El Apocalipsis 18:3 - Xochapa Mixteco

³ Ta ndiꞌi na inka ñuu, si̱kuaꞌa na ya kini ni tá kuꞌva íkan na ñuu Babilonia. Tá íin naꞌa na xíꞌi ni vinu ta síxini rá na, saa íin na ñuu ikán. Chi nduta vino rá xíꞌi ni na ku ya káꞌan xaꞌa ndiꞌi nuu ya väꞌa, ya kini ni íkan na ta kúsini ni na xiꞌin ya íkan na. Chi na ñuu Babilonia ta táa sii na inka naꞌa ya ikan na ya väꞌa íkan na. Saa ndiꞌi nda rey ñuu ivi, iin ndi̱kitaꞌan yuꞌu nda xiꞌin na íkan taꞌan ya väꞌa íkan na ñuu ivi. Saa na xíko ñaꞌa nuu na ñuu Babilonia ndu̱kuika ni na xaꞌa ya ndee ni kuaꞌa ya savi kúu mií na ñuu Babilonia, káchi tatun ikán xiꞌin i.

El Apocalipsis 18:3 ပူးပေါင်းရင်းမြစ်များ

San Lucas 7:25

¿Unkua xi̱ni ndo tá ka̱na koo ndo xíto ndo? ¿Án iin taa ra ndíxi vaꞌa ni ku ra xi̱ni ndo? Chi taa ra kuika, ra ndíxi tikoto vaꞌa ta luvi ni va veꞌe nuu íyo ra xaꞌa ya kúu ra rey.

1 Timoteo 5:11

Ta ná kuâán ndi̱xiꞌi ndaa, ná vali kúni ta töso un kivi ná nuu lista un ya chindee taꞌan na ñani yo, na veꞌe ñuꞌu xiꞌin ná. Saa chi vaxi kivi ta kutoo tuku ná tindaꞌa ná xiꞌin taa, ta küchiñu ka ná xaa súvi ná chiñu ya ki̱ndoo ná ikan ná xaꞌa ichí Tata yo Jesucristo.

El Apocalipsis 14:8

Saa inka tatun, ya uvi, ya ndíkun sata tatun ikán, káꞌan ya, káchi ya saa: ―Xa ndi̱kava ñuu chee ni, ndi̱ꞌi va xaꞌa ñuu Babilonia, ndi̱kava ya. Ya yóꞌó ku yaꞌvi ya xaꞌa ya si̱ndaꞌvi ni ya na ñuu ivi. Chi ta̱a sií ni ya na, ta si̱ndaꞌvi ya na xa̱a kaꞌnu na ndioxi ndíi, ya síki. Chi ya i̱kan na ñuu ikán, ta tá káa iin ñaꞌá yá táa sii inka yá ñaꞌá ya koꞌo yá nduta vino, ta saa kusini ni yá kiꞌvi yá kaka yá xiꞌin kuaꞌa ni taa, kuꞌva saa íyo ya väꞌa i̱kan na nuu Ndioxi, xaꞌa ya ta̱a sii ni na, naꞌa ya i̱kan na ya väꞌa.

El Apocalipsis 17:2

Nda rey nda xáꞌnda chiñu nuu kuaꞌa ni ñuu naꞌnu ñuu ivi yóꞌó, ta tá íin nda ndi̱kixi xiꞌin ñaꞌa saa íin nda, ta nda tá káa nduta vino nduta síxini naꞌa, saa káa ya väꞌa íkan nda xaꞌa ya kuakiꞌvi nda xiꞌin ná síꞌi íkan na kuachi ivi yóꞌó.

El Apocalipsis 18:19

Saa tiso na yaá xiní na xaꞌa ya kúsuchi ni ini na, ta kuaku ni na, saa kaꞌan suchi ni ini na, kachi na saa: ―¡Vai! ¡Vai! ¡Ndaꞌvi ni na ñuu Babilonia, chee ni ndi̱xiyo ñuu na xiꞌin ndiꞌi ya kuika ku̱u mií na! Chi xa̱a kuika na naꞌa na kúu mií itun barco, itun xíka nuu nduta ñûꞌu. ¡Ta iin ku̱u soꞌva ndi̱ꞌi xaꞌa na! ―kachi na ikán.

El Apocalipsis 18:23

Ni ñu̱ꞌu̱ yéꞌe̱ ta tüun ka ya ñuu na, Ni viko tindaꞌa nuu kúsini naꞌa köo ka ya koo. Ni naꞌa na ndi̱xiyo ni ndi̱xiko ta köo ka na koo, na ndasa ndee yóꞌo̱ nuu ku̱tai ni ini un ta köo ka na koo. Chi yóꞌo̱ ñuu chee ni ya Babilonia xa̱a tasi un xiꞌin ndiꞌi na ñuu ivi, ta si̱ndaꞌvi un na.

El Apocalipsis 18:7

Ta na väꞌa ikan ta ndi̱xiyo tái ni ini na, saa kuika ni ndi̱xiyo na, ta ku̱u mií na ndiꞌi ñaꞌa ya káchi ini mií na. Ta vaꞌa ná taxi Ndioxi ndoꞌo ni na vitin. Saa chi na väꞌa ikán, ta kútai ni ini na, chínuu vaꞌa ni na tuꞌun na, yakan ndíkani ini na káchi na saa: “Naꞌnu ni mií nde chi ndeꞌe ku nde xáꞌnda chiñu nuu ndiꞌi naꞌa. Ta köo íyo nde tá káa iin ñaꞌa yá ndaꞌvi, yá ndi̱xiꞌi ndaa, chi nda iin kivi ndöꞌo nde, ni nda loꞌo küsuchi ini nde”, káchi na ndíkani ini na.

El Apocalipsis 18:9

Ta kuaku ni mií nda rey ikán tá ná kuni nda ndee ni kána iꞌma xíxi ni ya. Chi i̱kan ni nda taꞌan ya väꞌa i̱kan na, saa ku̱sini ni nda xiꞌin ya savi ni ndi̱xiyo mi ñuu ikán.