Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




El Apocalipsis 21:4 - Xochapa Mixteco

4 Ta mií ra ku ra ndiyakun ndiꞌi tikuii nuu na xaꞌa ya xáku na. Nda iin ichí küvi ka na, ni köo ka na kuaku, ni köo ka na kusuchi ini, ni na kúꞌvi köo ka na koo, chi ya ndo̱ꞌo na yachi ta xa ndi̱ꞌi xaꞌa ndiꞌi ya.

အခန်းကိုကြည့်ပါ။ ကော်ပီ




El Apocalipsis 21:4
26 ပူးပေါင်းရင်းမြစ်များ  

Ndiꞌi xaꞌa ndivi tin ñuꞌú yóꞌó, sundi tuꞌun i ta nda iin kivi ndïꞌi xaꞌa ya xinu ndiꞌi ya káꞌan ya.


Saa sindiꞌi xaꞌa tu ra ya xáꞌni ndìì, ya sáa ini xíni yoo, nda nuu sindiꞌi kua ikan ra saa, sindiꞌi xaꞌa ra ya ikán.


Ta ndóꞌo̱ kée vaꞌa xiꞌin ñaꞌa ya íyo ñuu ivi yóꞌó, tá íyo naꞌa, na köo vaꞌa ñaꞌa saa koo ndo. Saa chi ñuu ivi yóꞌó xiꞌin ndiꞌi ñaꞌa kúu mií ya, ta kama ni va ndiꞌi xaꞌa ya.


Saa chi ndiꞌi yo xa ndi̱kitaꞌan xiꞌin Cristo, ta ndu̱u yo na xa̱á i̱kan Ndioxi. Ndiꞌi kuꞌva ya väꞌa, ya yata ndi̱xiyo ini yo, ta xa ki̱ndoo ndiꞌi ya chí sata.


Ta káꞌan ka ra, káchi ra saa: Kana koo ndo tañu na väꞌa ñaa. Kuxika ndo nuu na. Ta tïndaa ndaꞌa ndo nuu nda iin ñaꞌa ya väꞌa nuu i. Ta saa vaꞌa ndikuiso i ndóꞌo̱.


Ta xiꞌin tuꞌun ya káꞌan ra “sitaan tuku ra”, xiꞌin ya ikán kua kúndaa teꞌe ini yo ya sindiꞌi xaꞌa ndiꞌi ra ñaꞌa ya si̱kuaꞌa ra ñuu ivi yóꞌó, ta ndisaa ya köo ndíꞌi xaꞌa kua ndoo koo.


Sundi tá xa ná ndiko koo Tata yo Jesucristo, ta iin kuu soꞌva va ndiko koo ra, tá kuꞌva íkan ra kuiꞌna kuakiꞌvi veꞌe na, saa koo ná ndiko koo ra, chi nda iin na kündaa ini ndá kivi kua ndiko koo ra, yáꞌa ni ìyo niꞌi, saa ndiꞌi xaꞌa ndivi xiꞌin ñu̱ꞌu̱ koko ndiꞌi ya. Saa tu ñuu ivi yóꞌó xiꞌin ndiꞌi ñaꞌa kúu mií ya, iin kuꞌva saa ndiꞌi xaꞌa yaa ya.


Ta ñuu ivi yóꞌó xiꞌin ndiꞌi ñaꞌa kúu mií ya síkutoo ya yoo, vaxi kivi ta ndiꞌi xaꞌa ndiꞌi ya. Sundi na xáa súvi ya kúni Ndioxi ta nda iin kivi ndïꞌi xaꞌa na, kutaku na xiꞌin ra ndiꞌi saa tiempo.


Saa xi̱ni i nduta ñûꞌu ya ndi̱taxi rá ndiꞌi na ndi̱xiꞌi ini rá, kuaꞌan na nuu Ndioxi. Ñaa xi̱ni ka i ndiꞌi na xa ndi̱xiꞌi ndóo na iin ñaꞌñu nuu náni Hades, ke̱e na kuaꞌan na nuu Ndioxi xaa nani ra kuachi na xiꞌin na. Tá íyo kuachi i̱kan iin iin na, kuꞌva saa íyo ya xa̱a nani Ndioxi xiꞌin na.


Saa ti̱in tatun Ndioxi ndee ya xáꞌni naꞌa ta ti̱in ya inka ya náni Hades ki̱ꞌin ñaꞌa ya ta̱an ya ini yavi nuu ndee ni xíxi ñu̱ꞌu̱. Chi ikán ku nuu xíꞌi na ichí uvi.


Saa xi̱ni i ndu̱u xa̱á ndivi ni̱nù tin ñuu ivi yóꞌó. Ta köo ka ndivi núnu̱ú ndi̱xiyo ni ñuu ivi yóꞌó köo ka ya ndi̱xiyo, ni nduta ñûꞌu köo ka rá ndi̱xiyo.


Ta köo ka nda iin ya väꞌa, ya íyo chiꞌña ñuu i̱í ikán. Saa chi mií Ndioxi ku ra kaꞌnda chiñu xiꞌin Levo loꞌo xiꞌin ndiꞌi na xáa chiñu nuu ra ku na koo ya xaa toꞌo na ra.


Saa chi Levo loꞌo kiti índuꞌu maꞌñu nuu ndíchi tai toꞌo ku ri kundaa na tá kuꞌva ndáa iin ra taa levo sana ra saa kundaa ri na. Ta kundaka ri na kuꞌun na koꞌo na tikuii, chi tikuii ikán taxi rá kutaku na. Ta Ndioxi ndiyakun ra ndiꞌi tikuii nuu na xaꞌa ya xáku ni na, chi sindiꞌi ra ya kúsuchi ni ini na.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