Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




El Apocalipsis 22:8 - Xochapa Mixteco

8 Yeꞌe Juan ku yeꞌe xi̱ni ndiꞌi ya yóꞌó tin xi̱ni soꞌo i ya. Tá ndi̱ꞌi xi̱ni soꞌo i tin xi̱ni i ndiꞌi ya si̱naꞌa Ndioxi nuu i, saa si̱kusiti i nda nuu ñuꞌú nuu ndíchi tatun Ndioxi ya si̱naꞌa ndiꞌi ñaꞌa nuu i xiꞌin ya xi̱ni soꞌo i, si̱kusiti i ya xaa kaꞌnu i ya.

အခန်းကိုကြည့်ပါ။ ကော်ပီ




El Apocalipsis 22:8
6 ပူးပေါင်းရင်းမြစ်များ  

Ñaa nda̱niꞌi ñaꞌa ra Pedro ndi̱kaꞌan ra xiꞌin ra, káchi ra saa: ―Kundichi, küsiti un nuu i saa chi tá káa yóꞌo̱ saa káa tu yeꞌe va ―káchi ra xiꞌin ra.


Ya yóꞌó kua si̱naꞌa Ndioxi nuu Jesucristo ya ná sinaꞌa ra ya nuu nda xi̱taꞌan xiꞌin ra xaꞌa ñaꞌa ya kama ni kuu, ya kundaa ini naꞌa xaꞌa ndiꞌi ñaꞌa ya ikan Ndioxi, chi kama ni ikan ra ya, sixinu ndiꞌi ra ya yóꞌó. Yakan ti̱ꞌvi Tata yo Jesucristo iin ra tatun Ndioxi ki̱xi ra si̱naꞌa ndiꞌi ra ya nuu yeꞌe Juan, ra xi̱taꞌan xiꞌin ra.


Yeꞌe Juan táa i tutu yóꞌó kuaꞌan ya nuu uxa veꞌe ñuꞌu ya ñúꞌu estado Asia. Ndikiꞌin ni ndo tuꞌun mani, saa ná koo vaꞌa ni ini ndiꞌi ndóꞌo̱ na ndíkitaꞌan káñuꞌu Ndioxi. Ndioxi ra xa táku nda kivi núnu̱ú, ta táku ra kivi vitin, saa kutaku ra ndiꞌi saa kivi ya vaxi. Ta mií ra xiꞌin uxa nuu Tachi ra ya íyo xiꞌin ra nuu xáꞌnda chiñu ra ná chikaa ni ya vaꞌa ndóꞌo̱, ta ná taxi ra ya koo vaꞌa ni ini ndo.


Saa si̱kusiti i nuu tatun ikán ya xaa toꞌo ñaꞌa i, ta ndi̱kaꞌan ya xiꞌin i, káchi ya saa: ―Ïkan un saa, küsiti un nuu i, chi tá kuꞌva íyo mií un xáa chiñu un xiꞌin na ñani un na ndíkun Tata yo Jesucristo saa íyo tu yeꞌe va. Chi yo xáa chiñu nuu Ndioxi ku ndiꞌi yo, saa kándixa yo tuꞌun ya ndaa ya ndi̱kaꞌan Tata yo Jesucristo, ta ná sïndoo yo ya kándixa yo tuꞌun ra. Yakan küsiti un nuu i, iin mií Ndioxi ná xaa kaꞌnu ni yo. Chi tuꞌun ya si̱naꞌa Tata yo Jesucristo, ta iin káchi ku ya xiꞌin tuꞌun ya ndi̱kaꞌan nda ndi̱kaꞌan ndoso tuꞌun yuꞌu Ndioxi xinaꞌa, chi mií Tachi I̱í Ndioxi ta̱xi ya ndaꞌa nda ikán ndi̱kaꞌan nda ―káchi tatun ikán xiꞌin i.


Saa xi̱ni tuku i kiti ri ìyo ni káa xiꞌin nda rey nda xáꞌnda chiñu nuu na ñuu ivi, xiꞌin nda lapa nda ítaꞌan xiꞌin nda. Ndi̱kitaꞌan ndiꞌi nda ya chitaꞌan tuꞌun nda kani taꞌan nda xiꞌin Taa ra chee ra yóso kuai yaa, saa kani taꞌan na xiꞌin nda lapa nda ítaꞌan xiꞌin ra.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