El Apocalipsis 17:18 - Xochapa Mixteco18 Ta yá ñaꞌa yá väꞌa yá xíko ikin kuñu xi̱ni un ku yá káꞌan xaꞌa ñuu chee ni ya xáꞌnda chiñu nuu ndiꞌi nda rey ñuu ivi yóꞌó ―káchi tatun ikán xiꞌin i. အခန်းကိုကြည့်ပါ။ |
Ta ñuu Babilonia ya chi̱nuu naꞌa kivi náni ya “Ñuu Kaꞌnu” ndi̱taꞌvi ya uni taꞌvi, saa ndi̱nduva nuu ñuꞌú xaꞌa ya ndee ni ndi̱taan. Ta ndiꞌi ñuu naꞌnu ya íyo ñuu ivi ndi̱ꞌi xaꞌa ndiꞌi ya. Ta köo ndi̱ndoso ini Ndioxi ya íyo kuaꞌa ni ya väꞌa íkan na ñuu kaꞌnu Babilonia ikán, ta sáa ni ini ra xíni ra ya väꞌa íkan na. Ta saa ta̱xi Ndioxi ya ndee ni ndoꞌo na xaꞌa ya väꞌa íkan na.
Ta ndixa loꞌo ndee ndi̱kaꞌan ya, káchi ya saa: ―¡Xa ndi̱kava ñuu chee ni ya Babilonia, ta ndi̱ꞌi xaꞌa ya! Vitin ndu̱u ya iin ñuu nuu íyo kiti nǎꞌa saa ndu̱u ya veꞌe nuu ndíkitaꞌan ndiꞌi tachi nduvaꞌa, ta ndu̱u ya chiꞌyo ndiꞌi nuu kiti ri ndáchi, ta kiti ndáchi ikán ku kiti kini ni, chi yáxi ri ndisaa ñaꞌa ya kini án ya táꞌi.