El Apocalipsis 18:9 - Xochapa Mixteco

⁹ Ta kuaku ni mií nda rey ikán tá ná kuni nda ndee ni kána iꞌma xíxi ni ya. Chi i̱kan ni nda taꞌan ya väꞌa i̱kan na, saa ku̱sini ni nda xiꞌin ya savi ni ndi̱xiyo mi ñuu ikán.

El Apocalipsis 18:9 ပူးပေါင်းရင်းမြစ်များ

1 Timoteo 5:11

Ta ná kuâán ndi̱xiꞌi ndaa, ná vali kúni ta töso un kivi ná nuu lista un ya chindee taꞌan na ñani yo, na veꞌe ñuꞌu xiꞌin ná. Saa chi vaxi kivi ta kutoo tuku ná tindaꞌa ná xiꞌin taa, ta küchiñu ka ná xaa súvi ná chiñu ya ki̱ndoo ná ikan ná xaꞌa ichí Tata yo Jesucristo.

El Apocalipsis 14:11

Ta ndiꞌi saa kivi koko na ikán, ndaa iꞌma ñu̱ꞌu̱ nuu xíxi ni na kuꞌun ya. Ta ni köo ndíkundee na yáꞌa ni ndóꞌo na án nduvi kua án ñûu kua ta ndóꞌo ni na chi ya yóꞌó ku yaꞌvi na ya xáa kaꞌnu na kiti ìyo ni káa ikán, saa xáa toꞌo tu na naꞌna va ri, saa ndóꞌo ndiꞌi na ndíkunuu sello ri ndaꞌa án taan na ―káchi tatun ya uni, xi̱ni soꞌo i.

El Apocalipsis 17:2

Nda rey nda xáꞌnda chiñu nuu kuaꞌa ni ñuu naꞌnu ñuu ivi yóꞌó, ta tá íin nda ndi̱kixi xiꞌin ñaꞌa saa íin nda, ta nda tá káa nduta vino nduta síxini naꞌa, saa káa ya väꞌa íkan nda xaꞌa ya kuakiꞌvi nda xiꞌin ná síꞌi íkan na kuachi ivi yóꞌó.

El Apocalipsis 18:18

Kivi tá ná kuni na kuandaa iꞌma kuaꞌan ya, xaꞌa ya xíxi ñuu ikán, saa ndee ni ndee kaꞌan na kachi na saa: ―Ni köo ñuu ndi̱xiyo tá kuꞌva ndi̱xiyo ñuu chee ni ya Babilonia káa ―kachi na.

El Apocalipsis 18:20

Saa xi̱ni soꞌo i tuꞌun ya ndi̱kaꞌan iin na, káchi ya saa: Ndóꞌo̱ ndóo nuu ndivi nuu íyo Ndioxi, ¡ta kusini ni ndo! Saa kusini ni ndóꞌo̱ ndi̱kaxin Ndioxi xáa chiñu nuu ra. Saa ndóꞌo̱ káꞌan tuꞌun yuꞌu Ndioxi, ndo ndi̱kaꞌan ndoso tuꞌun ra, xiꞌin ndiꞌi ndóꞌo̱ na i̱í xaꞌa ya ndíkun ndo Ndioxi. ¡Vaꞌa kusini ni ndiꞌi ndo! Chi xa̱a súvi Ndioxi ya ndaa xaꞌa ndo.

El Apocalipsis 18:3

Ta ndiꞌi na inka ñuu, si̱kuaꞌa na ya kini ni tá kuꞌva íkan na ñuu Babilonia. Tá íin naꞌa na xíꞌi ni vinu ta síxini rá na, saa íin na ñuu ikán. Chi nduta vino rá xíꞌi ni na ku ya káꞌan xaꞌa ndiꞌi nuu ya väꞌa, ya kini ni íkan na ta kúsini ni na xiꞌin ya íkan na. Chi na ñuu Babilonia ta táa sii na inka naꞌa ya ikan na ya väꞌa íkan na. Saa ndiꞌi nda rey ñuu ivi, iin ndi̱kitaꞌan yuꞌu nda xiꞌin na íkan taꞌan ya väꞌa íkan na ñuu ivi. Saa na xíko ñaꞌa nuu na ñuu Babilonia ndu̱kuika ni na xaꞌa ya ndee ni kuaꞌa ya savi kúu mií na ñuu Babilonia, káchi tatun ikán xiꞌin i.

El Apocalipsis 18:7

Ta na väꞌa ikan ta ndi̱xiyo tái ni ini na, saa kuika ni ndi̱xiyo na, ta ku̱u mií na ndiꞌi ñaꞌa ya káchi ini mií na. Ta vaꞌa ná taxi Ndioxi ndoꞌo ni na vitin. Saa chi na väꞌa ikán, ta kútai ni ini na, chínuu vaꞌa ni na tuꞌun na, yakan ndíkani ini na káchi na saa: “Naꞌnu ni mií nde chi ndeꞌe ku nde xáꞌnda chiñu nuu ndiꞌi naꞌa. Ta köo íyo nde tá káa iin ñaꞌa yá ndaꞌvi, yá ndi̱xiꞌi ndaa, chi nda iin kivi ndöꞌo nde, ni nda loꞌo küsuchi ini nde”, káchi na ndíkani ini na.

El Apocalipsis 19:3

Saa xi̱ni soꞌo tuku i tuꞌun ya ndi̱kaꞌan na kuaꞌa ni ndóo nuu ndivi, káchi na saa: ¡Ná xaa kaꞌnu ni yo Ndioxi! Saa chi iꞌma ya kána koo nuu xíxi ñuu chee ni ikán, ta ndïꞌi xaꞌa ya, ndiꞌi saa kivi ndaa ya nuu ndivi, nda iin kivi ndäꞌva ya ―káchi kuaꞌa ni tachi na ya xi̱ni soꞌo i.

El Apocalipsis 2:22

Xaꞌa ya ikán kua taxi i iin kueꞌe ndee ni ndaꞌa yá. Ta xaꞌa ya ndee ni kueꞌe ikán ta nda nuu xito ndikunduꞌu yá xiꞌin ya. Saa tu ndiꞌi naꞌa, na íkan tá íkan yá ñaa, ndee ni sitixuꞌvi i na, tá tu köo ndíko koo ini na xaꞌa ya väꞌa íkan na.