El Apocalipsis 22:14 - Xochapa Mixteco

¹⁴ Vaꞌa ni kée na ndíkata toto na ya ndúyaa ni ya, chi na ikán ta kuu mií na ichí kaxi na kuiꞌi ndaꞌa itun táxi kutaku na xiꞌin Ndioxi ndiꞌi saa ichí. Saa kuchiñu na kiꞌvi na yeꞌe ñuu i̱í ikán.

El Apocalipsis 22:14 ပူးပေါင်းရင်းမြစ်များ

El Apocalipsis 21:27

Ta nda iin ya kini, ni ya yakua küchiñu ya kiꞌvi ya ñuu i̱í ikán. Ni na ka̱ndixa ñaꞌa ya köo kúu Ndioxi ra ndaa ta kïꞌvi na, nda iin ñaꞌa ya väꞌa kïꞌvi ya ñuu ikán. Ndisaa naꞌa na ndóso kivi nuu tutu mií Levo ikán ku na kuchiñu kiꞌvi, saa chi nuu tutu ikán ndóso ndiꞌi kivi ndiꞌi na kutaku xiꞌin Ndioxi ndiꞌi saa kivi ya vaxi.

1 Juan 5:3

Tá tu xáa súvi yo ya xáꞌnda chiñu Ndioxi nuu yo ta sínaꞌa yo mií yo ya kúꞌvi ini yo xíni yo ra. Saa chi ya xáꞌnda chiñu ra nuu yo ta süvi tá káa iin ya vee ndíso yo káa ya.

El Apocalipsis 22:7

Ta ndi̱kaꞌan Tata yo Jesucristo tuꞌun yóꞌó, káchi ra saa: ―¡Koo tuꞌva ndo, chi kama ni ndiko koo i! Ta vaꞌa ni kée na xáa súvi tuꞌun ya íyo nuu tutu yóꞌo̱ ya ndi̱kaꞌan nda ndi̱kaꞌan ndoso tuꞌun yuꞌu Ndioxi xinaꞌa ―káchi Jesús.

1 Juan 3:3

Ta ndiꞌi na ndinuu ni ndátun ya ndiko koo ra ndisama ra na, ta ndíkundee ni na xinu koo na nduu na tá kuꞌva íyo mií ra, saa chi ra i̱í ku ra.

San Juan 14:15

’Tá tu kúꞌvi ini ndo xíni ndo yeꞌe, ta xaa súvi ndo ya káꞌan i xiꞌin ndo.

El Apocalipsis 2:7

Ndiꞌi ndóꞌo̱ kándixa yeꞌe, ta kuni soꞌo ni ndo tuꞌun ya káꞌan Tachi I̱í Ndioxi xiꞌin ndo. Ndiꞌi ndóꞌo̱ na kúchiñu nuu ndee ya väꞌa, ndóꞌo̱ köo síndikoo ichí i, ta ndaꞌa ndóꞌo̱ kua taxi i kuiꞌi kaxi ndo, kiti kúun ndaꞌa itun ndíchi maꞌñu corra Ndioxi nuu luvi ni káa. Ta kuiꞌi ikán ku ri táxi ichí ndaꞌa ndo ya koo ndo ndiꞌi saa kivi ya vaxi xiꞌin Ndioxi ―káchi Jesucristo xiꞌin i.

1 Corintios 7:19

Chi köo ndáa yaꞌvi ya án íyo tuni Ndioxi nda án köo ya kúu mií nda. Ya ndee ni ndáa yaꞌvi ka kua ná xaa súvi yo ya xáꞌnda chiñu Ndioxi nuu yo.

El Apocalipsis 22:2

Ta yáꞌa sava rá maꞌñu ichí kaꞌnu ñuu i̱í ikán, ta uvi saa ñaꞌñu yuꞌu mií i̱tà ikán ndíta itun kuiꞌi, ta kúun kuiꞌi ndaꞌa nu tá yoó, uxi uvi ichí kúun kuiꞌi ndaꞌa nu nuu kuiya. Ta kuiꞌi ndaꞌa nu ikán kua táxi kutaku naꞌa xiꞌin Ndioxi ndiꞌi saa ichí, ta iku ndaꞌa nu kua síndaꞌa na ke̱e ndiꞌi saa xaꞌa ñuu ivi.

