El Apocalipsis 14:4 - Xochapa Mixteco

⁴ Vaꞌa ni xi̱ndaa nda ikán mií nda, chi köo ndi̱kiꞌvi nda xiꞌin nda iin ná ñaꞌa, nda tá íyo iin taa ra köo ndi̱tindaa iin ñaꞌa, saa ndi̱xiyo nda ikán. Ta ndinuꞌu ni ini nda ndíkun nda sata Levo loꞌo ikán, nda mií nuu kuaꞌan ri ta ndíkun nda kuaꞌan nda sata ri. Chi ndee ni yaꞌvi cha̱ꞌvi Ndioxi xaꞌa nda. Tá káa ya vaꞌa, ya núnu̱ú sóko naꞌa nuu Ndioxi xiꞌin nuu kiti levo loꞌo, saa íyo nda ikán nuu ra.

El Apocalipsis 14:4 ပူးပေါင်းရင်းမြစ်များ

San Mateo 19:12

Íyo sava nda taa ta köo tíndaꞌa nda saa chi xa saa ndi̱niꞌi taꞌvi nda tá ka̱ku nda, íyo tuku nda köo tíndaꞌa nda saa chi ndi̱taꞌnda nda i̱kan naꞌa. Ta íyo tuku sava nda xa saa chi̱kaa ini nda tïndaꞌa nda, saa chi kúni nda xaa chiñu nda nuu Ndioxi. Ndiꞌi taa nda kíꞌin kuenta kuchiñu nda koo nda saa, ta vaꞌa ná koo nda saa ―káchi Jesús.

San Mateo 25:1

Saa ndi̱kaꞌan Jesús, káchi ra saa: ―Ná ndituꞌun i xiꞌin ndo ndá kuꞌva koo tá ná kaꞌnda chiñu Ndioxi ñuu ivi yóꞌó. Saa ndo̱ꞌo uxi ná kuâán vali ná kuaꞌan nuu viko tíndaꞌa. Uxi saa ná níꞌi ñu̱ꞌu̱ túun ná kuaꞌan ná ndikiꞌin ná ra tíndaꞌa.

San Mateo 8:19

Saa ndi̱xaa iin ra sínaꞌa ley ya ta̱a ra Moisés ndi̱kaꞌan ra xiꞌin ra, káchi ra saa: ―Tata Maestro, kuꞌun i xiꞌin un ndá ka mií nuu kuaꞌan un ―káchi ra xiꞌin Jesús.

San Juan 10:27

Chi levo sana i ta ndíkuni ri tachi i, yakan vaꞌa ndíkundikun ri yeꞌe, ta saa tu yeꞌe va xíni ndiꞌi i ri ikán.

San Juan 12:26

Tá ndá ndóꞌo̱ kúni xaa chiñu nuu i, ta vaꞌa kundikun ndo yeꞌe. Chi nuu koo i ta ikán koo tu ndóꞌo̱ va xiꞌin i. Tá ndá ndo xáa chiñu nuu i, ta xaa kaꞌnu Iva i Ndioxi ndóꞌo̱ ―káchi Jesús xiꞌin na.

San Juan 13:37

Saa ndi̱kaꞌan ra Pedro xiꞌin ra, káchi ra saa: ―Tata, ¿ndachu küvi kuꞌun i xiꞌin un vitin? Ta xa íyo tuꞌva i, vani nda kuvi i xaꞌa va un ―káchi ra xiꞌin Jesús.

San Juan 8:12

Saa xa̱á tuku ra káꞌan ra xiꞌin naꞌa, káchi ra saa: ―Yeꞌe ku ñu̱ꞌu̱ ya síndiyeꞌe nuu na ñuu ivi yóꞌó. Ta ndiꞌi na ndíkun yeꞌe ta käka na ichí ya naá, chi kúu mií na ñu̱ꞌu̱ ya táxi kutaku na ―káchi ra xiꞌin na.

Los Hechos 20:28

Ta ndóꞌo̱ ku ndo ndi̱kaxin Tachi I̱í Ndioxi ya kundiso chiñu ndo xiꞌin na veꞌe ñuꞌu. Tá íkan nda ndáa levo sana nda, saa ikan ndo. Xaa kuenta ni ndo xiꞌin mií ndo tin xaa kuenta ni ndo xiꞌin na kuaꞌan ichí Jesús. Chi na ikán ku na sa̱ta ra xiꞌin ni̱í mií ra nduta ndi̱xita nuu cruzin.

1 Corintios 16:15

Ñani yo, xa kúndaa vaꞌa ini ndo xaꞌa na veꞌe ra ñani yo, ra Estéfanas, na ndóo chí estado Acaya. Na ikán ku na núnu̱ú xa̱á ndíkun Tata yo, ta xa̱á na xáa chiñu ni na chíndee taꞌan ni na xiꞌin ñani yo na ndíkun Tata yo Jesucristo.

