El Apocalipsis 14:6 - Xochapa Mixteco

⁶ Saa xi̱ni i inka tatun Ndioxi ndáchi ya xíka ya nuu ndivi. Ta káꞌan ndoso tatun ikán tuꞌun vaꞌa xiꞌin na ndóo ndiꞌi saa kúu xaꞌa ñuu ivi tin na ndóo ñuu vali xiꞌin na ndóo ñuu naꞌnu xiꞌin na káꞌan ndiꞌi ni kúu nuu tuꞌun.

El Apocalipsis 14:6 ပူးပေါင်းရင်းမြစ်များ

San Mateo 10:27

Yakan ndóꞌo̱ ta ya káꞌan i xiꞌin ndo nuu naá, ta ndituꞌun ndo ya xiꞌin naꞌa nduvi teꞌe. Saa ya káꞌan yaa i xiꞌin ndo xaꞌa soꞌo ndo, ta vaꞌa ndaa ndo xiní veꞌe kaꞌan ndo ya xiꞌin ndiꞌi naꞌa, ya ná kundaa ini ndiꞌi ni kúu na.

San Marcos 16:15

Saa ndi̱kaꞌan ra xiꞌin nda, káchi ra saa: ―Kuáꞌan ndo ndiꞌi ni kúu xaꞌa ñuu ivi, ta kaꞌan ndoso ndo tuꞌun vaꞌa xaꞌa i xiꞌin ndiꞌi ni kúu naꞌa.

ROMANOS 16:25

Ta ná xaa toꞌo yo Ndioxi chi mií ra ku ra chíndee yoo, táxi ra ndee ndaꞌa ndo ya tuun ni ndíkun ndo tuꞌun vaꞌa xaꞌa Jesucristo, ya ndítuꞌun i xiꞌin ndo. Tuꞌun vaꞌa yóꞌó kua ndi̱xiyo sěꞌe xinaꞌa, ta vitin si̱naꞌa tuvi Ndioxi ya nuu yo.

Colosenses 1:23

Saa nduu ndo tá tu tuun ni kándixa ndo tuꞌun vaꞌa xaꞌa Tata yo Jesucristo tá tu ná sïndikoo ndo tuꞌun ra ya ndee ni teꞌe xi̱ni soꞌo ndo. Ta xa ndiꞌi ni kúu xaꞌa ñuu ivi xi̱ni soꞌo na xaꞌa tuꞌun ra, taꞌan ya ikán kua káꞌan ndoso yeꞌe Pablo.

2 Tesalonicenses 2:16

Ta mií Tata yo Jesucristo xiꞌin mií Iva yo Ndioxi ku ra kúꞌvi ni ini xíni yoo, saa si̱ndiko ra ini yo ndiꞌi saa kúu ichí, ta ndixaꞌa ni ra ndee xiꞌin yo ya ndee ni tuun kundikun yo ra, xaꞌa ya vaꞌa ni ini ra xiꞌin yo.

HEBREOS 13:20

Ta mií Iva yo ku ra táxi koo vaꞌa ni ini yo, mií ra ku ra si̱taku Tata yo Jesucristo tañu na ndíi, ta mií ra ku ra ndáa ni ndóꞌo̱ tá kuꞌva íkan iin ra ndee ni vaꞌa ndáa levo sana ra, saa íkan ra xiꞌin ndo. Ta ki̱ndoo ra xiꞌin ndo ya ikan ra ya xa̱á xiꞌin ndo xaꞌa nií ra nduta ndi̱xita nuu cruzin. Ta nda iin ichí ndïsama ini ra xaꞌa ya ki̱ndoo ra xiꞌin ndo.

1 Pedro 1:25

Sundi tuꞌun Ndioxi ta nda iin kivi ndïꞌi xaꞌa ya, ndiꞌi saa kivi kutaku ya. Ta tuꞌun vaꞌa yóꞌó kua xi̱ni soꞌo ndo xaꞌa Tata yo Jesucristo.

