Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




El Apocalipsis 20:4 - Xochapa Mixteco

4 Saa xi̱ni i kuaꞌa ni tai toꞌo, ta nuu nu ikán ndóo ndiꞌi na kúu mií ichí ya xaa nani na kuachi. Ta xi̱ni tu i ya vaꞌa na ndee ni tuun xi̱ndikun Jesús, saa ndi̱xiꞌi na ndi̱taꞌnda sukun na chi ndi̱xika na ndi̱kaꞌan ndoso na tuꞌun vaꞌa xaꞌa Jesús yakan ndo̱ꞌo na saa. Ta köo ndi̱kañuꞌu na ikán kiti ìyo ni káa, ni naꞌna ri köo ndi̱kañuꞌu na, ta köo ndi̱taxi na ndikunuu sello ri taan na án ndaꞌa na. Saa ndi̱taku na ta xa̱á na xáꞌnda chiñu na xiꞌin Tata yo Jesucristo iin mil kuiya.

အခန်းကိုကြည့်ပါ။ ကော်ပီ




El Apocalipsis 20:4
40 ပူးပေါင်းရင်းမြစ်များ  

Saa ndi̱kaꞌan Jesús xiꞌin nda, káchi ra: ―Ya ndaa káꞌan i xiꞌin ndo, tá ná tindaa kivi ya nduxaa ñuu ivi yóꞌó, ta yeꞌe, Taa ra xa̱a ñuu ivi yóꞌó, ta koo i nuu tai toꞌo, itun luvi ni, ikán koo i kaꞌnda chiñu i. Ta ndóꞌo̱ ndíkun yeꞌe, uxi uvi saa ndo koo nuu iin iin tai toꞌo xaa nani ndo kuachi xiꞌin uxi uvi saa tiꞌvi na Israel.


Ta kuaꞌa ni naꞌa ndiko koo ini xaꞌa ya kándixa na yeꞌe, ñaa ndixiko taꞌan mií na nuu na chiñu, ta kundasi ni nuu na kuni taꞌan mií na.


Saa tá xi̱ni soꞌo ra Herodes ya káꞌan na, ñaa xa̱á ra káꞌan ra: ―Ra Juan ra xa̱ꞌnda i chiñu xa̱ꞌnda na sukun ndi̱xiꞌi ku ra, ndi̱taku ra ―káchi ra.


Saa ndi̱kun xa̱ꞌnda ra chiñu nuu iin ra lapa ya ná kuꞌun ra ndikiꞌin ra xiní ra Juan kixi ya xiꞌin ra.


Saa ndi̱ndakan tuꞌun nda ra, káchi nda saa: ―¿Tata, ndachu kua káꞌan nda maestro, nda sínaꞌa ley Ndioxi, ya xiꞌna ra Elías ku ra ndiko koo kixi, saa kixi Taa ra sikaku na ñuu ivi? ―káchi nda xiꞌin ra.


Chi suvi ra kunuu kuꞌun nuu ra kee kixi nuu Ndioxi, ta koo Tachi I̱í Ndioxi xiꞌin ra, saa koo ndee Ndioxi xiꞌin ra taꞌan ya ndi̱xiyo xiꞌin ra Elías ra ndi̱kaꞌan ndoso tuꞌun Ndioxi xinaꞌa, taꞌan ya ikán ku ya koo xiꞌin ra. Saa kuu mií ra ichí kaꞌan ra xiꞌin naꞌa ya ndikundoo vaꞌa na xiꞌin iva na tin seꞌe na. Ta saa ndiꞌi na iku ni ta nduvaꞌa na ikan na ya vaꞌa. Ta ra loꞌo seꞌe un ku ra chindee na koo ndúvi na, xáa na kaka na ichí Iva yo xiꞌin ndiꞌi nima na ―káchi tatun Ndioxi xiꞌin ra.


