El Apocalipsis 3:16 - Xochapa Mixteco

¹⁶ Sundi ndóꞌo̱ ta tá káa tikuii vi̱xi̱n, rá köo yasin xíꞌi va saa íin ndo. Chi ni köo íin ndo tá íyo rá iꞌni án tá íyo rá vixin ni, xaꞌa ya íyo ndo tá íyo rá vi̱xi̱n ta nduxan va i ndóꞌo̱.

El Apocalipsis 3:16 ပူးပေါင်းရင်းမြစ်များ

El Apocalipsis 2:5

Yakan xíniñuꞌu ndo ndikaꞌán ini ndo ndá kuꞌva ndi̱xiyo ndo tá yachi, tá sikan xa̱á ndo kándixa ndo yeꞌe. Ta nduku ndo kuꞌva ya kuchiñu ndo kuꞌvi tuku ini ndo kuni ndo yeꞌe, tá kuꞌva ku̱ꞌvi ni ini ndo xi̱ni ndo yeꞌe tá núnu̱ú. Chi tá tu ná ïkan ndo saa, ta xaa i nditaꞌan i ndóꞌo̱, saa sikutaꞌa i kàà ndo nuu ndíchi ya xíxi ñu̱ꞌu̱ ini ya.

El Apocalipsis 3:15

Ta xíni ndiꞌi va i chiñu ya íkan ndo, köo íyo ndo tá íyo tikuii niꞌni án rá vixin ni. Vaꞌa ni ka ku tu ya tá ndi̱xiyo ndo tá íyo rá iꞌni ni án rá vixin ni va.

El Apocalipsis 3:17

Káꞌan ndo kuika ni ndo, ta nda iin ñaꞌa köo kúmani nuu ndo káchi ndo. Sundi ndóꞌo̱, ta köo kíꞌin ndo kuenta ya ndixa ni ndaꞌvi ndo, nda loꞌo ñaꞌa köo nuu ndo, nda ya kuxi ndo köo, iin kúndaꞌvi chála ndo, tá íin na kuáa̱ küvi koto saa íin ndo, ta köo kíꞌin ndo kuenta.