El Apocalipsis 19:8 - Xochapa Mixteco

⁸ Ta ñaꞌa yá tíndaꞌa ikán ta xa kúu mií yá ichí kundixi yá toto yaa ni, ya kúu ya lino, ya yéꞌe̱ táxan ni, chi ya lino yaa ni ikán ku ya vaꞌa ni, ya i̱í íkan na ndíkun Tata yo Jesucristo káchi tuꞌun ya xi̱ni soꞌo i.

El Apocalipsis 19:8 ပူးပေါင်းရင်းမြစ်များ

San Mateo 17:2

Ta ikán xi̱ni nda ndee ni ndi̱yeꞌe taxan nuu ra ndi̱nama ndiꞌi ra, nda tá kuꞌva yéꞌe̱ ñu̱ꞌù tá kaꞌñu sava, saa ndi̱yeꞌe nuu ra. Saa tu toto ra, ndee ni ndu̱yaa sami ya tá kuꞌva yéꞌe̱ ñu̱ꞌù, saa nduu ya.

San Mateo 22:12

Saa ndi̱kaꞌan ra xiꞌin ra, káchi ra saa: “Tata, ¿unkua i̱kan un ndi̱kiꞌvi un yóꞌó, ta köo ndíxi un tá kuꞌva ndíxi na kuaꞌan nuu viko tíndaꞌa?” káchi ra xiꞌin ra. Ta ni köo ndíkuiin ra ikán.

San Marcos 9:3

Toto ra ta ndakua yaa taxan ndu̱u ya, iin yaa sami ya, nda iin toto ni kuaꞌa ni ichí ná ndikata na ya, ta köo na kúchiñu ndasa yaa ni ya, tá kuꞌva yaa toto ra.

San Lucas 24:4

Saa ndi̱ndiꞌvi ni ná iin ndi̱kanda ini ná ndíta ná, ni köo xíni ka ná unkua ikan ná. Ñaa iin ku̱u soꞌva ta xi̱ni ná ndíta uvi nda taa nuu ná. Yaa ka vi toto ndíxi nda, ndakua yeꞌe taxan ya.

Los Hechos 1:10

Xíto ka nda nuu ndivi ndíta nda, ta nda̱a Jesús kuaꞌan ra nuu ndivi. Ñaa iin ku̱u soꞌva ndi̱tuvi uvi nda taa ndíta nda yati nuu nda, yaa ka vi toto ndíxi nda ndi̱tuvi ikán.

ROMANOS 13:14

Vaꞌa ni ka kua ná ndikundixi ni yo ndee Tata yo Jesucristo. Ta ná ndïkani kíꞌvi ini yo tá kuꞌva ndíkani ini na ñuu ivi yóꞌó, chi na ikán ta ndisaa xaꞌa chiñu kíꞌvi ya kútoo ni mií ikin kuñu na kua íkan na.

ROMANOS 3:22

Ta ya yóꞌó kua sínaꞌa Ndioxi nuu yo vitin: xaꞌa ya kándixa yo Jesucristo kua, ndúu yo naꞌa, na vaꞌa na köo ka kuachi kúu mií nuu ra, án yo judío ku yo, án süvi yo judío ku yo.

El Apocalipsis 15:4

Ndiꞌi ni kúu naꞌa xíniñuꞌu na xaa toꞌo na yóꞌo̱ Tata Iva yo Ndioxi, Saa xíniñuꞌu na xaa kaꞌnu na yóꞌo̱, saa chi iin yóꞌo̱ ku ra i̱í ni. Ndiꞌi naꞌa na ki̱xi ndiꞌi ni kúu ñuu xa̱a na nuu un, ta xáa kaꞌnu na yóꞌo̱, chi ku̱ndaa ini na ya iin yóꞌo̱ ku ra ndaa ni, saa xáa nani un kuachi na xiꞌin nina ya ndaa Soꞌva káchi na xíta na nuu ndivi xi̱ni soꞌo i.

El Apocalipsis 15:6

Ta ini veꞌe ñuꞌu i̱í ni ikán ka̱na koo uxa tatun Ndioxi. Saa kúu mií ya ichí ya taxi ya uxa nuu ya uꞌvi ni tixuꞌvi naꞌa kivi vaxi. Ta tatun Ndioxi ikán ndíxi ya toto ya lino yaa ni ta yéꞌe̱ taxan mií toto ya. Saa núꞌni kandika iin iin ya xiꞌin ñii ya oro ndinuꞌu ni.

El Apocalipsis 19:14

Ta nda lapa kuaꞌan xiꞌin ra, nda ke̱e nuu ndivi, yóso iin iin nda kuai yaa kuaꞌan nda, saa ndíxi nda toto vaꞌa ni ya lino ta ndakua yaa sami ya, nda ni loꞌo paꞌa köo yakua ya.

El Apocalipsis 3:18

Yakan yeꞌe, ta káꞌan i xiꞌin ndo, vaꞌa sata ndo oro ya ndinuꞌu nuu i, oro ya xáꞌmi na xiꞌin ñu̱ꞌu̱ xíxi, ya ndúu ya oro nina. Taꞌan ya ikán kua íyo nuu i. Sata ndo ya nuu i, saa nduu ndo naꞌa, na ndixa ni kuika. Tá tu köo kúni ndo kukaꞌan ni nuu ndo xaꞌa ya chála ndo, ta sata ndo toto yaa ni nuu i kundixi ndo. Saa sata tu ndo tatan nuu i, kee nduchi nuu ndo ya ná ndikoto vaꞌa ndo.