Kuáꞌan kana na ñaa kuxi na xiꞌin un, ta saa koo vaꞌa ini un. Saa chi na ikán ta küchiñu na ndasa nuu na ñaꞌa un, sundi yóꞌo̱, ta niꞌi ka un ya vaꞌa nuu Ndioxi tiempo ná nditaku na ndaa ini, na xa ndi̱xiꞌi ―káchi Jesús xiꞌin ra.


Ta ndóꞌo̱ ku ndo kundoo kuxi xiꞌin i nuu mesa i nuu kaꞌnda chiñu i. Saa kundoo ndo xiꞌin i nuu iin iin tai toꞌo xaa nani ndo kuachi uxi uvi saa tiꞌvi nda kúu tata ra Israel ―káchi Jesús xiꞌin nda.


Tixin soo uvi ndaa kivi ta küni ka na ñuu ivi yóꞌó yeꞌe, sundi ndóꞌo̱ ta kuni ndo yeꞌe, saa chi yeꞌe ta táku i, yakan vaꞌa kutaku ndo xiꞌin i.


Xaꞌa ya ku̱ndasi Ndioxi xi̱ni ra na judío, yakan vaꞌa ku̱yati ndiꞌi ni kúu na ñuu ivi nuu ra. Tá ná ndikuiso mani tuku Ndioxi na judío nuu ra, ta nditaku na. Chi vitin tá íin na xa ndíi saa íin na nuu ra.


Ta xaꞌa ya kúu yo seꞌe Ndioxi, yakan niꞌi yo ñaꞌa ya taxi ra ndaꞌa yo, tá kuꞌva íkan iin taa, ndítaꞌvi ra ñaꞌa ra xiꞌin seꞌe ra. Saa chi̱tuni Iva yo Ndioxi ikan ra xiꞌin ndiꞌi yo kúu seꞌe ra. Ta ndiꞌi ya vaꞌa ta̱xi ra ndaꞌa seꞌe ra Jesucristo, iin káchi saa niꞌi yo ya xiꞌin ra nuu ndivi nu̱nù. Tá tu xáꞌa ndee ini yo ndoꞌo yo xaꞌa ra, ta saa niꞌi tu yoo va ya vaꞌa xiꞌin ra nuu ndivi.


Tá tu ndee ni tindoꞌo ndóꞌo yo ñuu ivi yóꞌó, ta saa kua niꞌi yo kaꞌnda chiñu yo xiꞌin ra nuu xáꞌnda chiñu ra. Tá tu ndíkuaa yo ra, ta saa ndikuaa tu mií va ra yoo.


Ta vitin ndítuꞌun i xiꞌin ndo tuꞌun ya ndaa ya ndíkuíin xaꞌa ndiꞌi ya si̱naꞌa tatun Ndioxi nuu i, ta tuꞌun yóꞌó ku tuꞌun Ndioxi ya ndi̱tuꞌun Tata yo Jesucristo xiꞌin i.


Yeꞌe Juan ñani ndo ku i, saa chi iin káchi kándixa yo Tata yo Jesucristo, ta ndóꞌo̱ xiꞌin yeꞌe ndíkun yo ichí nuu xáꞌnda chiñu Ndioxi. Xaꞌa ya iin ku yo xiꞌin taꞌan yo, ta iin káchi tíxuꞌvi ndiꞌi yo xiꞌin taꞌan yo, saa táxi Ndioxi ndee ra ndaꞌa yo, ya kúndee ini yo xiꞌin ya tíxuꞌvi yo. Xaꞌa ya ndi̱kaꞌan ndoso i tuꞌun Ndioxi ya si̱naꞌa Tata yo Jesucristo yeꞌe, yakan ti̱in na chiñu yeꞌe ndi̱xaꞌan na ndi̱ndaka na yeꞌe iku loꞌo ya Patmos, ya ndíkaa maꞌñu nduta ñûꞌu xaꞌa ya síndoꞌo ni na ini i.


Saa ndi̱yaꞌa uni kivi sava ikán, ta si̱taku tuku Ndioxi nda, ndi̱taku nda, ndi̱koo nda xíka nda. Ta ndiꞌi naꞌa, na xi̱ni ya ndo̱ꞌo nda ikán, ndee ni ndi̱ndiꞌvi na.


