El Apocalipsis 16:10 - Xochapa Mixteco

¹⁰ Saa tu tatun ya uꞌun, ndi̱so ndee ya copa níꞌi ya nuu tai chee nuu xáꞌnda chiñu kiti ìyo ni káa ikán. Ta ndiꞌi ñaꞌñu nuu xáꞌnda chiñu ri xa̱á kúnaa, nda loꞌo köo túvi. Ta na íyo nuu xáꞌnda chiñu ri ndee ni ndóꞌo na nda yaá na xa̱á na ndíkaxi nuꞌu na.

El Apocalipsis 16:10 ပူးပေါင်းရင်းမြစ်များ

San Mateo 13:42

Ta na tatun Ndioxi taan ñaꞌa na yóꞌó xitun nuu ndee ni xíxi ñu̱ꞌu̱, nuu kuaku ni na ta ndakua ndikaxi nuꞌu na xaꞌa ya ndee ni tixuꞌvi na.

San Mateo 13:50

Kiꞌin na, na väꞌa ikán taan na ini xitun nuu xíxi ni ñu̱ꞌu̱, nuu kuaku ni na, ta ndakua ndikaxin nuꞌu na ―káchi Jesús xiꞌin na.

San Mateo 22:13

Saa ndi̱kaꞌan ra rey xiꞌin nda moso ra, káchi ra saa: “Tiin ndo ra katun ndo ndaꞌa ra tin xaꞌa ra, saa tava ndo ra keꞌe ta chikaa ndo ra nuu naá ni, nuu ndee ni kuaku ra, tixuꞌvi ni ra ndakua ndikaxi nuꞌu ra”, káchi ra rey ikán.

San Mateo 24:51

Ta ndee ni sitixuꞌvi ñaꞌa patrón ra. Ñaa tiꞌvi ñaꞌa ra kuꞌun ra nuu ndóo na väꞌa, na uvi ini. Ta ikán ku nuu kuaku ni na ndakua ndikaxi nuꞌu na, xaꞌa ya ndee ni tíxuꞌvi na.

San Mateo 8:12

Ta na chi̱tuni Ndioxi koo xiꞌin ra nuu xáꞌnda chiñu ra ku na judío, sundi kuaꞌa ni na ikán köo xíin kandixa ñaꞌa. Xaꞌa ya ikán kua kuꞌun na kee na nuu naá ni, ta kuaku ni na xaꞌa ya tixuꞌvi na, saa ndakua ndikaxi nuꞌu na ―káchi Jesús xiꞌin naꞌa.

San Lucas 13:28

Ta kuaku ni ndo ndakua kaxi nuꞌu ndo, chi kuni ndo ra Abraham xiꞌin ra Isaac tin ra Jacob xiꞌin ndiꞌi nda ndi̱kaꞌan ndoso tuꞌun yuꞌu Ndioxi xinaꞌa. Kuni ndo nda íyo nda xiꞌin Ndioxi nuu xáꞌnda chiñu ra, ta ndóꞌo̱ küchiñu ka ndo kiꞌvi ndo.

1 Pedro 2:17

Xaa toꞌo ndo ndiꞌi naꞌa, ta kuꞌvi ni ini ndo kuni ndo nda ñani yo xiꞌin ná kuꞌva yo, na ndíkun Tata yo Jesucristo. Ta xaa kaꞌnu ni ndo Ndioxi, saa xaa toꞌo ndo na chiñu naꞌnu, na kúu rey.

El Apocalipsis 11:10

Ndiꞌi saa na ñuu ivi kusini ni xaꞌa ya ndi̱xiꞌi nda ikán, ñaa xáa na ikan na viko ta siniꞌi na ñaꞌa nuu taꞌan na, xaꞌa ya kúsini ni na ndi̱xiꞌi nda. Saa chi na ikán ta ndíkani ini na xaꞌa kuachi uvi saa nda ikán kua tíxuꞌvi ni ndiꞌi na ndóo ñuu ivi yóꞌó, káꞌán na.

El Apocalipsis 11:2

Ta kïꞌin kuꞌva un keꞌe veꞌe ñuꞌu kaꞌnu, saa chi xa ta̱xi i ya ndaꞌa naꞌa, na köo kúu judío, na köo kándixa yeꞌe. Ta na ikán xaa yakua na ñuu i̱í, nuu ndíkaa veꞌe ñuꞌu kaꞌnu tixin uvi xiko uvi yoó ikan na saa.

