, ki̱ꞌin na ya chi̱ndoo na nuu ra, ya xáa kaꞌnu ñaꞌa na, saa káꞌan na xiꞌin ra káchi na saa:

El Apocalipsis 4:10 ပူးပေါင်းရင်းမြစ်များ

San Mateo 2:11

Tá ndi̱kiꞌvi nda ini veꞌe, saa xi̱ni nda íyo yá María, xiꞌin ra loꞌo seꞌe yá, saa si̱kusiti nda xáa kaꞌnu nda ra loꞌo ikán. Saa xu̱na nda xatun vali ndíso nda, ta ta̱va nda kàà oro xiꞌin xuxa ya yaꞌvi ni ta tami ni xaꞌan ya, xiꞌin nduta tami xaꞌan, rá náni mirra. Ndiꞌi ya yóꞌó si̱niꞌi nda nuu ra loꞌo ikán.

San Lucas 24:52

Saa xa̱a toꞌo na Jesús ta ndi̱ko koo na kuaꞌan na ñuu Jerusalén. Kúsini ni na ndi̱ko na koo na.

1 Corintios 15:10

Ta xaꞌa ya vaꞌa ni Ndioxi xiꞌin i kua kúu i apóstol tá kuꞌva íyo i vitin, saa ni xaꞌa ya vaꞌa ni ra xiꞌin i kua chíndee ra yeꞌe vaꞌa xáa súvi i chiñu nuu ra. Ta yeꞌe, ndee ni ka xáa chiñu i nuu tá kúu ndiꞌi nda taꞌan i, nda xáa chiñu nuu ra. Ta süvi xiꞌin ndee mií i kua xáa chiñu i, chi mií Ndioxi va ku ra chíndee taꞌan xiꞌin i xáa súvi i ya xaꞌa ya kúndaꞌvi ni ini ra xíni ra yeꞌe.

El Apocalipsis 10:6

saa chi̱naꞌa ya Ndioxi, ra táku ndiꞌi saa kivi, ra si̱kuaꞌa ndivi xiꞌin ñuꞌú, saa si̱kuaꞌa ra nduta ñûꞌu xiꞌin ndiꞌi kiti íyo ini rá, ta ndi̱kaꞌan ya, káchi ya saa: ―Köo ka kivi ya kundatun Ndioxi ya sixinu ra ya ndi̱kaꞌan ra.

El Apocalipsis 11:16

Ta oko kumi saa nda xikuaꞌa, nda ndóo nuu tai toꞌo nuu Ndioxi, si̱kusiti nda, nda nuu ñuꞌú ya xáa toꞌo nda Ndioxi,

El Apocalipsis 15:4

Ndiꞌi ni kúu naꞌa xíniñuꞌu na xaa toꞌo na yóꞌo̱ Tata Iva yo Ndioxi, Saa xíniñuꞌu na xaa kaꞌnu na yóꞌo̱, saa chi iin yóꞌo̱ ku ra i̱í ni. Ndiꞌi naꞌa na ki̱xi ndiꞌi ni kúu ñuu xa̱a na nuu un, ta xáa kaꞌnu na yóꞌo̱, chi ku̱ndaa ini na ya iin yóꞌo̱ ku ra ndaa ni, saa xáa nani un kuachi na xiꞌin nina ya ndaa Soꞌva káchi na xíta na nuu ndivi xi̱ni soꞌo i.

El Apocalipsis 15:7

Ta iin taꞌan ya kumi ya táku ikán, ta̱xi ya iin copa ya oro ndaꞌa iin iin tatun ikán. Ta chútu ndaa ya sáa ni ini Ndioxi ini iin iin copa ya oro ikán chi mií ra ku ra táku ndiꞌi saa kúu kivi.

El Apocalipsis 19:4

Saa si̱kusiti ndiꞌi oko kumi na xikuaꞌa xiꞌin kumi ya táku, ndi̱kuita ndee na si̱kusiti na nda nuu ñuꞌú ya xáa kaꞌnu na Ndioxi, ra íyo nuu tai toꞌo chee ni. Saa ndi̱kaꞌan na, káchi na saa: “Saa ná koo. Ná xaa kaꞌnu ni yo Ndioxi”, káchi na.

El Apocalipsis 4:2

Ta iin ku̱u soꞌva ndi̱kava nduu ndiꞌi Tachi I̱í Ndioxi yeꞌe, ñaa si̱tuvi ya nuu i xi̱ni i iin tai toꞌo chee ni nuu ndivi, saa xi̱ni i índuꞌu iin naꞌa nuu tai ikán.

El Apocalipsis 4:4

Ta nuu ndíchi tai toꞌo chee ikán ndíta ka oko kumi tai toꞌo, ndi̱kava nduu ndiꞌi nu sata itun tai toꞌo chee ikán, ta ndóo oko kumi na xikuaꞌa nuu nu, yaa ka vi toto ndíxi iin iin na xikuaꞌa ikán, saa ínuu iin corona ya oro xiní iin iin na.

El Apocalipsis 4:9

Ni köo xíkuiin kumi saa ya táku ikán táxi ni ya tixaꞌvi ndaꞌa Ndioxi, saa xáa kaꞌnu ni ya ra, ta xáa toꞌo ni ñaꞌa ya ra índuꞌu nuu mií tai toꞌo ikán, chi ra ikán ku ra táku, ta kutaku ka ra ndiꞌi saa kúu kivi ya vaxi ―káchi kumi saa ya táku ikán.

El Apocalipsis 5:14

Saa ndi̱kuiin kumi saa ya táku káchi ya saa: ―Saa ná koo ―káchi ya. Saa si̱kusiti ndiꞌi na xikuaꞌa nuu ra ndi̱kuita ndee ndiꞌi na nuu ra nda nuu ñuꞌú xáa kaꞌnu na ra táku ndiꞌi saa kúu kivi.

El Apocalipsis 5:8

Tá ti̱in soꞌva ri tutu ikán, ta ndikun si̱kusiti kumi saa ya táku ikán xiꞌin oko kumi saa na xikuaꞌa, si̱kusiti na nuu kiti Levo loꞌo ikán. Ta níꞌi iin iin na xikuaꞌa ikán itun arpa xiꞌin iin koꞌo chôꞌma ya oro nuu xíxi xuxa vaꞌa ya támi ni xáꞌan, ta iꞌma kána koo ini ya ikán kua káꞌan xaꞌa tuꞌun ya káꞌan naꞌa, na i̱í xiꞌin Ndioxi.

El Apocalipsis 7:11

Ta ndíta na tatun Ndioxi, ndi̱kava nduu ndiꞌi na sata tai toꞌo ikán nuu índuꞌu ra kaꞌnu, saa tu oko kumi saa nda xikuaꞌa xiꞌin kumi saa ya táku ikán. Ñaa si̱kusiti ndiꞌi na nda nuu ñuꞌú, yati nuu ndíchi tai toꞌo, ta xáa kaꞌnu na Ndioxi.