Saa ti̱vi tatun Ndioxi, ya uxa itun trompeta ya, ta xi̱ni soꞌo i tachi kuaꞌa ni na káꞌan nuu ndivi, ndee ka vi ndi̱kaꞌan na, káchi na saa: ―Iva yo Ndioxi ku ra xáꞌnda chiñu xiꞌin Tata yo Jesucristo. Ra yóꞌó ku ra ti̱ꞌvi Ndioxi vaxi sikaku na ñuu ivi yóꞌó. Ta ndiꞌi saa tiempo kaꞌnda chiñu ra ―káchi tachi na káꞌan ni na.


Ta tiꞌvi i uvi nda taa, nda ndíkuíin xaꞌa chiñu i ya kaꞌan ndoso nda tuꞌun i tixin mil uvi ciento uni xiko kivi, ta kundixi nda toto ndai ni nuu xaꞌa ya kúni i ya ndiko koo ini naꞌa xaꞌa kuachi na ―káchi Ndioxi.


Tá sindiꞌi uvi saa nda taa ikán ndi̱kaꞌan ndoso nda tuꞌun Ndioxi, saa keta kiti kaꞌnu ni, kiti ìyo ni káa, keta ri ini yavi nǎꞌa, ya chee ni, ya kunu ni. Ndaa ri nuu ñuꞌú, kani taꞌan ni ri xiꞌin uvi saa nda ikán. Saa kuchiñu ri nuu nda, kaꞌni ri uvi saa nda.


Sundi vitin ta xa ku̱chiñu na nuu ri. Saa chi kiti Levo loꞌo ikán ndi̱taxi ri mií ri xaꞌa na ta nií ri ikán ku rá ta̱xi ndee ndaꞌa na. Ta saa tu tuꞌun ya ndaa, ya ndíkuiin na xaꞌa Tata yo Jesucristo, ta̱xi ya ndee ndaꞌa na. Xaꞌa uvi ndee yóꞌó kua ku̱chiñu na ku̱ndee na nuu kiti nǎꞌa. Ta nda loꞌo köo ndi̱ndiꞌvi na kuvi na, ta̱xi ndiꞌi na mií na ya kuvi na xaꞌa ya kándixa na Ndioxi.


Ta ndiꞌi saa kivi koko na ikán, ndaa iꞌma ñu̱ꞌu̱ nuu xíxi ni na kuꞌun ya. Ta ni köo ndíkundee na yáꞌa ni ndóꞌo na án nduvi kua án ñûu kua ta ndóꞌo ni na chi ya yóꞌó ku yaꞌvi na ya xáa kaꞌnu na kiti ìyo ni káa ikán, saa xáa toꞌo tu na naꞌna va ri, saa ndóꞌo ndiꞌi na ndíkunuu sello ri ndaꞌa án taan na ―káchi tatun ya uni, xi̱ni soꞌo i.


Saa xi̱ni i inka ñaꞌa tá káa yuyu yéꞌe̱ ni saa káa nduta ñûꞌu xi̱ni i, ta sáka ñu̱ꞌu̱ xiꞌin rá. Ta yuꞌu nduta ñûꞌu ikán ndíta kuaꞌa ni naꞌa na xa ku̱chiñu nuu kiti ìyo ni káa ikán, ta ni köo ndi̱xaa kaꞌnu na naꞌna ri ya ndíchi, saa ni köo ndi̱taxi na ndikunuu sello ri taan na án ndaꞌa na ya kúu mií número ya ndítuꞌun xaꞌa unkua náni ri. Saa ndíta na nuu nduta ñûꞌu yéꞌe̱ ni tá káa yuyu ya yeꞌe ni ikán, ñaa ta̱xi Ndioxi itun arpa ndaꞌa iin iin na.


