El Apocalipsis 20:5 - Xochapa Mixteco

⁵ Ta na nditaku ikán ku na núnu̱ú nditaku. Sundi na ndíi, na köo ndi̱kandixa Ndioxi ta täꞌan nditaku na nda ná xinu iin mil kuiya saa ndi̱taku na.

El Apocalipsis 20:5 ပူးပေါင်းရင်းမြစ်များ

San Lucas 14:14

Kuáꞌan kana na ñaa kuxi na xiꞌin un, ta saa koo vaꞌa ini un. Saa chi na ikán ta küchiñu na ndasa nuu na ñaꞌa un, sundi yóꞌo̱, ta niꞌi ka un ya vaꞌa nuu Ndioxi tiempo ná nditaku na ndaa ini, na xa ndi̱xiꞌi ―káchi Jesús xiꞌin ra.

ROMANOS 11:15

Xaꞌa ya ku̱ndasi Ndioxi xi̱ni ra na judío, yakan vaꞌa ku̱yati ndiꞌi ni kúu na ñuu ivi nuu ra. Tá ná ndikuiso mani tuku Ndioxi na judío nuu ra, ta nditaku na. Chi vitin tá íin na xa ndíi saa íin na nuu ra.

Filipenses 3:11

Saa tá ná tindaa kivi ya kuvi i ta ndátun i sitaku Ndioxi yeꞌe xiꞌin naꞌa, na xa ndi̱xiꞌi.

1 Tesalonicenses 4:16

Saa chi kivi tá ná ndiko koo ra kixi ra nuu ndivi, ta yáꞌa ni ndee kaꞌan ra xaꞌa ya kúu mií ra ichí xáꞌnda chiñu ra. Saa ndee ni tu kaꞌan iin mií tatun Ndioxi ya ínuu nuu ndiꞌi na tatun ra, ndee ni tivi ya itun trompeta Ndioxi tá ná ndiko koo Tata yo Jesucristo. Ta xiꞌna naꞌa, na ka̱ndixa ra ku na nditaku.

El Apocalipsis 11:11

Saa ndi̱yaꞌa uni kivi sava ikán, ta si̱taku tuku Ndioxi nda, ndi̱taku nda, ndi̱koo nda xíka nda. Ta ndiꞌi naꞌa, na xi̱ni ya ndo̱ꞌo nda ikán, ndee ni ndi̱ndiꞌvi na.

El Apocalipsis 11:15

Saa ti̱vi tatun Ndioxi, ya uxa itun trompeta ya, ta xi̱ni soꞌo i tachi kuaꞌa ni na káꞌan nuu ndivi, ndee ka vi ndi̱kaꞌan na, káchi na saa: ―Iva yo Ndioxi ku ra xáꞌnda chiñu xiꞌin Tata yo Jesucristo. Ra yóꞌó ku ra ti̱ꞌvi Ndioxi vaxi sikaku na ñuu ivi yóꞌó. Ta ndiꞌi saa tiempo kaꞌnda chiñu ra ―káchi tachi na káꞌan ni na.