El Apocalipsis 11:8

Ta kundoo ikin kuñu uvi saa nda ikán maꞌñu ichí ñuu Jerusalén ya kaꞌnu ni, ñuu chee ni ikán kua xa̱ꞌni na Tata yo Jesucristo, ka̱tikaa na ra ndaꞌa cruzin. Ta naꞌa, na väꞌa, na ndóo ñuu ikán, iin kachi íkan na, tá kuꞌva i̱kan na xi̱ndoo ñuu Sodoma án ñuu Egipto xinaꞌa saa íkan na.

El Apocalipsis 17:17

Ta mií Ndioxi ku ra chi̱tuni ya koo yuꞌu uxi saa nda rey ikán xiꞌin taꞌan nda, ya taxi nda ichí ndaꞌa ri ìyo ni káa ikán ya kaꞌnda chiñu ri. Ta saa kaꞌnda chiñu ri nuu nda rey ya sixinu nda ya káꞌan tuꞌun Ndioxi.

El Apocalipsis 17:9

Saa ndi̱kaꞌan ka tatun ikán xiꞌin i, káchi ya saa: Ta na ndíchi xiní ku na ndixa xíniñuꞌu kundaa ini unkua kúni kachi ya xi̱ni un. Saa kundaa ini na chi uxa xiní kiti ìyo ni káa ikán ku ya káꞌan xaꞌa uxa xiki sukun íyo ñuu Babilonia nuu xínduꞌu yá ñaꞌa ikán.

El Apocalipsis 18:2

Ta ndixa loꞌo ndee ndi̱kaꞌan ya, káchi ya saa: ―¡Xa ndi̱kava ñuu chee ni ya Babilonia, ta ndi̱ꞌi xaꞌa ya! Vitin ndu̱u ya iin ñuu nuu íyo kiti nǎꞌa saa ndu̱u ya veꞌe nuu ndíkitaꞌan ndiꞌi tachi nduvaꞌa, ta ndu̱u ya chiꞌyo ndiꞌi nuu kiti ri ndáchi, ta kiti ndáchi ikán ku kiti kini ni, chi yáxi ri ndisaa ñaꞌa ya kini án ya táꞌi.

El Apocalipsis 18:21

Saa ti̱in iin tatun Ndioxi ya ndee ni ndee kúu mií, ti̱in ya iin yu̱ú chee ni taꞌan ya xíniñuꞌu na ndíko na trigo. Kiꞌin ya yu̱ú ikán si̱kana ya ini nduta ñûꞌu, saa ndi̱kaꞌan ya, káchi ya saa: Tá kuꞌva si̱kana i yu̱ú chee ni ini nduta ñûꞌu, kuꞌva saa sikana Ndioxi yóꞌo̱ ñuu Babilonia, ta nda iin ka naꞌa küni yóꞌo̱.

El Apocalipsis 18:23

Ni ñu̱ꞌu̱ yéꞌe̱ ta tüun ka ya ñuu na, Ni viko tindaꞌa nuu kúsini naꞌa köo ka ya koo. Ni naꞌa na ndi̱xiyo ni ndi̱xiko ta köo ka na koo, na ndasa ndee yóꞌo̱ nuu ku̱tai ni ini un ta köo ka na koo. Chi yóꞌo̱ ñuu chee ni ya Babilonia xa̱a tasi un xiꞌin ndiꞌi na ñuu ivi, ta si̱ndaꞌvi un na.

El Apocalipsis 8:12

Saa ti̱vi tatun Ndioxi, ya kumi, itun trompeta ya, ta si̱tivi ya uni taꞌvi ñu̱ꞌù, köo ndi̱yeꞌe uni taꞌvi ya nduvi, iin ku̱naa. Ta ndi̱tivi tu uni taꞌvi kiti yo̱ó va, ku̱naa uni taꞌvi ri, köo ndíyeꞌe vaꞌa ri ñǔu, saa ku̱naa. Ta saa ndi̱tivi tu uni taꞌvi kiti kimi köo vaꞌa ndíyeꞌe ri, ku̱naa nuu ri. Ta saa ku̱naa iin taꞌvi nduvi, ta ku̱naa tu iin taꞌvi ñǔu va.

El Apocalipsis 9:2

Tá xu̱na ri yuꞌu yavi nǎꞌa ikán ta ka̱na koo kuaꞌa ni iꞌma, tá íin ya kána koo ini iin xitun ya chee ni saa íin ya. Ta saa nda̱sa naá ya nuu ñu̱ꞌù tin nuu ndivi.