El Apocalipsis 3:19 - Xochapa Mixteco

¹⁹ Káꞌan i tuꞌun uꞌvi ni yóꞌó xiꞌin ndo, chi saa káꞌan uꞌvi i xiꞌin naꞌa, na kúꞌvi ini i xíni i. Saa táxi i tíxuꞌvi ni na ya ná ndiko koo ini na kuꞌun na ichí vaꞌa. Saa ndóꞌo̱, xíniñuꞌu ndo ndiko koo ini ndo xaꞌa ya väꞌa íkan ndo, ta ndinuꞌu ni ini ndo ndiko koo ini ndo kundikun ndo Ndioxi.

El Apocalipsis 3:19 ပူးပေါင်းရင်းမြစ်များ

San Mateo 25:7

Saa ndi̱koo uxi saa ná, xa̱á ná xáa súvi ná ñu̱ꞌu̱ ná, ya ndikiꞌin ná ra.

San Juan 2:17

Saa ndi̱kaꞌán ini nda ítaꞌan xiꞌin ra xaꞌa tuꞌun Ndioxi ya ta̱a na xinaꞌa, ta ya ikán káchi ya saa: “Tá káa ñu̱ꞌu̱ ya ndee ni xáꞌmi ñaꞌa, saa káa ya ndóꞌo nima i xaꞌa ya ndee ni ndíꞌi ini i xíni i veꞌe un.” káchi ra.

ROMANOS 12:11

Ñani yo xiꞌin kuꞌva yo, küxuxan ndo xaa chiñu ndo, ndinuꞌu ni ini ndo ikan ndo chiñu ya xíniñuꞌu ndo ikan ndo nuu Tata yo Jesús.

1 Corintios 11:32

Sundi tá xáa nduvaꞌa Tata yo xiꞌin yo, ta sínaꞌa ra yoo kuꞌun yo ichí ndaku ya ná sïndoꞌo ra yoo, tá kuꞌva kundoꞌo na ñuu ivi yóꞌó.

2 Corintios 6:9

Ta sava na vani xíni vaꞌa na ndeꞌe, ta ndása xïni na ndeꞌe, sundi mií Ndioxi ta xíni vaꞌa va ra ini nde. Sava na ndíkani ini xaꞌa nde tá íin nde xa xíꞌi saa íin nde, káchi na, ta süvi ya ndaa kua, chi ndeꞌe táku va ku nde, sava tu ichí xa̱a ndu̱vaꞌa ni na xiꞌin nde, sundi köo ndi̱xaꞌni na ndeꞌe.

2 Corintios 7:11

Na taꞌan yo, koto mií ndo, ndá kuꞌva chi̱ndee ya suchi ini ta̱xi Ndioxi ndo̱ꞌo ndo: Ta vaꞌa xaa súvi ndo ya chi̱kaa ini ndo ikan ndo xiꞌin ra taꞌan ndo ñaa. Chi ndóꞌo̱ ta kúni ndo sinaꞌa ndo mií ndo ya köo kuachi ndo ta kúndasi nuu ndo xíni ndo kuachi. Saa ndíꞌi ni ini ndo xaꞌa tindoꞌo ya íyo nuu ndo. Ta vitin, kúni ndo kuni ndo yeꞌe, chi ndíꞌi ni ini ndo xaꞌa i. Ta íyo ndúvi ndo ya taxi ndo kuachi xaꞌa ra taꞌan ndo ñaa. Xaꞌa ya íkan ndo saa ta sínaꞌa ndo mií ndo ya köo íyo yuꞌu ndo xiꞌin ra, ta ya ñaa kúni kachi ya kíndoo ndika ndo xaꞌa kuachi ra taꞌan ndo ñaa.

Gálatas 4:18

Ya vaꞌa ni va kua ndíꞌi ni ini na xaꞌa ndo, tá tu ya vaꞌa ni kua ndíkani ini na xíni na ndóꞌo̱, ndikuu. Ta ndiꞌi saa ichí ná kundiꞌi ini na xaꞌa ndo, ta ná ïkan na saa xiꞌin ndo ndisaa tá íyo i xiꞌin ndo.

Tito 2:14

Chi ndi̱taxi ra mií ra ndi̱xiꞌi ra xaꞌa yo, ya yóꞌó ku yaꞌvi cha̱ꞌvi ra xaꞌa yo nuu si̱kaku ra yoo ndaꞌa ndee ya väꞌa i̱kan yo, ta nda̱sa vaꞌa ra yoo ndu̱u yo na ñuu mií ra, ya kuchiñu yo ikan yo ya vaꞌa nuu ra.

Santiago 1:12

Vaꞌa ni kée naꞌa, na kúndee ini xiꞌin tindoꞌo vaxi nuu na, saa chi Ndioxi ta taxi ra kutaku na xiꞌin ra ndiꞌi saa kúu kivi. Tá íyo ya ndi̱kaꞌan ra xiꞌin naꞌa, na kúꞌvi ni ini ra xíni ra, saa koo ya ikan ra xiꞌin na, niꞌi na ichí kutaku na xiꞌin ra.

El Apocalipsis 2:5

Yakan xíniñuꞌu ndo ndikaꞌán ini ndo ndá kuꞌva ndi̱xiyo ndo tá yachi, tá sikan xa̱á ndo kándixa ndo yeꞌe. Ta nduku ndo kuꞌva ya kuchiñu ndo kuꞌvi tuku ini ndo kuni ndo yeꞌe, tá kuꞌva ku̱ꞌvi ni ini ndo xi̱ni ndo yeꞌe tá núnu̱ú. Chi tá tu ná ïkan ndo saa, ta xaa i nditaꞌan i ndóꞌo̱, saa sikutaꞌa i kàà ndo nuu ndíchi ya xíxi ñu̱ꞌu̱ ini ya.