Kiti ìyo ni káa xi̱ni un vitin, ta ri táku ku ri, ta vitin köo ka ri. Ta vaxi kivi keta ri tixin yavi nuu kúnu ni ndíkaa ri, ta sindiꞌi ikán kuꞌun ri nuu ndiꞌi xaꞌa ri. Ta ndi̱kanda ni ini na köo íyo kivi nda tá xa̱á ndi̱kuaꞌa ñuu ivi yóꞌó, xi̱ni na kiti ìyo ni káa ikán, xi̱taku ri ta köo ka ri, saa ndiko koo tuku ri ñuu ivi yóꞌó ―káchi tatun ikán xiꞌin i.


Ndiꞌi naꞌa, na kúndee nuu ya väꞌa, xaꞌa ya ndíkun na yeꞌe, ta xáa súvi na ya kúni i ndiꞌi saa kivi. Na ñaa ku na taxi i ichí ndaꞌa ya kaꞌnda chiñu na nuu ndiꞌi naꞌa, na ndóo ndiꞌi ni kúu xaꞌa ñuu ivi yóꞌó.


Vaꞌa ni kée na nditaku núnu̱ú ikan Ndioxi, nduu i̱í na nuu ra. Ta küvi ka na ichí uvi, chi ya xáꞌni ndìì ta köo ka ndee ya kaꞌni uvi tuku ya na. Kutaku na xiꞌin Ndioxi ndiꞌi saa kivi ya vaxi, nduu na sutu nuu ra ya xaa chiñu na nuu ra xiꞌin nuu Tata yo Jesucristo, saa koo na kaꞌnda chiñu na xiꞌin ra iin mil kuiya.


Ta nda iin ichí ndüu ñǔu ka ñuu i̱í ikán, ni küniñuꞌu ka na ñu̱ꞌu̱ ya sindiyeꞌe ya nuu na, ni ñu̱ꞌù sïndiyeꞌe ka ya nuu na, saa chi mií Ndioxi ku ra sindiyeꞌe nuu na, saa kaꞌnda chiñu na xiꞌin ra ndiꞌi saa ichí.


Ndiꞌi naꞌa, na kúchiñu nuu ya väꞌa, xaꞌa ya köo síndoo na ichí i, ta yeꞌe taxi i koo na xiꞌin i nuu ndivi ya kaꞌnda chiñu na xiꞌin i. Saa chi yeꞌe ta xa ku̱chiñu i nuu ya väꞌa, yakan ta̱xi Iva i Ndioxi ichí ndaꞌa i ndi̱kunduꞌu i xiꞌin ra ñaꞌñu kuáꞌá ra, íyo i xáꞌnda chiñu i xiꞌin ra.


Ta nuu ndíchi tai toꞌo chee ikán ndíta ka oko kumi tai toꞌo, ndi̱kava nduu ndiꞌi nu sata itun tai toꞌo chee ikán, ta ndóo oko kumi na xikuaꞌa nuu nu, yaa ka vi toto ndíxi iin iin na xikuaꞌa ikán, saa ínuu iin corona ya oro xiní iin iin na.


Saa tá xa̱ꞌnda tuku Levo loꞌo ikán inka sello ya uꞌun. Ta xi̱ni i ndíchi nama i̱í nuu ndivi nuu ndóso ñaꞌa ya sóko na nuu Ndioxi, ta tixin nama i̱í ikán xi̱ni i ndóo ya vaꞌa naꞌa, na ndi̱xiꞌi xaꞌa ya ndi̱kaꞌan ndoso na tuꞌun Ndioxi, ta köo ndi̱sindikoo na ichí ra, ndee ni tuun xi̱ndikun na ya.


ndikaꞌan ya káchi ya saa: ―¡Kundatun naꞌa ndo! Sïtivi yachi ndo ñuu ivi yóꞌó, ni nduta ñûꞌu, ni itun sïtivi yachi ndo. Nda ná sindiꞌi xaꞌa yo chinuu yo sello taan iin iin naꞌa, na xáa chiñu nuu Ndioxi, nda saa sitivi ndo ya ―káchi tatun ikán xiꞌin kumi saa na tatun ikán.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