1 Corintios 6:20

Saa chi mií ra ku ra sa̱ta ndóꞌo̱ xiꞌin nií mií Tata yo Jesucristo, ta ndee ni yaꞌvi cha̱ꞌvi ra xaꞌa ndo. Xaꞌa ya ñaa kua xaa kaꞌnu ni ndo ra xiꞌin ikin kuñu ndo tin ya vaꞌa ndo, saa chi ñaꞌa mií ra ku uvi saa ya kúu mií ndo.

1 Corintios 7:28

Tá tu kúni tu nda ñani yo nda kuâán tindaꞌa nda, ta vaꞌa ná tindaꞌa va nda, köo kuachi xaꞌa ya. Tá tu kúni tindaꞌa tu ná kuâán taki, ta vaꞌa ná tindaꞌa va ná, köo kuachi íyo xaꞌa ya. Sundi tá ná tindaꞌa ná vitin ta ndoꞌo va ná, xaꞌa ya köo kúni i ndoꞌo ná yakan káꞌan i saa xiꞌin ná.

2 Corintios 11:2

Chi yeꞌe, ta ndee ni ndíꞌi ini i xaꞌa ndo, tá kuꞌva ndíꞌi ini Ndioxi xíni ra ndóꞌo̱, saa ndíꞌi ni ini i xíni i ndóꞌo̱. Chi ki̱ndoo i taxi i ndóꞌo̱ ndaꞌa ra, tá kuꞌva íkan taa, táxi ra seꞌe síꞌi ra tíndaꞌa yá xiꞌin iin taa. Ta kuꞌva saa íyo yeꞌe nditaxi i ndóꞌo̱ ndaꞌa Jesucristo tindaꞌa ndo xiꞌin ra. Tá kuꞌva íin ná kuâán taki vali ná täꞌan tindaa nda iin taa, kuꞌva saa kúni i koo ndo nditaxi i ndóꞌo̱ ndaꞌa Jesucristo.

Efesios 1:14

Ta Tachi I̱í ra ya íyo xiꞌin yo kua xiꞌna ta̱xi ra ndaꞌa yo ya káꞌan ra xiꞌin yo ya niꞌi yo ya ki̱ndoo ra xiꞌin yo taxi ra ndaꞌa yo. Chi tixin Tachi I̱í ra kua taxi ra saña ndíka mií yo kúu na ñuu ra. Xaꞌa ya i̱kan Ndioxi saa xiꞌin yo kua xíniñuꞌu yo xaa kaꞌnu ni yo ra chi ndee ni kaꞌnu ra.

Efesios 5:27

I̱kan ra saa xiꞌin yo ya kuchiñu yo kuu yo na veꞌe ñuꞌu, na ndee ni vaꞌa náꞌa, na luvi ni íin. Chi ndi̱xiꞌi Cristo xaꞌa yo ya kuchiñu yo nduu yo naꞌa, na köo nda loꞌo paꞌa kuachi kúu mií nuu ra, ni tá kúꞌva ndóꞌo toto ya nda loꞌo páꞌa ka yakua köo nuu ya ta ni köo kútii ya. Chi mií ra ta kúni ra ná kuu yo naꞌa, na ií nuu ra.

1 Timoteo 4:3

Ta ya sínaꞌa na kua küvi tindaꞌa taa xiꞌin ñaꞌa, saa káꞌan na ya küvi kuxi naꞌa sava ñaꞌa vaꞌa xíxi, káchi na. Sundi naꞌa, na kándixa Tata yo Jesucristo ta xa xíni na ya ndaa, yakan vaꞌa xíni na ya vaꞌa kuxi na ndiꞌi ñaꞌa, ta saa taxi na tixaꞌvi ndaꞌa ra xaꞌa ñaꞌa xíxi na.

HEBREOS 12:23

Ta ñuu ikán ku nuu ndi̱kitaꞌan ndo xiꞌin na núnu̱ú na kúu seꞌe Ndioxi, ta na ikán ta xa íyo kivi na nuu tutu ra, na íin tá íin tachi, na ndi̱xiyo ivi na vaꞌa ni, na ndu̱u tá íin naꞌa, na köo ka kuachi kúu mií nuu Ndioxi, na xa nda̱sa i̱í ra. Na ikán ku na xa ndi̱xaa nuu ra xaꞌa ya kúu ra, ra xáa nani kuachi xiꞌin na.

