El Apocalipsis 15:2 - Xochapa Mixteco

² Saa xi̱ni i inka ñaꞌa tá káa yuyu yéꞌe̱ ni saa káa nduta ñûꞌu xi̱ni i, ta sáka ñu̱ꞌu̱ xiꞌin rá. Ta yuꞌu nduta ñûꞌu ikán ndíta kuaꞌa ni naꞌa na xa ku̱chiñu nuu kiti ìyo ni káa ikán, ta ni köo ndi̱xaa kaꞌnu na naꞌna ri ya ndíchi, saa ni köo ndi̱taxi na ndikunuu sello ri taan na án ndaꞌa na ya kúu mií número ya ndítuꞌun xaꞌa unkua náni ri. Saa ndíta na nuu nduta ñûꞌu yéꞌe̱ ni tá káa yuyu ya yeꞌe ni ikán, ñaa ta̱xi Ndioxi itun arpa ndaꞌa iin iin na.

El Apocalipsis 15:2 ပူးပေါင်းရင်းမြစ်များ

San Mateo 3:11

Yeꞌe, ta síkuchi i ndóꞌo̱ xiꞌin tikuii, ya sínaꞌa ndo mií ndo nuu naꞌa ya ndi̱nama ndo kuꞌva íyo ndo. Sundi íyo inka ra vaxi sindiꞌi, ta ndee ni ra ikán nuu yeꞌe. Ra ikán ku ra sikuchi ndóꞌo̱ xiꞌin Tachi I̱í Ndioxi xiꞌin ñu̱ꞌu̱ ya xíxi. Xaꞌa ya ndee ni ra ta nda nduxan ra küvi loꞌo kundiso i.

1 Pedro 1:7

Chi ndiꞌi tindoꞌo ya vaxi nuu ndo, ta tá kuꞌva xíto ndoso na kàà ya oro xiꞌin ñu̱ꞌu̱ iꞌni ni, ya ná nduyéꞌe̱ luvi ya nduu latun ni ka ya. Ta kuꞌva saa íyo ya ndáa ni ini ndo Ndioxi, chi ya ikán kua ndáa yaꞌvi ni ka nuu oro ya ndíꞌi xaꞌa, yakan tá ndóꞌo̱ ndo saa, ta ndïkava ini ndo, chi tá ná ndiko koo Tata yo Jesucristo kixi ra ta vaꞌa ni kaꞌan ra xaꞌa ndo, chinuu vaꞌa ni ra tuꞌun ndo.

1 Pedro 4:12

Ñani yo, ndïkanda ni ini ndo tá ndee ni vaxi tindoꞌo xíto ndoso ya ndóꞌo̱ xaꞌa ya ndíkun ndo Tata yo Jesucristo, ta ndïkani tu ini ndo ndisaa ndóꞌo̱ ku ndo ndee ni ndóꞌo, túvi ndo.

El Apocalipsis 12:11

Sundi vitin ta xa ku̱chiñu na nuu ri. Saa chi kiti Levo loꞌo ikán ndi̱taxi ri mií ri xaꞌa na ta nií ri ikán ku rá ta̱xi ndee ndaꞌa na. Ta saa tu tuꞌun ya ndaa, ya ndíkuiin na xaꞌa Tata yo Jesucristo, ta̱xi ya ndee ndaꞌa na. Xaꞌa uvi ndee yóꞌó kua ku̱chiñu na ku̱ndee na nuu kiti nǎꞌa. Ta nda loꞌo köo ndi̱ndiꞌvi na kuvi na, ta̱xi ndiꞌi na mií na ya kuvi na xaꞌa ya kándixa na Ndioxi.

El Apocalipsis 13:1

Ñaa ndi̱xaa i ndi̱kundichi i nuu yoti yuꞌu nduta ñûꞌu, saa xi̱ni i iin kiti chee ni, ìyo ka vi káa ri. Ke̱ta ri ini nduta ñûꞌu ta kúu mií ri uxa xiní ri, ta íyo uxi ndikin ri, saa ínuu iin corona nuu iin iin ndikin ri ikán. Ta íyo tuꞌun ya kánaꞌa kini ni xaꞌa Ndioxi xiní iin iin ri ikán.

El Apocalipsis 13:14

Saa si̱ndaꞌvi ri uvi ikán ndiꞌi na ndóo ñuu ivi yóꞌó xiꞌin yatuꞌun íkan ri. Ta xiꞌin yuꞌu mií kiti núnu̱ú ikán kua íkan kiti uvi ikán yatuꞌun nuu naꞌa. Saa xa̱ꞌnda chiñu kiti uvi ikán chiñu nuu naꞌa ya sikuaꞌa na naꞌna kiti núnu̱ú, ri ìyo ni ndi̱taꞌnda xiní xiꞌin i̱chi ta ndi̱taku tuku ri.

El Apocalipsis 13:17

Ta naꞌa, na köo sello kúu mií, ta küchiñu na sata na ñaꞌa xíniñuꞌu na ta ni ku̱chiñu na xiko na. Ta sello ikán kua kúu kivi kiti núnu̱ú ikán, án número mií ri ìyo ni káa ikán kua.

El Apocalipsis 21:18

Nama sukun ikán ndi̱kuaꞌa ya xiꞌin nina yu̱ú luvi ni ya yéꞌe̱ taxan, ya náni jaspe. Ta mií ñuu i̱í chee ikán ndi̱kuaꞌa ya xiꞌin nina mií oro. Tá káa vidrio ya yéꞌe̱ ta xíto yo inka ñaꞌñu sata ya, saa káa oro ikán.

El Apocalipsis 4:6

Ta suvi maꞌñu nuu ndíchi tai toꞌo ikán, xi̱ni i ndíkaa nduta ñûꞌu kuíi̱ ka vi rá, tá káa iin yuyu yéꞌe̱ nda inka ñaꞌñu ya, saa kuíi rá. Ta suvi maꞌñu nuu ndíchi mií tai toꞌo ikán ndi̱kava nduu kumi ya táku, ta kumi saa ya kúu mií ya nina nduchi nuu kándika ya tin sata ya.

El Apocalipsis 5:8

Tá ti̱in soꞌva ri tutu ikán, ta ndikun si̱kusiti kumi saa ya táku ikán xiꞌin oko kumi saa na xikuaꞌa, si̱kusiti na nuu kiti Levo loꞌo ikán. Ta níꞌi iin iin na xikuaꞌa ikán itun arpa xiꞌin iin koꞌo chôꞌma ya oro nuu xíxi xuxa vaꞌa ya támi ni xáꞌan, ta iꞌma kána koo ini ya ikán kua káꞌan xaꞌa tuꞌun ya káꞌan naꞌa, na i̱í xiꞌin Ndioxi.