El Apocalipsis 18:12 - Xochapa Mixteco

¹² Köo ka na sata kàà ya oro, ni ya plata, ni yu̱ú ya luvi ni, ya yaꞌvi ni, ni toto ya yaꞌvi ni ya kúu lino án seda, köo ka na sata ya. Ni toto ndíꞌi tuun án ya kuaꞌa ñu̱ꞌu, ni vitun itun vaꞌa ni támi xáꞌan, ni vitun itun luvi ni, ni kàà ya yáꞌa án kàà ya kúu hierro xiꞌin kàà ya bronce saa tu ya kúu mármol köo ka na sata ya.

El Apocalipsis 18:12 ပူးပေါင်းရင်းမြစ်များ

El Apocalipsis 17:3

Saa xa̱a Tachi I̱í Ndioxi sata i, ta ndi̱kiꞌin iin tatun yeꞌe ndi̱xaꞌan i xiꞌin ya iku yuyu. Saa xi̱ni i iin yá ñaꞌa, yóso yá iin kiti ìyo ni káa, kiti kuáꞌa ku ri. Ta ri ikán inii kúu sata ri íyo tuꞌun väꞌa ya káꞌan kini ni xaꞌa Ndioxi, saa kúu mií ri uxa xiní ri tin uxi ndikin ri.

El Apocalipsis 17:4

Ta ndíxi yá ñaꞌa ikán tikoto ndíꞌi tuun xiꞌin ya kuáꞌa. Ta kuaꞌa ni oro tin kuaꞌa ni yu̱ú yéꞌe̱ ya yaꞌvi ni ndóso ndaa ya sata toto ndíxi yá. Saa níꞌi yá iin copa ya oro ndaꞌa kuáꞌá yá, chútu copa ikán xiꞌin ndiꞌi nuu ñaꞌa ya väꞌa tin ya ndi̱kiꞌvi yá xiꞌin kuaꞌa ni taa, ndiꞌi ya ikán ñúꞌu ini copa ikán.

El Apocalipsis 18:15

Ta na xíko ikán ta ndu̱u kuika ni na, chi kuaꞌa ni ñaꞌa ndi̱xiko na nuu na ñuu Babilonia, ta na ikán ta ku íꞌvi ni na tá ná kuni na ya ndóꞌo ni na ñuu Babilonia, saa kundita xíka na xaꞌa ya íꞌvi na tixuꞌvi na xiꞌin na ñuu ikán, ñaa kuaku ni na ta kusuchi ni ini na.