Santiago 1:18

Ta saa chi̱tuni ra nda̱sa xa̱á ra nima yo xiꞌin tuꞌun ra ya ndaa, ya ná kuchiñu yo nduu yo naꞌa, na vaꞌa, ta xiꞌna ka yoo ku yo núnu̱ú nda̱sa xa̱á ra nuu tá kúu ndiꞌi ñaꞌa ya si̱kuaꞌa ra íyo ñuu ivi yóꞌó.

1 Pedro 2:9

Sundi ndóꞌo̱, ta mií Iva yo Ndioxi ku ra ndi̱kaxin ndóꞌo̱ ndu̱u ndo seꞌe mií ra, saa nda̱sa ra ndóꞌo̱ sutu na xáa chiñu nuu rey, ra kúu Tata yo Jesucristo, ta ndu̱u ndo iin ñuu na i̱í ni, na kúu kuenta mií Ndioxi. Ta mií Iva yo Ndioxi ku ra ndi̱kaxin ndóꞌo̱, ta̱va ra ndóꞌo̱ ichí nuu naá nuu xi̱ndoꞌni ndo, saa chi̱ndoo ra ndóꞌo̱ nuu luvi ni káa nuu íyo ñu̱ꞌu̱ yéꞌe̱ ya kúu mií ra. Ta ndi̱kaxin ra ndóꞌo̱ ya kaꞌan ndoso ndo tuꞌun ra ya ndee ni ndee kúu mií, ya kaꞌan ndo ya xiꞌin naꞌa ya kundaa ini na xaꞌa ya vaꞌa ni íkan Ndioxi.

El Apocalipsis 17:14

Ndiꞌi nda rey ikán kani taꞌan nda xiꞌin Levo loꞌo, sundi kiti Levo loꞌo ta kuchiñu ri nuu nda, chi Levo loꞌo ikán kúu Tata yo Jesucristo, ra kaꞌnu ni nuu ndiꞌi na naꞌnu, ta chee ni ka ra ikán, saa chi kúu mií ra rey ra chee ni xáꞌnda chiñu nuu ndiꞌi nda rey ñuu ivi yóꞌó. Ta na ítaꞌan xiꞌin ra ku na ka̱na ra, na ndi̱kaxin ra ndinuu ni ndíkun ñaꞌa na ―káchi tatun Ndioxi xiꞌin i.

El Apocalipsis 21:22

Ta nda iin veꞌe ñuꞌu köo ndi̱xini i mi ñuu i̱í chee ikán, saa chi mií Iva yo Ndioxi ra ndee ni ndee ku ra ku veꞌe ñuꞌu xiꞌin Tata yo Jesucristo ra kúu Levo ku ra íyo xiꞌin ra.

El Apocalipsis 21:23

Ta mií ñuu ikán ta köo xíniñuꞌu ya ñu̱ꞌù án yoó ya sindiyeꞌe ya ñuu, saa chi xa mií Ndioxi xiꞌin mií kiti Levo ikán ku ya luvi ni síndiyeꞌe mií ñuu i̱í ikán.

El Apocalipsis 3:4

Vani saa íkan ndo, ta saa ni íyo sava ndo ñuu Sardis kándixa ni yeꞌe, ta ndóꞌo̱ ku ndo íin tá íin naꞌa, na yaa ni toto ndíxi, na köo xáa yakua toto, yakan ndóꞌo̱ ta kúu mií ndo ichí kaka ndo xiꞌin i nuu ndivi, xaꞌa ya xáa súvi ni ndo ya kúni Ndioxi.

El Apocalipsis 5:9

Saa xa̱á kumi saa ya táku ikán xiꞌin oko kumi saa na xikuaꞌa, xíta na iin yaa xa̱á nuu kiti Levo loꞌo ikán, káchi na saa: Yóꞌo̱ ku un kúu mií ichí tiin un tutu ñaa. Ta kúu mií un ichí kaꞌnda un uxa saa sello kixin kúu mií ya. Saa chi yóꞌo̱ ku un ndi̱soko xiꞌin mií nuu Ndioxi, si̱tikueꞌe ni na yóꞌo̱, ta xa̱ꞌni na yóꞌo̱, ndi̱xiꞌi un. Ta xiꞌin nií un nduta ndi̱xita, cha̱ꞌvi un xaꞌa kuachi na ñuu ivi, ya kuchiñu na nduu na seꞌe Ndioxi. Cha̱ꞌvi un xaꞌa ndiꞌi ni kúu nuu naꞌa, xiꞌin ndiꞌi ni kúu na káꞌan ndá ka inka nuu tuꞌun. Saa i̱kan un xaꞌa ndiꞌi ni kúu na ndóo ndiꞌi saa ñuu vali tin ñuu naꞌnu ya ñúꞌu ndiꞌi ni kúu ñuu ivi.