El Apocalipsis 3:10 - Xochapa Mixteco

¹⁰ Xaꞌa ya ndee ni vaꞌa ndi̱xaꞌa ndee ini ndo xa̱a súvi ndo tuꞌun i, ta saa tu yeꞌe va, kundaa ni i ndóꞌo̱ tá kivi ná kixi tindoꞌo ya ndee ni ndee koto ndoso ya ndiꞌi na ndóo ñuu ivi yóꞌó.

El Apocalipsis 3:10 ပူးပေါင်းရင်းမြစ်များ

San Mateo 24:14

Ta na ndíkun yeꞌe kuꞌun na ndiꞌi ni kúu ñuu ivi kaꞌan ndoso na xiꞌin ndiꞌi naꞌa xaꞌa ichí nuu xáꞌnda chiñu Ndioxi ya ná kundaa ini na xaꞌa tuꞌun vaꞌa xaꞌa i. Tá ná kuu saa, ta saa kua ndiꞌi xaꞌa ñuu ivi yóꞌó.

San Mateo 26:41

Küsun ndo, kaꞌan ni ndo xiꞌin Ndioxi ya ná ndïkava ndo nuu ya väꞌa. Saa chi kúni ni va ndo ikan ndo ya vaꞌa, sundi vita ni va ini ndo ―káchi ra xiꞌin nda.

San Mateo 6:13

Täxi un ndikava nde ndaꞌa ya väꞌa, chindee un ndeꞌe nuu ya väꞌa. Chi yóꞌo̱ ku ra xáꞌnda chiñu, yóꞌo̱ ku ra kúu mií ndee ta ndiꞌi naꞌa xáa kaꞌnu yóꞌo̱ ndiꞌi saa kivi ya vaxi. Saa ná koo ya”. Soꞌva kachi ndo xiꞌin Ndioxi ―káchi Jesús xiꞌin na.

San Marcos 14:9

Ta ndixa káꞌan i xiꞌin ndo, ndiꞌi kúu ñuu ivi nuu káꞌan ndoso na tuꞌun vaꞌa xaꞌa i, ta kaꞌan tu na xaꞌa ya vaꞌa i̱kan yá yóꞌó va xiꞌin i. Ta saa ndikaꞌán ini ndiꞌi kúu na xaꞌa ya i̱kan yá ―káchi Jesús.

San Lucas 2:1

Ta suvi mií tiempo ikán kua ku̱u mií ra rey Augusto chiñu nuu ndiꞌi na ivi ta xa̱ꞌnda ra chiñu ya kuꞌun ndiꞌi na ndikaꞌi kivi na.

San Juan 17:6

’Ivi na ndi̱kaxin un ta̱xi un ndaꞌa i ta si̱naꞌa i yóꞌo̱ nuu na. Na ndíkun yóꞌo̱ ku na, ta ta̱xi un na ndaꞌa i. Ta xáa súvi ndiꞌi na tuꞌun un ya ndi̱kaꞌan i xiꞌin na.

ROMANOS 1:8

Xiꞌna kúni i kaꞌan i xiꞌin ndo tuꞌun yóꞌó: tixin ichí Jesucristo káꞌan i xiꞌin Ndioxi, táxi ni i tixaꞌvi ndaꞌa ra xaꞌa ndo. Saa chi ndee ni kándixa ndo Jesucristo yakan ndiꞌi ni kúu ñuu xíni soꞌo na tuꞌun vaꞌa xaꞌa ndo.

1 Corintios 10:13

Chi taꞌan tindoꞌo̱ ya ndóꞌo ndóꞌo̱ ku ya ndóꞌo ndiꞌi ni kúu va naꞌa. Sundi Ndioxi ta vaꞌa ni va ra chi síxinu ndiꞌi ra ya káꞌan ra, ta saa ikan ra xiꞌin ndo chindee ra ndóꞌo̱ yaꞌa ndo nuu ndiꞌi tindoꞌo ya ndee ni vaxi nuu ndo, ta täxi ra kixi tindoꞌo ndee ni nuu ndo ya küchiñu ndo xiꞌin, sinaꞌa ra ndóꞌo̱ ndá kuꞌva yaꞌa ndo nuu ndiꞌi ya.

Efesios 6:13

Xaꞌa ya ñaa kua xíniñuꞌu ndo ndikundixi níí ndo xiꞌin ndiꞌi ndee ya táxi Ndioxi ndaꞌa ndo kundixi ndo, tá kuꞌva ndíxi nda lapa nda kánitaꞌan, saa koo ndo. Chi tá íkan ndo saa, tá ti̱ndaa ndá ka tindoꞌo ya kánitaꞌan kiti nǎꞌa xiꞌin ndo, ta kuchiñu ndo xaꞌa ndee ini ndo xiꞌin ya. Chi saa kua kuchiñu ndo kundita tuun ndo tá vaxi kiti nǎꞌa kanitaꞌan ri xiꞌin ndo, ta küchiñu ri sindiꞌi xaꞌa ri ndóꞌo̱.

