El Apocalipsis 14:1 - Xochapa Mixteco

¹ Saa ndi̱koto i ta xi̱ni i ndíchi Levo loꞌo ikán xiki ya náni Sión. Ta kuaꞌa ni naꞌa ndíta xiꞌin ri, saa ndi̱kaꞌi taan ndiꞌi na ikán xiꞌin sello Ndioxi, íyo kivi ra taan na xiꞌin kivi kiti Levo loꞌo ikán. Ta kúu na ikán iin ciento uvi xiko kumi mil.

El Apocalipsis 14:1 ပူးပေါင်းရင်းမြစ်များ

San Lucas 12:8

Saa ndi̱kaꞌan ka Jesús xiꞌin na, káchi ra saa: ―Ndiꞌi na köo kúkaꞌan nuu xíni yeꞌe ra kúu Taa ra xa̱a ñuu ivi yóꞌó, ta ni yeꞌe ta kaꞌan i xaꞌa na nuu na tatun Ndioxi.

ROMANOS 9:33

Tuꞌun Ndioxi ya ta̱a na xinaꞌa, káchi ya saa: Koto ndo chi tiꞌvi i iin taa xaa ra ñuu Jerusalén. Tá íyo yu̱ú ya kákiꞌi xaꞌa naꞌa, saa koo ra. Ta na kóyo nuu yu̱ú ikán, ta ndee ni tixuꞌvi na. Sundi naꞌa na kándixa ra ta ndïko koo ini na xaꞌa ya kándixa na ra, káchi Ndioxi xaꞌa ra.

El Apocalipsis 14:14

Saa ndi̱koto i ta xi̱ni i iin viko yaa, ta nuu viko ikán índuꞌu iin taa, tá káa ra ke̱e nuu Ndioxi saa káa ra. Ta ínuu iin corona ya oro xiní ra ikán, saa níꞌi ra iin i̱chi káni ni ta xiín ni yuꞌu ya.

El Apocalipsis 14:3

Naꞌa, na kuaꞌa ni ikán ku nda taa nda ndíta nuu íyo tai toꞌo nuu íyo Ndioxi, xíta nda iin yaa i̱í xa̱á. Saa íyo kumi saa ya táku ikán xiꞌin oko kumi saa na xikuaꞌa nuu íyo tai toꞌo ikán, ta xíni soꞌo na yaa ya xíta nda ikán. Ta nda iin ka naꞌa köo xíni kata yaa i̱í xíta nda ikán. Ndisaa nda kúu iin ciento uvi xiko kumi mil ikán ku nda xíni kata ya. Ndioxi si̱kaku ra nda ikán tañu naꞌa, na väꞌa íyo ñuu ivi yóꞌó.

El Apocalipsis 15:5

Saa ndi̱koto i nuu ndivi ta xi̱ni i ndi̱xuna yeꞌe veꞌe ñuꞌu manta. Ta ini veꞌe ñuꞌu ikán ndíchi itun xatun nuu ndíkáꞌán ini naꞌa ya ndixa kua xaa súvi Ndioxi tuꞌun ra ya ndi̱ka̱ꞌa̱n ra xiꞌin na xinaꞌa.

El Apocalipsis 22:4

Saa kuni xiꞌin nuu ndiꞌi na Ndioxi, ta saa ndikunuu kivi ra taan na.

El Apocalipsis 3:12

Ndiꞌi naꞌa, na kúchiñu nuu ya väꞌa, xaꞌa ya köo síndoo na ichí i, ta taxi i ichí ndaꞌa na, nduu na naꞌa, na ndee ni, na xíniñuꞌu ni ini veꞌe ñuꞌu Ndioxi nuu ndivi. Tá kuꞌva ndíso ni itun ndíso xiní veꞌe, kuꞌva saa koo na ikán. Ta veꞌe ñuꞌu Ndioxi ikán koo na ndiꞌi saa kúu kivi. Ta chinuu i kivi Ndioxi, ra xáa kaꞌnu i sata iin iin na. Saa chinuu i kivi ñuu Ndioxi, ñuu Jerusalen ya xa̱á, sata iin iin na. Ta chinuu tu i kivi mií va i ya xa̱á, chinuu i ya sata iin iin na.

El Apocalipsis 4:1

Tá ndi̱ꞌi ikán saa ndi̱koto i ta xi̱ni i iin yéꞌe núna ya nuu ndivi, ñaa xi̱ni soꞌo tuku i tachi na tá kuꞌva káa ya xi̱ni soꞌo i núnu̱ú, saa káa tachi itun trompeta tívi na, saa ke̱ta tachi na ndi̱kaꞌan ya xiꞌin i, káchi ya saa: ―Naꞌa ndaa un ni̱nù yóꞌó, saa sinaꞌa i yóꞌo̱ ya kuu kivi vaxi ―káchi ya xiꞌin i.

El Apocalipsis 6:8

Saa ndi̱xaa i ndi̱koto i, ta xi̱ni i ke̱ta inka kuai kiti yáꞌa vaxi ri. Ta ya yóso ri náni ya “Ndee ya xáꞌni naꞌa”. Ta satá ya ikán ke̱ta inka ya náni “Hades” ya káꞌan xaꞌa nuu xáꞌnda chiñu ndee ya xáꞌni naꞌa. Saa ndi̱kiꞌvi ichí ndaꞌa ya ikán ya sindiꞌi xaꞌa ya iin kumi taꞌvi ñaꞌñu ñuu ivi nuu ndóo na ñuu ivi, yáꞌa ni kuaꞌa ku na. Uvi saa ya kúu mií ichí ya kaꞌni ya naꞌa xiꞌin i̱chi nuu kuachi, án xiꞌin soko, án xiꞌin ndiꞌi nuu kueꞌe, án ya kuvi na kaꞌni kiti iku na.