El Apocalipsis 13:18 - Xochapa Mixteco

¹⁸ Uꞌvi ni kundaa ini yo xaꞌa ri yóꞌó, chi xíniñuꞌu ni yo ya ndíchi saa kuchiñu kundaa ini yo xiꞌin ya unkua kúni kaꞌan ya. Chi número mií kiti ìyo ni káa ikán kua káꞌan xaꞌa iin taa, ta número ri ikán ku ya iñu ciento uni xiko iñu.

El Apocalipsis 13:18 ပူးပေါင်းရင်းမြစ်များ

San Marcos 13:14

’Ta ndóꞌo̱ tá xi̱ni ndo ya väꞌa, ya kini ya síndiꞌi xaꞌa ya i̱í, taꞌan ñaꞌa ya ndi̱kaꞌan ra Daniel xaꞌa, ra ndi̱kaꞌan ndoso tuꞌun yuꞌu Ndioxi, tá xi̱ni ndo ya ikán íyo ya ini veꞌe ñuꞌu kaꞌnu nuu köo xíniñuꞌu ya koo ya, ta vaꞌa ka kana koo ndóꞌo̱ ndóo estado Judea yóꞌó, kee ndo kunu ndo kuꞌun ndo iku, (ta ndóꞌo̱ káꞌvi ya yóꞌó ta ná kundaa ini ndo xiꞌin ya káꞌvi ndo).

ROMANOS 3:5

Ya ndaa kua, xaꞌa ya väꞌa íkan yo ta sínaꞌa ya mií yo, ya iin mií Ndioxi ku ra ndaa ni nuu yo. Yakan kua ¿án vaꞌa kaꞌan yo xaꞌa Ndioxi, ra väꞌa ku ra chi táxi ra tíxuꞌvi yo xaꞌa kuachi yo? Soꞌva ndíkani xiní sava na ñuu ivi yóꞌó.

El Apocalipsis 1:3

Ta vaꞌa ni kée naꞌa, na káꞌvi tuꞌun yóꞌó nuu inka naꞌa, ta saa vaꞌa ni tu kée naꞌa, na xíni soꞌo tuꞌun yóꞌó ta xáa súvi na ya káꞌan ya. Saa chi xa ku̱yati ni kivi nuu sixinu ndiꞌi Ndioxi ya ndi̱kaꞌan ra, xaꞌa ya íyo nuu tutu yóꞌó.

El Apocalipsis 15:2

Saa xi̱ni i inka ñaꞌa tá káa yuyu yéꞌe̱ ni saa káa nduta ñûꞌu xi̱ni i, ta sáka ñu̱ꞌu̱ xiꞌin rá. Ta yuꞌu nduta ñûꞌu ikán ndíta kuaꞌa ni naꞌa na xa ku̱chiñu nuu kiti ìyo ni káa ikán, ta ni köo ndi̱xaa kaꞌnu na naꞌna ri ya ndíchi, saa ni köo ndi̱taxi na ndikunuu sello ri taan na án ndaꞌa na ya kúu mií número ya ndítuꞌun xaꞌa unkua náni ri. Saa ndíta na nuu nduta ñûꞌu yéꞌe̱ ni tá káa yuyu ya yeꞌe ni ikán, ñaa ta̱xi Ndioxi itun arpa ndaꞌa iin iin na.

El Apocalipsis 17:9

Saa ndi̱kaꞌan ka tatun ikán xiꞌin i, káchi ya saa: Ta na ndíchi xiní ku na ndixa xíniñuꞌu kundaa ini unkua kúni kachi ya xi̱ni un. Saa kundaa ini na chi uxa xiní kiti ìyo ni káa ikán ku ya káꞌan xaꞌa uxa xiki sukun íyo ñuu Babilonia nuu xínduꞌu yá ñaꞌa ikán.

El Apocalipsis 21:17

Saa ki̱ꞌin kuꞌva tatun ikán ya kúkun mií nama ya xi̱nuu nduu nuu ñuu, ta kúu ya uvi xiko uꞌun metro. Chi tá kuꞌva kíꞌin kuꞌva na ivi yóꞌó kua xi̱niñuꞌu tatun ikán ki̱ꞌin kuꞌva ya.