El Apocalipsis 18:6 - Xochapa Mixteco

⁶ Vaꞌa ná ndoꞌo ni na ñuu yóꞌó ikan Ndioxi, saa chi saa si̱tixuꞌvi ni mií na kuaꞌa ni naꞌa. Tá kuꞌva i̱kan na ya väꞌa xiꞌin inka naꞌa saa ná kundoꞌo ni na, nda uvi ichí taxi un ya ndee ni ná kundoꞌo na saa xaꞌa ya si̱ndoꞌo ni na naꞌa. Xa kuaꞌa ni naꞌa ndóꞌo xaꞌa ya väꞌa i̱kan na yóꞌó.

El Apocalipsis 18:6 ပူးပေါင်းရင်းမြစ်များ

2 Timoteo 4:14

Ta ra Alejandro, ra xáa chiñu xiꞌin kàà, ta yáꞌa ni kini i̱kan ra xiꞌin i. Ta mií Iva yo ná chaꞌvi ra xaꞌa ya i̱kan ra saa xiꞌin i.

El Apocalipsis 13:10

Tá íyo naꞌa chi̱tuni Ndioxi ya kundasi na veꞌe kàà, ta xíniñuꞌu na kundasi na veꞌe kàà. Tá íyo naꞌa, na xáꞌni ndìì xiꞌin i̱chi xiín, ta suvi kuꞌva saa xíniñuꞌu na kuvi na xiꞌin i̱chi̱. Tuꞌun yóꞌó kúni kachi ya ndiꞌi naꞌa, na ndíkun Ndioxi, ta xíniñuꞌu na sikuaꞌa na kundee ini na xiꞌin tindoꞌo ya uꞌvi ni tixuꞌvi na, ta ná sïndikoo na ya kándixa na Ndioxi.

El Apocalipsis 14:10

ta yáꞌa ni uꞌvi tixuꞌvi na ikán, chi Ndioxi ta yáꞌa ni kini sáa ini ra xíni ra na íkan ya väꞌa, xaꞌa ya ikán kua sitixuꞌvi ni ra na. Ta ndee ni uꞌvi tixuꞌvi na xiꞌin ñu̱ꞌu̱ xíxi, inka ñu̱ꞌu̱ káꞌndi ya náni azufre. Ta kuni tatun, ya i̱í, xiꞌin kiti Levo loꞌo ikán ya ndee ni tixuꞌvi na ikán.

El Apocalipsis 16:19

Ta ñuu Babilonia ya chi̱nuu naꞌa kivi náni ya “Ñuu Kaꞌnu” ndi̱taꞌvi ya uni taꞌvi, saa ndi̱nduva nuu ñuꞌú xaꞌa ya ndee ni ndi̱taan. Ta ndiꞌi ñuu naꞌnu ya íyo ñuu ivi ndi̱ꞌi xaꞌa ndiꞌi ya. Ta köo ndi̱ndoso ini Ndioxi ya íyo kuaꞌa ni ya väꞌa íkan na ñuu kaꞌnu Babilonia ikán, ta sáa ni ini ra xíni ra ya väꞌa íkan na. Ta saa ta̱xi Ndioxi ya ndee ni ndoꞌo na xaꞌa ya väꞌa íkan na.

El Apocalipsis 17:2

Nda rey nda xáꞌnda chiñu nuu kuaꞌa ni ñuu naꞌnu ñuu ivi yóꞌó, ta tá íin nda ndi̱kixi xiꞌin ñaꞌa saa íin nda, ta nda tá káa nduta vino nduta síxini naꞌa, saa káa ya väꞌa íkan nda xaꞌa ya kuakiꞌvi nda xiꞌin ná síꞌi íkan na kuachi ivi yóꞌó.

El Apocalipsis 17:4

Ta ndíxi yá ñaꞌa ikán tikoto ndíꞌi tuun xiꞌin ya kuáꞌa. Ta kuaꞌa ni oro tin kuaꞌa ni yu̱ú yéꞌe̱ ya yaꞌvi ni ndóso ndaa ya sata toto ndíxi yá. Saa níꞌi yá iin copa ya oro ndaꞌa kuáꞌá yá, chútu copa ikán xiꞌin ndiꞌi nuu ñaꞌa ya väꞌa tin ya ndi̱kiꞌvi yá xiꞌin kuaꞌa ni taa, ndiꞌi ya ikán ñúꞌu ini copa ikán.

El Apocalipsis 18:20

Saa xi̱ni soꞌo i tuꞌun ya ndi̱kaꞌan iin na, káchi ya saa: Ndóꞌo̱ ndóo nuu ndivi nuu íyo Ndioxi, ¡ta kusini ni ndo! Saa kusini ni ndóꞌo̱ ndi̱kaxin Ndioxi xáa chiñu nuu ra. Saa ndóꞌo̱ káꞌan tuꞌun yuꞌu Ndioxi, ndo ndi̱kaꞌan ndoso tuꞌun ra, xiꞌin ndiꞌi ndóꞌo̱ na i̱í xaꞌa ya ndíkun ndo Ndioxi. ¡Vaꞌa kusini ni ndiꞌi ndo! Chi xa̱a súvi Ndioxi ya ndaa xaꞌa ndo.