El Apocalipsis 10:11

Saa ndi̱kaꞌan tuku tatun Ndioxi xiꞌin i, káchi ya saa: ―Xíniñuꞌu un kaꞌan ndoso un tuꞌun ya káꞌan Ndioxi xaꞌa ya kundoꞌo kuaꞌa ni ñuu xiꞌin ndiꞌi ni kúu na ñuu ivi nuu káꞌan na ndiꞌi ni kúu nuu tuꞌun xiꞌin nuu xáꞌnda chiñu nda rey nuu na ―káchi tatun Ndioxi ikán xiꞌin i.

El Apocalipsis 10:7

Tá ná tindaa kivi ya tivi tatun ra ya uxa itun trompeta ya, saa kua sixinu ndiꞌi Ndioxi ya xa chi̱tuni ra xaa súvi ra, ta köo ndi̱kundaa ini naꞌa xaꞌa ya ndi̱kaꞌan ra xiꞌin nda profeta, nda ndi̱kaꞌan tuꞌun yuꞌu ra xinaꞌa ―káchi tatun ikán xi̱ni soꞌo i.

El Apocalipsis 13:7

Ta kúu mií ri ichí ya kani taꞌan ri xiꞌin naꞌa na i̱í ndíkun ichí Ndioxi, ndakua kuchiñu ri nuu na. Saa kúu mií ri ichí ya kaꞌnda chiñu ri nuu ndiꞌi na ñuu vali tin na ñuu naꞌnu xiꞌin na káꞌan ndiꞌi ni kúu nuu tuꞌun ndóo ñuu ivi yóꞌó.

El Apocalipsis 3:10

Xaꞌa ya ndee ni vaꞌa ndi̱xaꞌa ndee ini ndo xa̱a súvi ndo tuꞌun i, ta saa tu yeꞌe va, kundaa ni i ndóꞌo̱ tá kivi ná kixi tindoꞌo ya ndee ni ndee koto ndoso ya ndiꞌi na ndóo ñuu ivi yóꞌó.

El Apocalipsis 5:9

Saa xa̱á kumi saa ya táku ikán xiꞌin oko kumi saa na xikuaꞌa, xíta na iin yaa xa̱á nuu kiti Levo loꞌo ikán, káchi na saa: Yóꞌo̱ ku un kúu mií ichí tiin un tutu ñaa. Ta kúu mií un ichí kaꞌnda un uxa saa sello kixin kúu mií ya. Saa chi yóꞌo̱ ku un ndi̱soko xiꞌin mií nuu Ndioxi, si̱tikueꞌe ni na yóꞌo̱, ta xa̱ꞌni na yóꞌo̱, ndi̱xiꞌi un. Ta xiꞌin nií un nduta ndi̱xita, cha̱ꞌvi un xaꞌa kuachi na ñuu ivi, ya kuchiñu na nduu na seꞌe Ndioxi. Cha̱ꞌvi un xaꞌa ndiꞌi ni kúu nuu naꞌa, xiꞌin ndiꞌi ni kúu na káꞌan ndá ka inka nuu tuꞌun. Saa i̱kan un xaꞌa ndiꞌi ni kúu na ndóo ndiꞌi saa ñuu vali tin ñuu naꞌnu ya ñúꞌu ndiꞌi ni kúu ñuu ivi.

El Apocalipsis 8:13

Ta saa ndi̱koto i, ta xi̱ni soꞌo i ndáchi iin tatun Ndioxi maꞌñu ndivi, ta ndee ni káꞌan ya, káchi ya saa: ―¡Vai! ¡Vai! ¡Vai! Ndaꞌvi ni na ndóo ñuu ivi, chi kúmani ka soo uni tatun tivi itun trompeta ya. Ta xa íyo tuꞌva ya tivi ya nu, tá ná tivi ya ikán ta ndee ni ndoꞌo na ―káchi tatun Ndioxi ndáchi ikán.