San Juan 10:7

Saa ndi̱kaꞌan tuku Jesús xiꞌin na, káchi ra saa: ―Ya ndaa káꞌan i xiꞌin ndo: Yeꞌe ku yéꞌé nuu kuakee kiti levo.

San Juan 10:9

Táꞌan yéꞌé ikán ku yeꞌe, ta ndiꞌi na vaxi nuu i ta sikaku i na. Koo na tá kuꞌva íyo levo, kuakiꞌvi ri tin kána koo ri ini corra ikán, ta níꞌi ri ita xíxi ri.

El Apocalipsis 7:14

Saa ndi̱kuiin i ndi̱kaꞌan i xiꞌin ra, káchi i saa: ―Köo xíni i, Tata. Mií un xíni unku na, káchi i xiꞌin ra. Saa ndi̱kuiin ra, káchi ra saa: ―Ndiꞌi na yóꞌó ku na ka̱na koo nuu yáꞌa ni vi ndi̱xuꞌvi na, ndo̱ꞌo ka vi na, ta ndi̱kata na tikoto na xiꞌin nií kiti Levo loꞌo, yakan ndu̱u yaa ni ya.

Gálatas 5:6

Chi tá kándixa yo Jesucristo ta köo ndáa yaꞌvi ka ya án kúu mií yo tuni Ndioxi án köo ya kúu mií yo, chi ya ndee ni ndáa yaꞌvi nuu ra kua ndáa ni ini yo xíni yo ra xaꞌa ya kúꞌvi ni ini ra xíni ra yoo.

El Apocalipsis 21:12

Ta íyo nama chee ni nuu ñuu ikán ta sukun ni ya, iin ndikava nduu ndiꞌi nama sata ya. Iyo uxi uvi yeꞌe ya, ta iin iin yeꞌe ikán íyo iin tatun Ndioxi, saa iin iin mií yeꞌe ikán ndi̱kaꞌi kivi iin iin tiꞌvi uxi uvi saa nda seꞌe ra Israel, nda ndi̱xiyo xinaꞌa.

1 Corintios 9:5

Ta kúu tu mií nde ichí ya ndikiꞌin nde iin yá kuꞌva yo koo yá síꞌi nde, ta kuꞌun yá xiꞌin nde ndá ka nuu kuaꞌan nde, tá kuꞌva íkan sava nda taꞌan yo tá kúu ra Pedro xiꞌin nda ñani mií Tata yo Jesucristo. Sundi ndeꞌe ta köo íkan nde saa.

1 Corintios 8:9

Ta ndóꞌo̱ ta xa íyo va ichí ndo kuxi ndo ndiꞌi kúu ñaꞌa, sundi kuenta ni koo ndo, chi íyo na ñani yo, na vita ni ini, ta ìyo ni koyo na nuu kuachi xaꞌa ñaꞌa ya xíxi ndo.

San Juan 14:6

Saa ndi̱kuiin Jesús ndi̱kaꞌan ra xiꞌin ra, káchi ra saa: ―Yeꞌe ku ra ku ichí, ta yeꞌe ku mií ya ndaa, yeꞌe ku ra táxi kutaku na. Nda iin na küvi kuꞌun nuu Iva i, tá tu süvi xiꞌna nuu yeꞌe vaxi na.

San Juan 4:12

Ta ¿án chee ka yóꞌo̱ nuu xii sikua nde ra Jacob?, chi xii nde ra Jacob ku ra si̱ndikoo poso yóꞌó ndaꞌa nde. Yóꞌó ku nuu xi̱ꞌi mií ra tikuii xiꞌin seꞌe ra tin kiti sana ra ―káchi yá xiꞌin ra.