Ta Ndioxi chíndee yeꞌe ndiꞌi saa kivi, yakan vaꞌa táku i nda kivi vitin, ndíchi i nuu ndo. Ta káꞌan ndoso i tuꞌun Ndioxi xiꞌin na vali tin na naꞌnu. Ta köo ndi̱nama i ya káꞌan i xiꞌin na, tá kuꞌva ndi̱kaꞌan ra Moisés tin nda ndi̱kaꞌan ndoso tuꞌun yuꞌu Ndioxi xaꞌa ñaꞌa ya kuu kivi vaxi, saa íyo ya káꞌan i xiꞌin na.
El Apocalipsis 13:16 - Xochapa Mixteco16 Ta kiti uvi, ri ìyo ni káa ikán xa̱ꞌnda ri chiñu ya ndikunuu sello iin iin na, kaꞌi na vali tin na naꞌnu, saa tu na kuika tin na ndaꞌvi, saa tu na íkan chiñu mií na án na xáa chiñu xiꞌin ya nduxa nuu xitoꞌo na. Ndi̱taꞌnda chiñu ya ndikunuu sello ndaꞌa kuáꞌá na án taan na. အခန်းကိုကြည့်ပါ။ |
El Apocalipsis 13:16
26 ပူးပေါင်းရင်းမြစ်များ
Saa chi tixin iin mií Tachi I̱í ra kua chi̱chi ndiꞌi yo yakan iin ndu̱u ndiꞌi yo xiꞌin ra. Án yo judío ku yo, án süvi yo judío ku yo, án yo sa̱ta na xáa chiñu xiꞌin ya nduxa ku yo, án yo íyo ndika ku yo, ta iin káchi ndi̱kuiso ra ndiꞌi yo. Ta tá íin nduta xíꞌi yo saa káa Tachi ra ya ndi̱niꞌi yo nuu ra, íyo ya xiꞌin yo.
Ta xaꞌa ya xa ndu̱u ndo na xa̱á vitin ta köo ndáa yaꞌvi ka ya án ndo judío ku ndo án süvi ndo judío ku ndo, án ndo kúu mií tuni Ndioxi ku ndo, án ndo köo tuni Ndioxi ku ndo, án ndo ka̱ꞌvi ni ku ndo án ndo köo ndi̱kaꞌvi ku ndo, án ndo ke̱e inka ñuu kani ni ku ndo, án ndo xáa chiñu xiꞌin ya nduxa ku ndo, án ndo íyo ndika ku ndo, nda iin ya yóꞌó köo ndáa yaꞌvi ni, ya ndee ni ndáa yaꞌvi kua íyo Cristo xiꞌin ndo vitin.
Ndiꞌi ni kúu na ñuu ivi yóꞌó, sáa ni ini xíni yóꞌo̱, Iva yo Ndioxi, ta vitin kua ti̱ndaa kivi nuu ndee ni sitixuꞌvi un na xaꞌa ya väꞌa íkan na. Vitin kua ti̱ndaa kivi ya xaa nani un kuachi xiꞌin ndiꞌi na xa ndíi. Saa taxi un ya vaꞌa ndaꞌa nda ndi̱kaꞌan ndoso tuꞌun yuꞌu un, nda xa̱a chiñu nuu un xinaꞌa, xiꞌin na ñuu un, na i̱í, saa chi kándixa ni na yóꞌo̱, ta xáa kaꞌnu na yóꞌo̱, án na vali ku na, án na naꞌnu ku na, ta ndiꞌi na niꞌi ya vaꞌa nuu un. Saa sindiꞌi xaꞌa un ndiꞌi naꞌa, na si̱ndiꞌi xaꞌa ndiꞌi ñaꞌa ya si̱kuaꞌa un ñuu ivi yóꞌó ―káchi nda xikuaꞌa ikán xiꞌin Ndioxi.
Saa xi̱ni i inka ñaꞌa tá káa yuyu yéꞌe̱ ni saa káa nduta ñûꞌu xi̱ni i, ta sáka ñu̱ꞌu̱ xiꞌin rá. Ta yuꞌu nduta ñûꞌu ikán ndíta kuaꞌa ni naꞌa na xa ku̱chiñu nuu kiti ìyo ni káa ikán, ta ni köo ndi̱xaa kaꞌnu na naꞌna ri ya ndíchi, saa ni köo ndi̱taxi na ndikunuu sello ri taan na án ndaꞌa na ya kúu mií número ya ndítuꞌun xaꞌa unkua náni ri. Saa ndíta na nuu nduta ñûꞌu yéꞌe̱ ni tá káa yuyu ya yeꞌe ni ikán, ñaa ta̱xi Ndioxi itun arpa ndaꞌa iin iin na.
