El Apocalipsis 22:4 - Xochapa Mixteco

⁴ Saa kuni xiꞌin nuu ndiꞌi na Ndioxi, ta saa ndikunuu kivi ra taan na.

El Apocalipsis 22:4 ပူးပေါင်းရင်းမြစ်များ

San Mateo 5:8

’Vaꞌa ni kée ndo tá tu ndinuꞌu ni ini ndo kúu ndo naꞌa, na kúu mií nima vaꞌa nuu Ndioxi, chi vaxi iin kivi ta kuni ndo Ndioxi.

San Juan 12:26

Tá ndá ndóꞌo̱ kúni xaa chiñu nuu i, ta vaꞌa kundikun ndo yeꞌe. Chi nuu koo i ta ikán koo tu ndóꞌo̱ va xiꞌin i. Tá ndá ndo xáa chiñu nuu i, ta xaa kaꞌnu Iva i Ndioxi ndóꞌo̱ ―káchi Jesús xiꞌin na.

San Juan 17:24

’Tata Iva yo, na ta̱xi un ndaꞌa i ndíkun yeꞌe, ta kúni i ná koo na xiꞌin i nuu ndivi nuu koo i. Saa kuni na ndiꞌi ya vaꞌa, ya luvi ta̱xi un ndaꞌa i, saa chi yóꞌo̱ ta kúꞌvi ni ini un xíni un yeꞌe, nda tá täꞌan xikoo xaꞌa ñuu ivi yóꞌó vi kúꞌvi ni ini un xíni un yeꞌe.

1 Corintios 13:12

Kuꞌva saa íyo ya ndóꞌo yo vitin, tá ndóꞌo naꞌa, na xíto nuu yu̱ú tatan, ya kuaꞌan kúxana nuu va, saa íyo ya ndóꞌo yo. Sundi vaxi kivi ta saa kua kundaa teꞌe ini yo xaꞌa ndiꞌi ya, chi saa kua kuni xiꞌin nuu yo Ndioxi. Loꞌo ni va kúndaa ini yo xaꞌa ra vitin, ta vaxi kivi saa kua kundaa teꞌe ini yo xaꞌa ndiꞌi kúu ñaꞌa. Ta saa kua kuni vaꞌa yo Ndioxi tá kuꞌva káa ra, tá kuꞌva xíni ra yoo.

HEBREOS 12:14

Ta nduku ndo kuꞌva ya koo vaꞌa ni ndo xiꞌin ndiꞌi naꞌa. I̱í ni koo ndo, saa chi tá tu köo i̱í ini ndo ta küchiñu ndo kuni ndo Ndioxi. Ta ni nda iin naꞌa, ta küchiñu na kuni na ra, tá tu kéꞌe na ya väꞌa.

El Apocalipsis 14:1

Saa ndi̱koto i ta xi̱ni i ndíchi Levo loꞌo ikán xiki ya náni Sión. Ta kuaꞌa ni naꞌa ndíta xiꞌin ri, saa ndi̱kaꞌi taan ndiꞌi na ikán xiꞌin sello Ndioxi, íyo kivi ra taan na xiꞌin kivi kiti Levo loꞌo ikán. Ta kúu na ikán iin ciento uvi xiko kumi mil.

El Apocalipsis 3:12

Ndiꞌi naꞌa, na kúchiñu nuu ya väꞌa, xaꞌa ya köo síndoo na ichí i, ta taxi i ichí ndaꞌa na, nduu na naꞌa, na ndee ni, na xíniñuꞌu ni ini veꞌe ñuꞌu Ndioxi nuu ndivi. Tá kuꞌva ndíso ni itun ndíso xiní veꞌe, kuꞌva saa koo na ikán. Ta veꞌe ñuꞌu Ndioxi ikán koo na ndiꞌi saa kúu kivi. Ta chinuu i kivi Ndioxi, ra xáa kaꞌnu i sata iin iin na. Saa chinuu i kivi ñuu Ndioxi, ñuu Jerusalen ya xa̱á, sata iin iin na. Ta chinuu tu i kivi mií va i ya xa̱á, chinuu i ya sata iin iin na.

El Apocalipsis 7:3

ndikaꞌan ya káchi ya saa: ―¡Kundatun naꞌa ndo! Sïtivi yachi ndo ñuu ivi yóꞌó, ni nduta ñûꞌu, ni itun sïtivi yachi ndo. Nda ná sindiꞌi xaꞌa yo chinuu yo sello taan iin iin naꞌa, na xáa chiñu nuu Ndioxi, nda saa sitivi ndo ya ―káchi tatun ikán xiꞌin kumi saa na tatun ikán.