El Apocalipsis 15:6 - Xochapa Mixteco

⁶ Ta ini veꞌe ñuꞌu i̱í ni ikán ka̱na koo uxa tatun Ndioxi. Saa kúu mií ya ichí ya taxi ya uxa nuu ya uꞌvi ni tixuꞌvi naꞌa kivi vaxi. Ta tatun Ndioxi ikán ndíxi ya toto ya lino yaa ni ta yéꞌe̱ taxan mií toto ya. Saa núꞌni kandika iin iin ya xiꞌin ñii ya oro ndinuꞌu ni.

El Apocalipsis 15:6 ပူးပေါင်းရင်းမြစ်များ

San Lucas 24:4

Saa ndi̱ndiꞌvi ni ná iin ndi̱kanda ini ná ndíta ná, ni köo xíni ka ná unkua ikan ná. Ñaa iin ku̱u soꞌva ta xi̱ni ná ndíta uvi nda taa nuu ná. Yaa ka vi toto ndíxi nda, ndakua yeꞌe taxan ya.

El Apocalipsis 1:13

Ta maꞌñu uxa candelero ikán, ndíchi iin taa, tá káa Taa ra xa̱a ñuu ivi yóꞌó saa káa ra ndíchi. Ndíxi ra iin toto kani ni nda xaꞌa ra xáa ya. Saa súvi iin i̱ín ya oro kándika ra ndíchi ra.

El Apocalipsis 14:15

Saa ke̱ta inka tatun Ndioxi nuu íyo Ndioxi nuu ndivi, ta ndee ni ndee ndi̱kaꞌan ya xiꞌin ra índuꞌu nuu viko ikán, káchi ya saa: ―Xa vaꞌa xáa un kaꞌnda un ñaꞌa ya xíniñuꞌu un kaꞌnda un xiꞌin i̱chi ñaa, saa chi vitin ndi̱xinu kivi ya xáa un kaꞌnda un ndiꞌi ñaꞌa ya xa íyo tuꞌva ndikaya un, chi xa ti̱ndaa kivi ya xáa un ndikaya un ya ―káchi tatun ikán xiꞌin ra.

El Apocalipsis 14:17

Ñaa ke̱ta inka tatun Ndioxi veꞌe ñuꞌu nuu íyo Ndioxi nuu ndivi, saa níꞌi tu ya ikán va inka i̱chi xiín ni yuꞌu.

El Apocalipsis 15:1

Saa xi̱ni i iin seña chee ni nuu ndivi, ta ndi̱kanda ka vi ini i xaꞌa ya xi̱ni i. Ñaa xi̱ni i uxa tatun Ndioxi kúu mií ichí taxi ya uxa nuu tindoꞌo ya ndee ni tixuꞌvi naꞌa, tá xa yati ni tindaa kivi ya ndiꞌi xaꞌa ñuu ivi. Ta ndakua xinu uxa ya ndee ni ndoꞌo na ikán, nda saa yaa ya sáa ni ini Ndioxi xíni ra ya väꞌa íkan na ñuu ivi yóꞌó.

El Apocalipsis 19:8

Ta ñaꞌa yá tíndaꞌa ikán ta xa kúu mií yá ichí kundixi yá toto yaa ni, ya kúu ya lino, ya yéꞌe̱ táxan ni, chi ya lino yaa ni ikán ku ya vaꞌa ni, ya i̱í íkan na ndíkun Tata yo Jesucristo káchi tuꞌun ya xi̱ni soꞌo i.