Kixi ndo kaxi ndo kuñu nda rey, kaxi ndo kuñu nda naꞌnu nuu nda lapa xiꞌin nda taa nda ndee ni, nda xa̱ꞌni kuaꞌa ni naꞌa nuu ndi̱xiyo kuachi. Saa kaxi ndo kuñu kuai xiꞌin kuñu nda taa nda xi̱yoso ri, kaxi ndo kuñu ndiꞌi saa nuu naꞌa, na naꞌnu tin na vali, na íyo ndíka tin na xáa chiñu xiꞌin ya nduxa nuu patron na. Naꞌa ndo kaxi ndo kuñu ndiꞌi na yóꞌó ―káchi tatun ikán xiꞌin ndiꞌi kiti ndáchi.
Ta Taa ra chee ni ra yóso kuai yaa xiꞌin nda lapa ítaꞌan xiꞌin ra, tíin nda kiti ìyo ni káa ikán saa tíin tu nda ra profeta vata. Ta ra ikán ku ra si̱ndaꞌvi naꞌa xaꞌa ya i̱kan ra kuaꞌa ni yatúꞌun nuu na, ta ta̱xi na ndi̱kunuu sello ra taan na, saa xa̱a kaꞌnu na naꞌna mií kiti ìyo ni káa ikán. Ta saa xi̱ni i tíin ra nda kíꞌin ra nda síkana táku ra ini xitun chee ni nuu ndee ni xíxi ñu̱ꞌu̱ xiꞌin ñu̱ꞌu̱ káꞌndi ya náni azufre.
Saa xi̱ni i ndiꞌi na ndi̱xiꞌi, na kúu mií chiñu naꞌnu tin na kúu mií chiñu vali. Ta ndíta ndiꞌi na ikán yati nuu ndíchi tai i̱í itun toꞌo chee. Saa ndi̱xuna kuaꞌa ni tutu nuu ndóso ya i̱kan ndiꞌi naꞌa tá xi̱taku na ñuu ivi, ñaa ndi̱xuna inka tutu nuu ndóso kivi ndiꞌi na koo xiꞌin Ndioxi ndiꞌi saa kivi ya vaxi. Saa xa̱a nani Ndioxi xaꞌa kuachi ndiꞌi na xa ndi̱xiꞌi. Tá kuꞌva íyo ya i̱kan na ndóso nuu tutu ikán, saa íyo kuachi na ya xa̱a nani Ndioxi xiꞌin na, na i̱kan ya vaꞌa ta koo na xiꞌin ra, na i̱kan ya väꞌa ta kuꞌun na ndaya.
Saa xi̱ni i kuaꞌa ni tai toꞌo, ta nuu nu ikán ndóo ndiꞌi na kúu mií ichí ya xaa nani na kuachi. Ta xi̱ni tu i ya vaꞌa na ndee ni tuun xi̱ndikun Jesús, saa ndi̱xiꞌi na ndi̱taꞌnda sukun na chi ndi̱xika na ndi̱kaꞌan ndoso na tuꞌun vaꞌa xaꞌa Jesús yakan ndo̱ꞌo na saa. Ta köo ndi̱kañuꞌu na ikán kiti ìyo ni káa, ni naꞌna ri köo ndi̱kañuꞌu na, ta köo ndi̱taxi na ndikunuu sello ri taan na án ndaꞌa na. Saa ndi̱taku na ta xa̱á na xáꞌnda chiñu na xiꞌin Tata yo Jesucristo iin mil kuiya.
Saa ndiꞌi ni kúu naꞌa, na ndóo ñuu ivi yóꞌó xínu na kuaꞌan na kava íyo iku án tixin yu̱ú naꞌnu ni ya kuchiñu tiseꞌe na. Ta na kuaꞌan ikán ku na kúu nda rey, nda naꞌnu nda kúu mií ichí nuu na ñuu ivi xiꞌin ndiꞌi ka nda naꞌnu xiꞌin nda ndóso nuu nda lapa. Ta saa kuaꞌan tu na kuika va xiꞌin na moso na, na sa̱ta xitoꞌo na xáa chiñu nuu na, ta saa kuaꞌan tu naꞌa, na xíka ndíka va.
ကြော်ငြာတွေ