El Apocalipsis 19:7 - Xochapa Mixteco

⁷ ¡Ná kusini ni yo, ta saa ná koo vaꞌa ni ini yo! ¡Ná chinuu sukun ni yo ya toꞌo Ndioxi! Saa chi xa ti̱ndaa kivi ya tíndaꞌa ra kúu Levo loꞌo. Xa íyo tuꞌva ñaꞌa yá tindaꞌa xiꞌin ra, saa xa íyo ndúvi yá koo yá xiꞌin ra.

El Apocalipsis 19:7 ပူးပေါင်းရင်းမြစ်များ

San Mateo 1:20

Saa ndíkani ini ra ndá kuꞌva sindoo sěꞌe ra yá, ta ndi̱tuvi iin tatun Ndioxi nuu ra tixin xani ndi̱kaꞌan ya xiꞌin ra, káchi ya saa: ―José, seꞌe sikua ra David, ku ïꞌvi un ndikiꞌin un yá María koo yá xiꞌin un, saa chi ya loꞌo ndíkaa tixin yá ta Tachi I̱í Ndioxi i̱kan saa xiꞌin yá ndi̱kee seꞌe yá.

San Mateo 22:2

―Tá kuꞌva xáa chiñu Ndioxi saa íkan iin ra rey ra íkan viko nuu sítindaꞌa ra seꞌe ra.

San Lucas 12:36

Tá kuꞌva íyo nda moso, saa koo ndo kundoo ndo kundatun ndo yeꞌe. Chi iin moso ta íyo tuꞌva ra ndátun ra kana ñaꞌa xitoꞌo ra ya kuna ra yeꞌe nuu xitoꞌo ra ndiko koo ra kuaꞌan ra nuu viko tíndaꞌa.

San Juan 3:29

Ta vitin ná kundaa ini ndo chi tá kúu nuu íyo viko tíndaꞌa, ta ra íin xiꞌin ñaꞌa yá tíndaꞌa ikán kuu ií yá, sundi ra íyo yati xiín ií yá, tá xíni soꞌo ra ya káꞌan ra ta kúsini ni ra tá xíni soꞌo ra tachi ra. Ta saa ndóꞌo yeꞌe, kúsini ni i chi xa xa̱a ra vitin.

2 Corintios 11:2

Chi yeꞌe, ta ndee ni ndíꞌi ini i xaꞌa ndo, tá kuꞌva ndíꞌi ini Ndioxi xíni ra ndóꞌo̱, saa ndíꞌi ni ini i xíni i ndóꞌo̱. Chi ki̱ndoo i taxi i ndóꞌo̱ ndaꞌa ra, tá kuꞌva íkan taa, táxi ra seꞌe síꞌi ra tíndaꞌa yá xiꞌin iin taa. Ta kuꞌva saa íyo yeꞌe nditaxi i ndóꞌo̱ ndaꞌa Jesucristo tindaꞌa ndo xiꞌin ra. Tá kuꞌva íin ná kuâán taki vali ná täꞌan tindaa nda iin taa, kuꞌva saa kúni i koo ndo nditaxi i ndóꞌo̱ ndaꞌa Jesucristo.

Efesios 5:23

Saa chi taa, ií ná síꞌi ku nda ku xi̱ní xiꞌin ná, tá kuꞌva íyo Cristo xiꞌin na veꞌe ñuꞌu. Mií ra ku xi̱ní xiꞌin na ta ndáa chiñu ra xiꞌin na, ta sikaku ra na, chi ikin kuñu mií ra ku na.

Efesios 5:32

Ta ya káꞌan tuꞌun Ndioxi ya nduu na tíndaꞌa iin kuñu xiꞌin taꞌan na, ta ndee ni ndíchi kundaa ini yo xiꞌin ya yóꞌó, ta yeꞌe káchi saa, ya yóꞌó ta xaꞌa Cristo kua káꞌan ya xiꞌin yoo na kúu veꞌe ñuꞌu.

Filipenses 3:3

Ta na ndixa kúu mií tuni Ndioxi ku yoo na káñuꞌu ni Ndioxi xiꞌin ndiꞌi nima yo, chi kúu mií yo Tachi Ndioxi. Ta kúsini ni yo xiꞌin ya i̱kan Tata yo Jesucristo xaꞌa yo. Ta köo kándixa yo ya sikaku ra yoo xaꞌa kuꞌva íin yo án xaꞌa ndá ka ñaꞌa ya íkan yo.

El Apocalipsis 11:13

Tá nda̱a soꞌva nda kuaꞌan nda, ta xa̱á ndixa ni ndee táan. Ñaa ndi̱ꞌi xaꞌa ñuu ikán, uxi taꞌvi kua ndi̱ꞌi xaꞌa. Saa ndi̱xiꞌi uxa mil na ñuu kaꞌnu ikán, ta na ndi̱kaku ikán ta ndi̱ndiꞌvi ni na, ñaa xa̱á na xáa kaꞌnu na Ndioxi, ra íyo nuu ndivi.

El Apocalipsis 19:9

Saa ndi̱kaꞌan iin tatun xiꞌin i, káchi ya saa: ―Vaꞌa taa un tuꞌun yóꞌó, kachi un saa: “Vaꞌa ni kée naꞌa, na ka̱na Ndioxi kuꞌun na kuxini na nuu íyo viko tíndaꞌa ra kúu Levo loꞌo kachi un”, ―káchi ya xiꞌin i. Saa ndi̱kaꞌan ka ya xiꞌin i, káchi ya saa: ―Ndiꞌi tuꞌun ya ndi̱kaꞌan i xiꞌin un ku tuꞌun ya ndaa ni, ya ke̱e nuu Ndioxi ―káchi ya xiꞌin i.

El Apocalipsis 21:2

Yeꞌe Juan, xi̱ni i ñuu i̱í, ñuu Jerusalén ya xa̱á, xi̱ni i ya vaxi nuu ya nuu ndivi nuu íyo Ndioxi. Luvi ni ya, tá kuꞌva luvi ni toto ndíxi ñaꞌa ya tindaꞌa yá xiꞌin i̱í yá, saa káa ñuu ya xi̱ni i.

El Apocalipsis 21:9

Saa ki̱xi iin taꞌan tatun Ndioxi nuu i, taꞌan ya uxa ya xi̱niꞌi uxa copa nuu xi̱ñuꞌu uxa nuu tindoꞌo ya si̱ndiꞌi, ya ndee ni tixuꞌvi naꞌa. Saa ndi̱kaꞌan ya xiꞌin i káchi ya saa: ―Vaꞌa kuyati un nuu i, saa sinaꞌa i yá ñaꞌa yá tindaꞌa, yá koo xiꞌin ra Levo loꞌo ―káchi tatun ikán xiꞌin i.