2 Timoteo 2:12

Tá tu ndee ni tindoꞌo ndóꞌo yo ñuu ivi yóꞌó, ta saa kua niꞌi yo kaꞌnda chiñu yo xiꞌin ra nuu xáꞌnda chiñu ra. Tá tu ndíkuaa yo ra, ta saa ndikuaa tu mií va ra yoo.

Santiago 3:12

Ta saa íyo tu itun higo küvi kana kiti olivo ndaꞌa nu, ni teꞌe kiti uva küvi kana higo ndaꞌa ya. Yakan kua ni tikuií vaꞌa án rá uꞌva, ta küvi kana uvi saa rá ini iin poso.

1 Pedro 4:12

Ñani yo, ndïkanda ni ini ndo tá ndee ni vaxi tindoꞌo xíto ndoso ya ndóꞌo̱ xaꞌa ya ndíkun ndo Tata yo Jesucristo, ta ndïkani tu ini ndo ndisaa ndóꞌo̱ ku ndo ndee ni ndóꞌo, túvi ndo.

2 Pedro 2:9

Yóꞌó ku nuu kúndaa ini yo ya síkaku Ndioxi na íkan ya vaꞌa nuu ra, tá nuu ñúꞌu na nuu tindoꞌo. Ta saa xíni vaꞌa tu ra ndá kuꞌva kua xaa nduvaꞌa ra xiꞌin naꞌa, na íkan ya väꞌa yakan kua xaa nani ra kuachi xiꞌin na ñuu ivi.

El Apocalipsis 1:9

Yeꞌe Juan ñani ndo ku i, saa chi iin káchi kándixa yo Tata yo Jesucristo, ta ndóꞌo̱ xiꞌin yeꞌe ndíkun yo ichí nuu xáꞌnda chiñu Ndioxi. Xaꞌa ya iin ku yo xiꞌin taꞌan yo, ta iin káchi tíxuꞌvi ndiꞌi yo xiꞌin taꞌan yo, saa táxi Ndioxi ndee ra ndaꞌa yo, ya kúndee ini yo xiꞌin ya tíxuꞌvi yo. Xaꞌa ya ndi̱kaꞌan ndoso i tuꞌun Ndioxi ya si̱naꞌa Tata yo Jesucristo yeꞌe, yakan ti̱in na chiñu yeꞌe ndi̱xaꞌan na ndi̱ndaka na yeꞌe iku loꞌo ya Patmos, ya ndíkaa maꞌñu nduta ñûꞌu xaꞌa ya síndoꞌo ni na ini i.

El Apocalipsis 11:10

Ndiꞌi saa na ñuu ivi kusini ni xaꞌa ya ndi̱xiꞌi nda ikán, ñaa xáa na ikan na viko ta siniꞌi na ñaꞌa nuu taꞌan na, xaꞌa ya kúsini ni na ndi̱xiꞌi nda. Saa chi na ikán ta ndíkani ini na xaꞌa kuachi uvi saa nda ikán kua tíxuꞌvi ni ndiꞌi na ndóo ñuu ivi yóꞌó, káꞌán na.

El Apocalipsis 13:10

Tá íyo naꞌa chi̱tuni Ndioxi ya kundasi na veꞌe kàà, ta xíniñuꞌu na kundasi na veꞌe kàà. Tá íyo naꞌa, na xáꞌni ndìì xiꞌin i̱chi xiín, ta suvi kuꞌva saa xíniñuꞌu na kuvi na xiꞌin i̱chi̱. Tuꞌun yóꞌó kúni kachi ya ndiꞌi naꞌa, na ndíkun Ndioxi, ta xíniñuꞌu na sikuaꞌa na kundee ini na xiꞌin tindoꞌo ya uꞌvi ni tixuꞌvi na, ta ná sïndikoo na ya kándixa na Ndioxi.

El Apocalipsis 13:14

Saa si̱ndaꞌvi ri uvi ikán ndiꞌi na ndóo ñuu ivi yóꞌó xiꞌin yatuꞌun íkan ri. Ta xiꞌin yuꞌu mií kiti núnu̱ú ikán kua íkan kiti uvi ikán yatuꞌun nuu naꞌa. Saa xa̱ꞌnda chiñu kiti uvi ikán chiñu nuu naꞌa ya sikuaꞌa na naꞌna kiti núnu̱ú, ri ìyo ni ndi̱taꞌnda xiní xiꞌin i̱chi ta ndi̱taku tuku ri.

El Apocalipsis 13:8

Saa xáa kaꞌnu ndiꞌi naꞌa, na ndóo ñuu ivi kiti ikán. Na ikán, ta köo kivi na ndóso nuu tutu i̱í kúu mií kiti Levo loꞌo nuu ndivi. Chi Levo loꞌo ikán ku ri ndi̱soko xiꞌin mií, ya ndi̱xiꞌi ri. Saa chi̱tuni Ndioxi ikan ra tá täꞌan sikuaꞌa ra ñuu ivi.

