El Apocalipsis 17:5 - Xochapa Mixteco

⁵ Ndi̱kaꞌi taan yá xiꞌin iin kivi ya ndíchi ni kundaa ini yo xiꞌin, káchi ya saa: Ta yá ñaꞌa chee ni ikán ku ñuu Babilonia ya chee ni, ya kúu siꞌí ndiꞌi ná ñaꞌa ná xíko ikin kuñu xiꞌin ndiꞌi ná íkan ndiꞌi nuu ya väꞌa, ya kini ni, sova káchi tuꞌun ya ndi̱kaꞌi taan yá ikán.

El Apocalipsis 17:5 ပူးပေါင်းရင်းမြစ်များ

Filipenses 3:19

Chi kuaꞌan na ichí nuu síndiꞌi xaꞌa na mií va na. Ndisaa ya kútoo ni mií ikin kuñu na kua ndúku na xaa súvi na, ta ya ikán kua ndu̱u ndioxi nuu na. Ya kukaꞌan nuu na xiꞌin vi kua íkan na, ta köo íkan na saa, ya kútai ini na xiꞌin ka va kua. Ndisaa ñaꞌa íyo ñuu ivi yóꞌó ndíkani ini na xaꞌa.

2 Tesalonicenses 2:7

Saa chi ndee ya väꞌa, ya xáꞌnda chiñu nuu ra nduvaꞌa ikán ta xa íyo ya xáa chiñu sěꞌe ya ñuu ivi yóꞌó, ndá ndátun ya ná kutaꞌa ñaꞌa sási nuu ya,

El Apocalipsis 1:20

Ta vitin ndikani i nuu un ya kundaa ini un, unkua kúni kaꞌan uxa ti kimi xi̱ni un ndóso nuu ndaꞌa kuáꞌá i xiꞌin uxa candelero kàà ya oro, nuu xíxi uxa ñu̱ꞌu̱. Uxa kiti kimi xi̱ni un ndóso nuu ndaꞌa kuáꞌá i kúni kachi ya, íyo uxa na tatun Ndioxi, na ndáa veꞌe ñuꞌu, na kándixa yeꞌe, na ndóo uxa ñuu. Ta uxa candelero kàà ya oro nuu xíxi ñu̱ꞌu̱, káꞌan ya xaꞌa uxa veꞌe ñuꞌu nuu ndóo naꞌa, na kándixa yeꞌe ―káchi ra xiꞌin i.

El Apocalipsis 11:8

Ta kundoo ikin kuñu uvi saa nda ikán maꞌñu ichí ñuu Jerusalén ya kaꞌnu ni, ñuu chee ni ikán kua xa̱ꞌni na Tata yo Jesucristo, ka̱tikaa na ra ndaꞌa cruzin. Ta naꞌa, na väꞌa, na ndóo ñuu ikán, iin kachi íkan na, tá kuꞌva i̱kan na xi̱ndoo ñuu Sodoma án ñuu Egipto xinaꞌa saa íkan na.

El Apocalipsis 14:8

Saa inka tatun, ya uvi, ya ndíkun sata tatun ikán, káꞌan ya, káchi ya saa: ―Xa ndi̱kava ñuu chee ni, ndi̱ꞌi va xaꞌa ñuu Babilonia, ndi̱kava ya. Ya yóꞌó ku yaꞌvi ya xaꞌa ya si̱ndaꞌvi ni ya na ñuu ivi. Chi ta̱a sií ni ya na, ta si̱ndaꞌvi ya na xa̱a kaꞌnu na ndioxi ndíi, ya síki. Chi ya i̱kan na ñuu ikán, ta tá káa iin ñaꞌá yá táa sii inka yá ñaꞌá ya koꞌo yá nduta vino, ta saa kusini ni yá kiꞌvi yá kaka yá xiꞌin kuaꞌa ni taa, kuꞌva saa íyo ya väꞌa i̱kan na nuu Ndioxi, xaꞌa ya ta̱a sii ni na, naꞌa ya i̱kan na ya väꞌa.

El Apocalipsis 16:19

Ta ñuu Babilonia ya chi̱nuu naꞌa kivi náni ya “Ñuu Kaꞌnu” ndi̱taꞌvi ya uni taꞌvi, saa ndi̱nduva nuu ñuꞌú xaꞌa ya ndee ni ndi̱taan. Ta ndiꞌi ñuu naꞌnu ya íyo ñuu ivi ndi̱ꞌi xaꞌa ndiꞌi ya. Ta köo ndi̱ndoso ini Ndioxi ya íyo kuaꞌa ni ya väꞌa íkan na ñuu kaꞌnu Babilonia ikán, ta sáa ni ini ra xíni ra ya väꞌa íkan na. Ta saa ta̱xi Ndioxi ya ndee ni ndoꞌo na xaꞌa ya väꞌa íkan na.

