El Apocalipsis 16:9 - Xochapa Mixteco

⁹ Kini ni ndi̱xixi na xiꞌin ya ndee ni iꞌni ya. Saa káꞌan kini ni na xaꞌa kivi Ndioxi, ra kúu mií ichí xaꞌa ya ndee ni tíxuꞌvi na. Ta na ikán ni köo ndi̱xiin na ndiko koo ini na xaꞌa ya väꞌa íkan na, ni köo ndi̱xiin na xaa toꞌo na Ndioxi.

El Apocalipsis 16:9 ပူးပေါင်းရင်းမြစ်များ

San Lucas 13:3

Süvi ya ndaa kua. Nda ni mií ndo ta saa kundoꞌo tu ndóꞌo̱ va ndiꞌi xaꞌa ndo tá tu köo xíin ndo ndiko koo ini ndo xaꞌa kuachi ndo.

San Lucas 13:5

Süvi ya ndaa kua. Nda ni mií ndo, ta saa kundoꞌo ndo ndiꞌi xaꞌa ndo tá tu köo xíin ndo ndiko koo ini ndo xaꞌa kuachi ndo ―káchi Jesús xiꞌin na.

2 Corintios 12:21

Yakan ndíꞌi ka vi ini i tá ná xaa i koto i ndóꞌo̱, chi ndee ni ìyo si̱kaꞌán Ndioxi nuu i chi sana täꞌan ndiko koo ini ndo xaꞌa kuachi ndo ya íkan ndo yachi. Ta xaꞌa ya íkan ndo saa, ta án sana nda kuaku suchi ni ini i xaꞌa sava ndo, chi täꞌan sindoo ndo ñaꞌa väꞌa íkan ndo, xíka sií yaa va ndo xiꞌin taꞌan ndo, ta saa íkan ndo ñaꞌa ya kaꞌa̱n ni nuu.

El Apocalipsis 11:13

Tá nda̱a soꞌva nda kuaꞌan nda, ta xa̱á ndixa ni ndee táan. Ñaa ndi̱ꞌi xaꞌa ñuu ikán, uxi taꞌvi kua ndi̱ꞌi xaꞌa. Saa ndi̱xiꞌi uxa mil na ñuu kaꞌnu ikán, ta na ndi̱kaku ikán ta ndi̱ndiꞌvi ni na, ñaa xa̱á na xáa kaꞌnu na Ndioxi, ra íyo nuu ndivi.

El Apocalipsis 14:7

Ta ndee ka vi káꞌan tatun ikán, káchi ya saa: ―Ku iꞌvi ndo nuu Ndioxi ta xaa toꞌo ni ndo ra, ta saa xaa kaꞌnu ndo ra, chi xa ti̱ndaa kivi ya xaa nani ra kuachi xiꞌin ndiꞌi naꞌa. Xaa kaꞌnu ndo ra chi mií ra si̱kuaꞌa ñuu ivi yóꞌó, xiꞌin ndivi tin ñuꞌú xiꞌin nduta ñûꞌu xiꞌin ndiꞌi ka ñaꞌñu nuu kána tikuii.

El Apocalipsis 16:21

Saa ndi̱koyo ñíꞌi nuu ndivi, naꞌnu ni ya, ta vee ni ya, ta iin iin ya ikán vee ya iin kuꞌva uvi xiko kilo án yáꞌa ka. Saa ndi̱koyo ya sata naꞌa, ta naꞌa na ndi̱kaku nuu ya ikán xa̱á na távi chiꞌña na Ndioxi chi ndee ni tíxuꞌvi na xiꞌin tindoꞌo ikán.

El Apocalipsis 2:21

Ta xa kuaꞌa ni kivi ta̱xi i ndaꞌa yá nuu ndátun i ya ndiko koo ini yá xaꞌa kuachi yá, ta köo xíin yá sindikoo yá ya väꞌa íkan yá.

El Apocalipsis 9:20

Naꞌa, na ndi̱ndoo, na köo ndi̱xiꞌi xiꞌin ndiꞌi kue̱ꞌe̱, ya uꞌvi ni ikán, ta ni köo ndi̱xiin na ndiko koo ini na xaꞌa ya väꞌa íkan na, ni ya xáa kaꞌnu na tachi nduvaꞌa, köo ndi̱xiin na sindoo na ichí ikán. Ni ya kándixa na ndioxi ndíi án ya kándixa na naꞌna ndioxi ndíi köo ndi̱xiin na sindoo na ya. Ta ndee ni ka kándixa na kàà ya oro xiꞌin ya plata tin kàà yáꞌa ya bronce tin yu̱ú xiꞌin itun. Köo ndi̱xiin na sindoo na ya kándixa na ndioxi siki, ya küvi koto, ni köo xíni soꞌo ya, ta ni küvi kaka ya.