El Apocalipsis 14:12

Ta nani ndátun yo kuu saa kua xíniñuꞌu na ñuu Ndioxi, na i̱í, na xáa súvi ni ya xáꞌnda chiñu ra. Xíniñuꞌu na xaꞌa ndee ni ini na, ta tuun ni ná kundaa ini na kuni na Tata yo Jesús ―káchi ya xi̱ni soꞌo i.

El Apocalipsis 14:6

Saa xi̱ni i inka tatun Ndioxi ndáchi ya xíka ya nuu ndivi. Ta káꞌan ndoso tatun ikán tuꞌun vaꞌa xiꞌin na ndóo ndiꞌi saa kúu xaꞌa ñuu ivi tin na ndóo ñuu vali xiꞌin na ndóo ñuu naꞌnu xiꞌin na káꞌan ndiꞌi ni kúu nuu tuꞌun.

El Apocalipsis 16:14

Ta uni saa tachi nduvaꞌa ikán kúu mií ya ndee íkan ya kuaꞌa ni yatuꞌun, saa kuaꞌan ya nuu ndiꞌi ni kúu nda rey ñuu ivi ikán ya saa, síkitaꞌan ya nda koo tuꞌva nda kani taꞌan nda nuu koo kuachi chee ni. Saa chi xa vaxi kivi nuu ndee ni koo ya chi̱tuni Ndioxi nuu kuchiñu ra nuu ndiꞌi ya väꞌa. Saa chi yáꞌa ni ndee kúu mií ra.

El Apocalipsis 17:2

Nda rey nda xáꞌnda chiñu nuu kuaꞌa ni ñuu naꞌnu ñuu ivi yóꞌó, ta tá íin nda ndi̱kixi xiꞌin ñaꞌa saa íin nda, ta nda tá káa nduta vino nduta síxini naꞌa, saa káa ya väꞌa íkan nda xaꞌa ya kuakiꞌvi nda xiꞌin ná síꞌi íkan na kuachi ivi yóꞌó.

El Apocalipsis 17:8

Kiti ìyo ni káa xi̱ni un vitin, ta ri táku ku ri, ta vitin köo ka ri. Ta vaxi kivi keta ri tixin yavi nuu kúnu ni ndíkaa ri, ta sindiꞌi ikán kuꞌun ri nuu ndiꞌi xaꞌa ri. Ta ndi̱kanda ni ini na köo íyo kivi nda tá xa̱á ndi̱kuaꞌa ñuu ivi yóꞌó, xi̱ni na kiti ìyo ni káa ikán, xi̱taku ri ta köo ka ri, saa ndiko koo tuku ri ñuu ivi yóꞌó ―káchi tatun ikán xiꞌin i.

El Apocalipsis 2:10

Ta ndóꞌo̱ ku ïꞌvi ndo nuu tindoꞌo ya uꞌvi ni vaxi nuu ndo. Saa chi íyo naꞌa, na kúni xaa súvi ya kúni kiti nǎꞌa án kiti Timiaꞌa, kiti Satanás. Tiin na sava ndóꞌo̱ taan na veꞌe kàà, nuu koto ndoso na ndóꞌo̱ án ya ndixa kua kándixa ndo yeꞌe. Ta ndoꞌo ni ndo uxi kivi. Ta káꞌan ni i xiꞌin ndo ya ná síndikoo ndo ichí i, ndinuꞌu ni ini ndo kandixa ndo yeꞌe, nda kivi tá ná kuvi ndo. Saa ndikiꞌin ndo ya vaꞌa taxi i ndaꞌa ndo nuu kutaku ndo xiꞌin i ndiꞌi saa kivi ya vaxi.

El Apocalipsis 3:8

Xíni ndiꞌi i ya vaꞌa íkan ndo, xíni i ya loꞌo ni ndee kúu mií ndo, ta saa xáa súvi ni ndo ya káꞌan tuꞌun i, ta ni köo ndi̱kuaa ndo yeꞌe nuu naꞌa. Xa xu̱na i yéꞌe nuu ndo, ta nda iin naꞌa küchiñu ndikasi ya.

El Apocalipsis 6:10

Ta ndee ka vi ndi̱kaꞌan ya vaꞌa na ndi̱xiꞌi ikán, káchi ya saa: ―Tata Iva yo Ndioxi, ra i̱í, ra ndaa ni, ra xáꞌnda chiñu nuu ndiꞌi ñaꞌa, ¿nda maa vi xinu koo tiempo ya xaa nani un kuachi nde nuu sindoꞌo ni un naꞌa, na xa̱ꞌni ndeꞌe? ―káchi na xiꞌin Ndioxi.

El Apocalipsis 8:13

Ta saa ndi̱koto i, ta xi̱ni soꞌo i ndáchi iin tatun Ndioxi maꞌñu ndivi, ta ndee ni káꞌan ya, káchi ya saa: ―¡Vai! ¡Vai! ¡Vai! Ndaꞌvi ni na ndóo ñuu ivi, chi kúmani ka soo uni tatun tivi itun trompeta ya. Ta xa íyo tuꞌva ya tivi ya nu, tá ná tivi ya ikán ta ndee ni ndoꞌo na ―káchi tatun Ndioxi ndáchi ikán.