El Apocalipsis 17:1

Ta saa xa̱a iin na taꞌan na tatun ya xi̱niꞌi copa ya uxa xa̱a ya nuu i, ndi̱kaꞌan ya xiꞌin i, káchi ya saa: ―Naꞌa yóꞌó, ná sinaꞌa i yóꞌo̱ ndá kuꞌva tixuꞌvi ni na ñuu Babilonia, chi ñuu yóꞌó tá íyo iin yá ndee ni xíko ikin kuñu saa káa ya. Ta índuꞌu koo yá nuu nduta tikuii nduta kuaꞌa ni.

El Apocalipsis 17:2

Nda rey nda xáꞌnda chiñu nuu kuaꞌa ni ñuu naꞌnu ñuu ivi yóꞌó, ta tá íin nda ndi̱kixi xiꞌin ñaꞌa saa íin nda, ta nda tá káa nduta vino nduta síxini naꞌa, saa káa ya väꞌa íkan nda xaꞌa ya kuakiꞌvi nda xiꞌin ná síꞌi íkan na kuachi ivi yóꞌó.

El Apocalipsis 17:7

Saa ndi̱kanda ni ini i xaꞌa ya xi̱ni i yá ñaꞌa ikán. Ñaa ndi̱kaꞌan tatun xiꞌin i, káchi ya saa: ―¿Ndachu ndíkanda ni ini un? Vitin ndituꞌun i xiꞌin un unkua kúni kachi yá ñaꞌa yóꞌó, ta unkua kúni kachi kiti ìyo ni káa, kiti yóso yá, rí íyo uxa xiní ta uxi ku ndikin ri.

El Apocalipsis 18:2

Ta ndixa loꞌo ndee ndi̱kaꞌan ya, káchi ya saa: ―¡Xa ndi̱kava ñuu chee ni ya Babilonia, ta ndi̱ꞌi xaꞌa ya! Vitin ndu̱u ya iin ñuu nuu íyo kiti nǎꞌa saa ndu̱u ya veꞌe nuu ndíkitaꞌan ndiꞌi tachi nduvaꞌa, ta ndu̱u ya chiꞌyo ndiꞌi nuu kiti ri ndáchi, ta kiti ndáchi ikán ku kiti kini ni, chi yáxi ri ndisaa ñaꞌa ya kini án ya táꞌi.

El Apocalipsis 18:21

Saa ti̱in iin tatun Ndioxi ya ndee ni ndee kúu mií, ti̱in ya iin yu̱ú chee ni taꞌan ya xíniñuꞌu na ndíko na trigo. Kiꞌin ya yu̱ú ikán si̱kana ya ini nduta ñûꞌu, saa ndi̱kaꞌan ya, káchi ya saa: Tá kuꞌva si̱kana i yu̱ú chee ni ini nduta ñûꞌu, kuꞌva saa sikana Ndioxi yóꞌo̱ ñuu Babilonia, ta nda iin ka naꞌa küni yóꞌo̱.

El Apocalipsis 19:2

Chi Ndioxi ta xáa nani ra kuachi na xiꞌin ya ndaa tin ya ndixa. Chi xa si̱tixuꞌvi ni ra na ñuu chee ni ikán xaꞌa ya väꞌa i̱kan na. Chi na ñuu ikán tá íyo iin yá ñaꞌa xíko ikin kuñu saa íin na, ta xaꞌa ya íkan na saa kua xáa kini ni na xiꞌin ndiꞌi ni kúu na ñuu ivi. Saa xa̱ꞌni na kuaꞌa ni naꞌa na kándixa Ndioxi. Ta xaꞌa ya väꞌa i̱kan na kua sítixuꞌvi ni Ndioxi na ―káchi tachi na kuaꞌa ni xi̱ni soꞌo i.

El Apocalipsis 7:3

ndikaꞌan ya káchi ya saa: ―¡Kundatun naꞌa ndo! Sïtivi yachi ndo ñuu ivi yóꞌó, ni nduta ñûꞌu, ni itun sïtivi yachi ndo. Nda ná sindiꞌi xaꞌa yo chinuu yo sello taan iin iin naꞌa, na xáa chiñu nuu Ndioxi, nda saa sitivi ndo ya ―káchi tatun ikán xiꞌin kumi saa na tatun ikán.