El Apocalipsis 2:29 - Xochapa Mixteco

²⁹ Ndiꞌi ndóꞌo̱ na veꞌe ñuꞌu, ndóꞌo̱ xíni soꞌo ya káꞌan i, ta kuni soꞌo ni ndo ya káꞌan Tachi I̱í Ndioxi xiꞌin ndo ―káchi Tata yo Jesucristo.

El Apocalipsis 2:29 ပူးပေါင်းရင်းမြစ်များ

San Marcos 7:16

Saa ndi̱kaꞌan ra xiꞌin na: ―Ndiꞌi ndóꞌo̱ xíni soꞌo ya káꞌan i, ta kuni soꞌo ni ndo ta saa ndikiꞌin xiní ndo xiꞌin ya ―káchi ra.

Los Hechos 9:31

Sindiꞌi ikán ta köo ka na ndi̱xaa nduvaꞌa xiꞌin na ndíkun ichí Jesús, na ndóo Judea tin na ndóo Galilea xiꞌin na ndóo Samaria. Vaꞌa ni xi̱ndoo na. Káñuꞌu ni na Ndioxi. Ta mií Tachi I̱í Ndioxi chíndee na, ñaa ndúndee ka na kándixa na Jesús. Ta saa ndúkuaꞌa tu na ndíkundikun ichí va ra.

El Apocalipsis 2:7

Ndiꞌi ndóꞌo̱ kándixa yeꞌe, ta kuni soꞌo ni ndo tuꞌun ya káꞌan Tachi I̱í Ndioxi xiꞌin ndo. Ndiꞌi ndóꞌo̱ na kúchiñu nuu ndee ya väꞌa, ndóꞌo̱ köo síndikoo ichí i, ta ndaꞌa ndóꞌo̱ kua taxi i kuiꞌi kaxi ndo, kiti kúun ndaꞌa itun ndíchi maꞌñu corra Ndioxi nuu luvi ni káa. Ta kuiꞌi ikán ku ri táxi ichí ndaꞌa ndo ya koo ndo ndiꞌi saa kivi ya vaxi xiꞌin Ndioxi ―káchi Jesucristo xiꞌin i.