El Apocalipsis 20:3 - Xochapa Mixteco

³ Tá ndi̱ꞌi ka̱tun ñaꞌa ya kiti nǎꞌa ikán saa ki̱ꞌin ñaꞌa ya si̱kana táku ya ini yavi kunu ni ikán, saa ndi̱kasi tuun vaꞌa ya yuꞌu yavi ikán ta ki̱ꞌin ya sello chi̱nuu ya yuꞌu mií yavi ikán. Ya ná küchiñu ri keta ri sindaꞌvi ri na ñuu ivi, nda ná xinu mil kuiya ndikaa ri saa keta ndíka ri kaka ri uvi ndaa kivi.

El Apocalipsis 20:3 ပူးပေါင်းရင်းမြစ်များ

San Mateo 24:24

Chi kana koo kuaꞌa ni na vata kachi na saa: “Yeꞌe ku ra ku Cristo ra ti̱ꞌvi Ndioxi”, án “Yeꞌe ku profeta ra káꞌan ndoso tuꞌun yuꞌu Ndioxi”, kachi na, ta süvi na ndaa ku na. Ikan na yatuꞌun nuu sindaꞌvi na naꞌa, saa ndikanda ni ini na xiꞌin ya vata ikan na nuu naꞌa, ta nda na ndi̱kaxin Ndioxi kuni na sindaꞌvi na.

San Mateo 27:66

Saa ka̱na koo nda kuaꞌan nda ndikasi kutu vaꞌa nda yeꞌe kava ikán, ka̱ni nda sello sata yu̱ú ya ndási yuꞌu ya, ñaa ndi̱ndoo nda lapa ndáa nda ya.

San Marcos 4:15

Sava naꞌa tá íin ñuꞌú nuu ndi̱koyo ndikin trigo yuꞌu ichí saa íin na, saa chi xíni soꞌo ni na tuꞌun yóꞌó, tá vaxi kiti nǎꞌa táva ri tuꞌun nima na, ta ndíndoso ini na xaꞌa tuꞌun ya xi̱ni soꞌo na.

San Lucas 8:31

Ta saa xáku ndaꞌvi ya nuu Jesús, káchi ya saa: ―Täva un ndeꞌe kuꞌun nde yavi kaꞌnu ya köo íyo kaꞌa nuu tixuꞌvi ni nde ―káchi ya xiꞌin ra.

2 Corintios 11:3

Chi yeꞌe, ta ndíꞌi ni va ini i xiꞌin ndo, ìyo ni ndoꞌo ndo tá kuꞌva ndo̱ꞌo yá Eva, xiꞌin ya vata si̱ndaꞌvi kiti ko̱ó yá. Xaꞌa ya ñaa kua ndíꞌi ni ini i xíni i ndóꞌo̱. Koto ka saka naꞌa, na vata xi̱ní ndo, ta sindoo ndo ya ndee ni vaꞌa ndinuꞌu ini ndo ndíkun ndo ichí vaꞌa xaꞌa Jesucristo.

2 Pedro 3:8

Ñani mani, ndïndoso ini ndo ya káꞌan i xiꞌin ndo: Chi nuu Iva yo Ndioxi ta iin kivi ra tá íyo mil kuiya saa íyo ya, án iin mil kuiya ta tá íyo iin kivi va, saa íyo ya nuu ra.

El Apocalipsis 12:9

Ta tatun ya íyo xiꞌin Ndioxi ta̱va ya kiti koó nǎꞌa xiꞌin ndiꞌi tachi nduvaꞌa ya íyo xiꞌin ri. Ta̱va ya ri ki̱ꞌin ñaꞌa ya si̱koyo ya nda nuu ñuꞌú. Ta kiti ko̱ó nǎꞌa ikán ku ko̱ó yata ni, ta inka kivi ri kua Satanás án kiti Timiaꞌan. Ta suvi mií ri ku ri síndaꞌvi ndiꞌi ni kúu na ñuu ivi.

El Apocalipsis 13:14

Saa si̱ndaꞌvi ri uvi ikán ndiꞌi na ndóo ñuu ivi yóꞌó xiꞌin yatuꞌun íkan ri. Ta xiꞌin yuꞌu mií kiti núnu̱ú ikán kua íkan kiti uvi ikán yatuꞌun nuu naꞌa. Saa xa̱ꞌnda chiñu kiti uvi ikán chiñu nuu naꞌa ya sikuaꞌa na naꞌna kiti núnu̱ú, ri ìyo ni ndi̱taꞌnda xiní xiꞌin i̱chi ta ndi̱taku tuku ri.

El Apocalipsis 17:2

Nda rey nda xáꞌnda chiñu nuu kuaꞌa ni ñuu naꞌnu ñuu ivi yóꞌó, ta tá íin nda ndi̱kixi xiꞌin ñaꞌa saa íin nda, ta nda tá káa nduta vino nduta síxini naꞌa, saa káa ya väꞌa íkan nda xaꞌa ya kuakiꞌvi nda xiꞌin ná síꞌi íkan na kuachi ivi yóꞌó.

El Apocalipsis 17:8

Kiti ìyo ni káa xi̱ni un vitin, ta ri táku ku ri, ta vitin köo ka ri. Ta vaxi kivi keta ri tixin yavi nuu kúnu ni ndíkaa ri, ta sindiꞌi ikán kuꞌun ri nuu ndiꞌi xaꞌa ri. Ta ndi̱kanda ni ini na köo íyo kivi nda tá xa̱á ndi̱kuaꞌa ñuu ivi yóꞌó, xi̱ni na kiti ìyo ni káa ikán, xi̱taku ri ta köo ka ri, saa ndiko koo tuku ri ñuu ivi yóꞌó ―káchi tatun ikán xiꞌin i.

El Apocalipsis 20:1

Saa xi̱ni i iin tatun vaxi nuu ya nu̱ú ndivi. Ta níꞌi ya llave kuna ya yavi kunu ni, saa níꞌi ya iin cadena chee ni.